Gasteizko Michelin enpresan lanean ari zen Ferrovial Servicioseko 30 urteko langilea hil zen atzo laneko istripuz. Gertakari honen aurrean protesta egiteko, Michelin eta Ferrovial Servicioseko empresa-batzordeek 24 orduko lanuztea deitu dute. Honetaz gain, kontzentrazioa egingo dute empresa atarian bihar ostirala, urriaren 28an, goizeko 08:00etatik 12:00etara.13:00etan, SEAren egoitzaren aurrean egingo dute kontzentrazioa, Correos plazan.
Gauzak honela, LABek honakoa adierazi nahi du:
• Errebalidek ondorio akademikorik ez dute izango tituloa eskuratzeko baina LOMCEk ezarritako ebaluazio sistema bere horretan jarraitzen du, curriculuma, hezkuntza komunitatearen parte hartzea, etab. Hortaz, ezer gutxi aldatzen du, eta gainera, behin behinekotasunez.
• Erabaki hau “estatuko paktu nazional” baten klabeetan kokatzen da, Hego Euskal Herriko hezkuntzari ekarpenik egingo ez diona.
• Guk Akordioa nahi dugu, Euskal Herri osorako Hezkuntza sistema propioari bide emango dion oinarriak bilduko dituen hezkuntza akordio zabala.
Langile baten heriotza eragin duen lan istripu baten berri izan dugu gaur. J.R. 30 urteko gaztea hil da. Ferroser azpikontratarekin lanean ari zen Michelin enpresan. Gurpil handien sailean gertatu da istripua, 5.000 kiloko pieza bat gainera erori ostean. Langile ebentuala zen, 6 hilabeteko esperientzia zuena, bertan aritzeko 2 urtetako esperientzia behar den arren. Lan honetarako, astoak erabiltzen dituzte baina duela bi urte, enpresa-batzordeak kontu hau Laneko Ikuskaritzan salatu zuen.
Pasa den abuztuaren 1ean enpresa honetan gertatutako istripuari gehitu behar diogu gaurkoa. Aurreko honetan, beste langile batek bizitza galdu zuen estruktura metaliko bat gainera erori eta gero.
Honekin, 48 dira gutxienez Euskal Herrian aurten hildako langileak, eta faktore amankomun bat dute oinarri, prekarietatea. Langileen bizitza ekoizpen eta kapitalaren zerbitzura, mozkinak bizitza eta osasunaren gainetik lehenetsiaz.
Prebentzio arloko prestakuntza falta, zabor kontratuak eta gehiago ekoiztu beharraren presioa lan istripu ugariren iturri dira. Enpresak, Michelin kasu, hau izkutatzen saiatzen bada ere.
LAB sindikatutik gogor salatzen dugu istripu berri hau, baita administrazioak duen jarrera pasiboa. Administrazioak nahiago du onartezinak diren jarduera enpresarialak saritzea, zabor kontratuak, aparteko orduak, segurtasunik ez duten baldintzak, prestakuntza falta… lan-istripuen egoera latza konpontzea baino.
Azkenik LAB sindikatutik gure elkartasun eta babes osoa helarazi nahi diegu J.R. gaztearen senide lagun zein lankideei, momentu gogor hauetan, eta dei egiten dugu deituko diren mobilizazio guztietan parte hartzera.
EHU eta Hezkuntza Saileko zentroetan azpikontratatutako garbitasuneko langileek lan baldintza duinak aldarrikatu dituzte gaur burutu duten elkarretaratze batean. Hain zuzen ere 2014ko abenduan amaitu zitzaien hitzarmena eta bilera ugari egin ondoren negoziaketa erabat blokeaturik dago. Langileek lan duina eta eros-ahalmena berreskuratzea aldarrikatzen dute.
LABek kontzentrazioa egin du Gasteizen, “MERCEDES eredua: prekarietatea eta kaleratzeak” lemapean. Azken hilabeteetan langile ebentual batzuk kaleratu dituzte, kontratua bukatu baino lehen, “errendimendua” jaitsi dutelakoan. Hau Mercedesek ebentualekiko duen jarrera isla besterik ez da, kontratazio politikaren ondorio zuzena. Honen ondorioz, nahieran erabiltzen ditu langileak etekinak handitzeko.
Gaur, hilak 27, "Lan harremanak, dependentziatik burujabetzara" izenburupean mahai ingurua izango da arratsaldeko 19:00etan Getariko Alhondigan. Ekimenaren moderatzailea Aitor Irigoien izango da eta hitza hartuko dutenak; Garbiñe Aranburu (LAB), Joseba Villareal (ELA) eta Adrian Zelaia (Ekai Center). Mahai-ingurua zuzenean ikusteko aukera izango da "Getariako karta soziala" edo "Getaiko gaztetxia" facebook kontuetan.
Ekimen honen bidez, giro eroso eta desberdin batean, geure esperientziak zein gogoetak ahalik eta jende gehienarekin elkar trukatzeko aukera izatea bilatzen dugu. Horretarako goiz osoko, zazpi orduko, egitaraua prestatzen ari gara, aldarrikatzen dugun 35 orduko lanastean egun bateko jarduna irudikatuz. Basauriko Trintxera Plaza elkargune nagusi bezala hartuta, afiliatu eta gainontzeko herritarren aldarrikapen eta aisialdia eguna bihurtzea espero dugu datorren Azaroaren 5a. Animatu eta parte hartu!
EGITARAUA
9:00 Mendi Martxa
7 kilometroko ibilbidea: Trintxera plazatik Malmasinera. AHTko proiektuak geure inguruan izango duen eragina ezagutzeko aukera izango dugu.
10:00 Prekarietatearen kontrako idei faktoria zabalduko da (Haurtzaindegia egongo da).
Trintxera plazan Prekarietatearen kontrako azoka eta argazki erakusketa: “35 irudi prekarietatearen kontra”.
11:00-13:00 Idei tailerrak
Arlo desberdinetako jendearen gunea, bertan esperientziak konpartitzeko eta alternatibak bilatzeko aukera izango dugu.
13:00 Mosaiko erraldoia
Trintxera plazan. Tailerretik ateratako ideien soinuarekin osatuko da geure aldarrikapen mosaikoa.
13:30etatik aurrera Bertso saioa, Barrikote eta erromeria.
Trintxera plazan, mobilizazioaren amaiera jai giroan.
