2024-04-16
HomeEkintza SindikalaSalatzen dugu patronalaren proposamena sinatzeak Bizkaiko Etxez Etxeko Laguntza Zerbitzuko langileak pobretzea...

Salatzen dugu patronalaren proposamena sinatzeak Bizkaiko Etxez Etxeko Laguntza Zerbitzuko langileak pobretzea dakarrela

Gaur, patronalak eta CCOO eta UGT sindikatuek Bizkaiko Etxez Etxeko Laguntza Zerbitzuko (EELZ) langileen erosteko ahalmenaren galera historikoa adostu dute. LABek baztertu egiten du akordio hau, eta iragarri du borrokarako eta mobilizaziorako espazioak irekiko dituela sektoreko 1.200 langileek beren lan-baldintzak hobetu ditzaten eta egiten duten lan publikoa aitor dakien.

Sinatutako akordioa oinarrizko soldatarekiko

2016- 2022

EELZko langile baten erosteko ahalmenaren galera, 2022ko abendura arte, hilean, 289,1 eurokoa da gutxienez. Sinatutako akordioak, hilean, 0 €-ko igoera dakar. Hau da, akordio horrek hileko 289,1 euroko soldata pobretzea ezartzen du. Sinatutakoaren arabera, galera hori ez litzateke inoiz berreskuratuko.

2023-2027

Aldi horretako erosahalmenaren galera kalkulaezina da, datuak ezagutzen ez direlako; hala ere, 2023an soldaten pobretzea are gehiago handituko dela ikus daiteke:

– Ez da egia, ezta aldi horretan ere (2023-2027), berrikuspen-klausularen bidez langileen hauen eros ahalmena bermatzen denik, klausula horrek % 2,5eko erregularizazioa baino ez baitu bere gain hartzen.

– Soldata-igoeraz gain, akordioak, 5. puntuan, hilabete dinamikoa aztertzeko asmoa jasotzen du, eta, zehaztera ausartu ez badira ere, beldur gara sinatzaileen batzorde horrek ez ote duen langileen egoera okertuko duen neurriren bat ezarriko.

Sinatutakoaren azterketa amaitzeko, salatzen dugu ez duela kontuan hartzen langileek lan-osasunari dagokionez pairatzen duten egoera larria, eta ez dela horri buruzko neurririk jasotzen.

LABen balorazioa

Akordio horrek prekarizatu egiten ditu Etxez Etxeko Laguntza Zerbitzuko 1.200 langileak. Langileei pobretzea inposatzearen erantzule egiten dugu patronala. Gogoan izan enpresa horiek, batez beste, % 20 gehiago kobratzen dietela erakunde publikoei orduko prezioa. Diru hori non dagoen galdetzen diogu geure buruari.

Sindikatu sinatzaileei eskatzen diegu ez dezatela patronalaren proposamena babestu eta atzera egin dezatela. Bizkaiko ELZko langileek 70 greba egun inguru egin dituzte. Duintasun handia erakutsi dute eta ez zuten enpresen inposaketetara makurtzen den akordiorik merezi. Lan-baldintzak larriki okertzen dituen akordioa da hau.

Prekarizazio horren erantzule egiten ditugu udalak eta mankomunitateak, zerbitzu publiko hori pribatizatuz, enpresei poltsikoak betetzea ahalbidetzen baitiete, langileak pobretzearen truke.

Azkenik, LABek, akordio hori arbuiatzeaz gain, borrokarako eta mobilizaziorako espazioak irekiko dituela iragarri nahi du, langileek beren lan-baldintzak hobetu ditzaten eta egiten duten lan publikoa aitor dakien.

AZKEN ALBISTEAK | ÚLTIMAS NOTICIAS

Mobilizazioekin hasi gara Aulasa enpresan, hitzarmen duin baten alde

Oletako metalgintza lantegiko beharginek duela ia urte erdi abiatu zituzten negoziazioak erabat blokeatuta dauzka enpresak.

Correos kondenatu dute langile bati kalte moralak egiteagatik #LortuDugu

Gasteizko Lan Arloko 3. zenbakiko Epaitegiak 1.500 euro ordaintzera kondenatu du Sociedad Estatal Correos y Telégrafos SA. Lehen aldiz kondenatu dute enpresa hau kalte moralengatik, langile bati ospitaleratzerik gabeko ebakuntza kirurgikoagatiko baimena ukatzeagatik.

Gautenaren Urdinduz Martxa Solidarioarekin bat egin genuen atzo, hitzarmen duinaren garrantzia nabarmenduz

Apirilaren 14an, Gautenako komunitateak Autismoaren Espektroaren Nahasmendua (TEA) kontzientziatzeko eta ikusarazteko martxa solidarioa egin zuen, Urdinduz. Jai giroan, Gautenako langileen batzordeak bat egin zuen ekimen horrekin.