Etiquetak Greba

Etiketak: greba

Hiru greba egun deitu ditugu EAEko eskola publiko, pribatu eta itunduetako...

Gasteizko Gobernuaren egoitzaren aurrean mobilizatu gara, Lakuan, eta, bertan, jangeletako langileek grebara joko dutela jakinarazi dugu; urriaren 21, 27 eta 29an, hain justu. Enpleguaren eta lan baldintzen defentsan egingo dute greba, baita kolektiboaren osasuna bermatzeko ere.

Arabako helduen egoitzetako langileak kalera irten dira, iragarritako hiru greba egunetatik...

Gipuzkoan, atzo; Araban, gaur. Helduen egoitzetako langileek datozen asteetarako iragarritako hiru greba egunetatik lehena egin dute Araban, hitzarmen duin baten defentsan, LAB, ELA, UGT eta CCOO sindikatuok deituta.

Urriaren 9tik aurrera deitutako greba mugagabea berretsi dute

Greba mugagabea egitea berretsi dute Matriceria Deusto eta GTSko langileek, enpleguaren defentsan. Lehen bilerak egin dira gaur, eta Gestamp-en asmoak bere horretan darrai: bi enpresak itxi eta 230 langile kaleratu.

Donostiako kaleak hartu ditugu, helduen egoitzetarako kalitatezko arreta eredu bat aldarrikatzeko

Grebara deitu dugu gaur Gipuzkoako helduen egoitzetan, eta, mobilizazio egunaren harira, manifestazioa egin dugu Donostiako kaleetan zehar. Hain zuzen ere, Gipuzkoa plazatik abiatu dugu protesta, Aldundiaren egoitza paretik, foru erakundearen pasibotasunak eraman baigaitu grebara. Helduentzako beste arreta-eredu bat sortzeko beharra berretsi dugu, ereduaren erdigunean gure helduak jar daitezen, ez enpresa kudeatzaileen negozioa.

Lehen greba eguna Greba Enviser Servicios Medioambientales Ecovidrio enpresan, hitzarmen duinaren...

Enviser Servicios Medioambientales Ecovidrioko langileak Bizkaian beira jaso eta birziklatzeaz arduratzen dira eta gaur, greba eta mobilizazioak hasi dituzte enpresak uko egiten diolako lan-baldintza duinak aitortzeari. Mobilizazioa ere egin dugu enpresak Bilbon duen egoitzaren aurrean.

Urriaren 6rako grebara deitu ditugu Gipuzkoako helduen egoitzetako langileak

Bada garaia Gipuzkoako helduen egoitzetako langileek euren funtsezko eginkizuna aitortuko duen hitzarmen bat izan dezaten, emandako lanari egokitutako arauketa eta konpentsazioen bidez. Hala, grebara deitu dugu Gipuzkoako Aldundiaren aurrean egindako agerraldian, Foru erakundearen eta patronalen pasibotasunak eta desadostasunak bultzatuta.

Gasteizen, Bilbon eta Donostian mobilizatuko gara bihar, EAEko Hezkuntzan deitutako grebaren...

EAEko Hezkuntzako sindikatuok aurrez aurreko itzulera seguru eta adostua exijitzeko grebara deitu dugu biharko. hala, mobilizazioak egingo ditugu 11:00etan, Gasteizen (Jesus Guridi Kontserbatoriotik), Bilbon (Arriagatik) eta Donostian (Alderdi Ederretik).

“Ez dugu emakume isil, otzan eta prekarizatuak izaten jarraitzeko asmorik; horregatik,...

Hezkuntza arloko azpikontratetako langileak, hots, garbiketa, eskola-jangela eta eskola-garraiokoak, Bilboko Arriagako plazan mobilizatu dira, LAB, ELA, CCOO, UGT eta ESK sindikatuok deituta. Hain zuzen ere, sektoreko langileei dei egin diete irailaren 15ean EAEko Hezkuntza arloan iragarritako grebarekin bat egin dezaten, aurrez aurreko itzulera seguru eta adostuaren alde.

Jaurlaritzako Hezkuntza sailburuak segurtasuna bermatzeko eduki zehatzik ez duela proposatu salatu...

Eusko Jaurlaritzako Hezkuntza sailburu berri Jokin Bildarratzekin izandako bileraren balorazioa egin du Irati Tobarrek, LABeko Irakaskuntzako ordezkariak: “Gu ez gara pozik atera bileratik. Gure helburua da premiazkoa den hori lortzea; ratioak aztertzea, langileen kolektiboz kolektibo, eta hor gehikuntza bat eman. Baliabideak egoteko dirua behar da, eta aurrekontuetan gora egin behar da. Bada, hau ez da mahai gainean jarri”. Hala, hitz ederretatik harago, Jaurlaritzak bilerara eduki zehatzik ez duela eraman kritikatu dugu.