2024-07-14
HomeIrakaskuntzaHaur EskolakTxalotu dugu gobernu taldeek eta EH Bilduk 0-3ko lan baldintzak hobetzeko sinatutako...

Txalotu dugu gobernu taldeek eta EH Bilduk 0-3ko lan baldintzak hobetzeko sinatutako akordioa Nafarroan

LABek positibotzat jo du akordioa sinatzea, zikloa duintzeko beste urrats bat delako.

Akordioaren arabera, 2023ko aurrekontuetan behar diren aurrekontu-partida guztiak sartuko dira, udal titulartasuneko haur-eskoletako langile guztien eta Nafarroako Gobernuko profesionalen soldata-baldintzak berdintzeko 2023ko urtarriletik aurrera. Era berean, hezkuntza-laguntzako langileen kontratazioa 100 lanalditan handitzeko ere balioko du eta horrek ia Nafarroako eskola guztiak erreforzatzea bermatuko du.

Ez dugu zalantzarik mobilizazioa eta borroka ezinbestekoak izan direla, LABek aktiboki parte hartu duen horietan, Gobernua osatzen duten talde parlamentarioek bere garaian EH Bildurekin lortutako akordioak gauzatzeko konpromisoa har dezaten.

LAB 0-3k Nafarroarako hitzarmen sektorial propio baten alde lan egiten jarraituko du, hori baita, gure ustez, etorkizunari begira, 0-3 ziklo osorako eta sektoreko langile guztientzako lan-baldintza eta soldata duinak bermatzeko modurik errealistena. Ziur gaude hori lortzeko negoziazio kolektiboaren bidea bide egokia dela, eta berriz ere azpimarratu nahi dugu konpromisoa eta mobilizazioa ezinbestekoak izango direla gure helburuak lortzeko.

AZKEN ALBISTEAK | ÚLTIMAS NOTICIAS

Niessenen enpresa ituna adostea #LortuDugu

Langileen borrokari esker Oiartzunen kokatuta dagoen ABB Niessen enpresan itun berria sinatzea lortu dugu, enpresa batzordearen babes osoarekin, non LABek 4 ordezkari dituen, ELAk 3 eta UGTk 2. Uztailaren 10ean burutu den langile batzarrean gehiengo osoz onartua izan da ituna, bozkatutako 120 langiletik 119 langileek aldeko bozka eman dute.

Bizkaiko Foru Aldundiko garbitzaileentzako akordio historikoa #Lortudugu

Foru Aldundiko eraikinak garbitzen dituzten langileentzako hitzarmena sinatu dugu Optima azpikontratarekin. Soldata igoera garrantzitsuez gain, bizitza erdigunean jartzeko, sektore feminizatu batean garrantzitsuak diren lan baldintzak lortu ditugu, hala nola, lanaldi partzialak atzean utzi ahal izateko bakante sistema eta zaintzarako lizentzia hobeak.