Tag: hezkuntza

Castejonek PAI lerroan ez jarraitzeko egin duen eskaria erabat zilegia dela iruditzen zaigu eta PSNk gidatzen duen Hezkuntza Departamentuari prozesu hori burutzeko oztoporik ez dezala jarri galdatzen diogu. Erabat ulertezinak iruditzen zaizkigu orain arte jarri dituen oztopo eta aitzakia guztiak, batez ere PAI egitasmoa bere unean UPNren proiektua izan baitzen –D ereduaren hedapena geldiarazteko, besteak beste-.

Abenduaren 10 eta 16ko eta urtarrilaren 25 eta 27ko greba egun arrakastatsuen ostean eta Hezkuntza Sailak deitu zuen azkenengo mahai negoziatzailetik bi hilabete pasa direnean, gaur, otsailaren 22aren etorrerarekin, greba eta mobilizazio dinamikarekin hasi gara langileon %72ko jarraipena izanik; gaur, bihar eta asteazkenean (otsailak 22, 23 eta 24) gauzatuko direnak. Lotsagarria eta erantzukizun politiko eskasa izatea iruditzen zaigu EAEko Hezkuntza Saileko arduradunen negoziatzeko borondate eza eta langileon aldarrikapenei horrela muzin egitea.

EAEko Hezkuntza Sailak langileen ordezkaritza negoziazio-mahai ezberdinetara deitu duen arren, LABetik salatu behar dugu bereziki feminizaturik dauden eta zaintza lanekin loturiko bi kolektibo baztertzen ari dela:, Haurreskolak Partzuergokoa eta Sukalde eta Garbiketakoa. Ez dugu uste hau kasualitatea denik, eta horregatik salatu dugu Bilboko Hezkuntza Ordezkaritzan deitu dugun mobilizazioaren bidez.

Hiri osoa zeharkatu duen protesta egin dugu gaur, zerbitzu publiko eta eskubide sozialen aldeko kotxe-karabana. Auzoetatik bost zutabe atera dira (Alde Zaharra, Zorrotza, Indautxu, Saninazio eta Santutxutik), Gran Vian elkartu direnak Udaletxean amaitzeko.

Haurreskoletan izan ezik gainerako langile-kolektibo publikoetan EAEko Hezkuntza Sailarekin zabaldu berri diren negoziazio-mahaiak direla eta, LAB sindikatutik aldarrikapen-plataforma bat mahai gainean jartzeaz gainera, horien defentsan mobilizatzeko prest gaudela ere argi utzi nahi dugu, lan-hitzarmen duinak eratu eta langile publikoen baldintzak hobetzeko helburuz. Agerraldia egin dugu Donostian, Jaurlaritzaren egoitza aurrean, honen guztiaren berri emateko, Hezkuntzako kolektibo guztien ordezkarien parte hartzearekin.

LABek protesta egin du Bilbon, Olentzero eta Mari Domingiren laguntzarekin, Jokin Bildarratz Hezkuntza Sailburua desagertuta dagoela salatzeko. Hain zuzen ere, Hezkuntza Sailburuak azaoaren 10ean eskola jangeletako langileen ordezkariekin izan behar zuen bilera bertan behera utzi zuen, eta hitza eman zien hitzordu berri bat adostuko zuela eurekin. Baina, momentuz, ez da bilerarako datarik zehaztu.

Abenduaren 10ean egin zuten bezala, Haurreskolak Partzuergoko langileek bat egin dute LAB, STEILAS eta ELA sindikatuok egin dugun greba deialdiarekin; izan ere, aurrekoaren jarraipena gainditu da eta %75 izan da EAEko haurreskoletan. Gaurkoan ehundaka langile atera dira Gasteiz, Bilbon eta Eibarren deitu ditugun elkarretaratze eta manifestazioetara, gaur bertan Haurreskolak Partzuergoko Zuzendaritza batzordea Lakuan biltzen den bitartean. Mahai negoziatzailea hilaren 22rako deitu dute, eta Eusko Jaurlaritzako Hezkuntza saileko ordezkariak bertaratuko omen dira. Paradoxikoki, gai-ordenean kudeaketako langileen aurreakordioa besterik ez dute txertatu. Aurreakordio hau orain dela ia urtebete sinatu zen eta, oraindik, ez dute bete.

Haurreskolak Partzuergoko langileek bat egin dute LAB, Steilas eta ELA sindikatuok egin dugun deialdiarekin, jarraipena %73koa izan da EAEko haurreskoleta. Lan Sailak ezarri dituen gehiegizko zerbitzu minimoak direla eta hainbat haurreskoletan plantila guztiari kendu zaio greba egiteko eskubidea, alegia bi hezitzaileko haurreskola guztiei, orotara 278 langileri.

Haurreskolak Partzuergoko gerenteak grebaren atarian, mahai negoziatzailearen bilera deialdia egin zigun atzorako, berriro ere berari interesatzen zitzaion gai ordenarekin, alde sozialaren eskaerei muzin eginez eta langileak sindikatuen kontra jartzeko jokoan sartuz. Bada, abenduaren 10ean hainbat herritan, Bilbo eta Donostiako Eusko Jaurlaritzako delegaritzen aurrean eta Gasteizko plaza berrian, goizeko 11:00etan burutuko diren kontzentrazioetan parte hartzera animatzen ditugu herritarrak.