2026-02-07
Blog Page 948

Euskotreneko makinisten greba berriak martxoaren 12tik aurrera

admin
-
0
Euskotreneko makinisten greba berriak martxoaren 12tik aurrera

Amara eta Arasoko Langileen Asanbladak, otsailaren 23an batzartuta, greba deitzea erabaki du. Langileek zuzendaritzak inposatu duen langile finkoen igoera (Hendaia-Lasarte eta Amara-Zumaia lineetan zerbitzu berriak jartzeak sortua) guztiz askieza dela salatzen dute. LAB sindikatuak, INDEPENDENTEekin batera greba deitu eta babesten dugu.

Amara eta Arasoko (EUSKOTREN) Langileen Asanbladako prensa-oharra

"Euskotreneko makinisten greba berriak martxoaren 12tik aurrera

Amara eta Arasoko Langileen Asanbladak, otsailaren 23an batzartuta, greba deitzea erabaki zuen du Amara eta Arasoko egoitzetan jarraian aipatzen diren egun eta orduetan.

– Martxoak 12: 10:25etik 14:35etara.

– Martxoak 14 eta 16 eta apirilak 3, 5, 7, 25 eta 27; 06:25etik 08:35era eta 17:25etik 19:35era.

– Martxoak 18 eta apirilak 1, 13, 15, 17 y 29: 11:55etik 16:05era.

– Martxoak 20, 22 y 24 eta apirilak 11: 6:55etik 9:05era eta 17:55etik a 20:05era.

– Martxoak 28 eta 30 eta apirilak 19 eta 21: 07:25etik 09:35era eta 18:25etik 20:35era.

Greba hau Amara eta Arasoko Langileen Asanbladak proposatu eta berretsi du. LAB eta INDEPENDENTEEK deitu eta babesten dute.

Grebarako lehen arrazoia, zuzendaritzak inposatu duen langile finkoen igoera (Hendaia-Lasarte eta Amara-Zumaia lineetan zerbitzu berriak jartzeak sortua) guztiz askieza da langileek irailaren 12aren aurretik genituen lan-baldintzak eta jarduera aurrera eramateko baldintzei eusteko.

Bigarren arrazoia, Zuzendaritzak uko egiten diola berehala jarri beharreko garraio planari. Plan honek Arasoko egoitzara eraman dituzten langile guztientzako izan beharko luke.

Hirugarrenik, Zuzendaritzak negoziazioetan zehar erakutsitako jarrera immobilista legoke. Modu sistematikoan baztertu ditu alde sozialaren proposamenak, neurri handi batean konpontzen zituztenak zerbitzuaren bidagarritasuna, ikuskapen trenak edo langileentzako garraioa bezalako arazoak.

Eta azkenik, uztailean, Zuzendaritzak apurtu egin zituela negoziazioak zerbitzuen taulen inposizioarekin. Irailaren 12an sartu ziren hauek indarrean.

Grebaren helburua, azken finean, Treneko Agente finkoen plantilla handitzea da, langile talde honek irailaren 12aren aurretik zituen lan eta jarduera egiteko baldintzei eusteko. Gainera, Arasoko langileek lanera joan ahal izateko garraio publikoa edukitzea ere aldarrikatzen da."
  

 

 

2012. urteaz geroztik soldatak izoztuak dituztela salatu dute Oreretan

admin
-
0
2012. urteaz geroztik soldatak izoztuak dituztela salatu dute Oreretan

Oreretako zahar egoitzako langileak eta eraikin publikoetako garbitzaileak kalera irten dira euren lan eskubideak defendatzeko. Hain zuzen ere, bizitzaren kosteak eta UNI2 eta Eulenen aurrekontuak urtez urte gora egin duen bitartean, euren egoerak bere horretan jarraitzen duela salatu. Bost urte igaro dira hitzarmena sinatu gabe dutela, eta, orduz geroztik, soldatak izoztuak dituzte.
 

 

 

Enpresaren asmoen aurka egin dugu protesta, Simplytik Simplyra

admin
-
0
Enpresaren asmoen aurka egin dugu protesta, Simplytik Simplyra

Simplyko langileek mobilizazioak egin dituzte, Sabeco Banaketako enpresa batzordeak deituta. Auto karabana bati ekin diote Mungiako Simplytik abiatuta, eta, herria zeharkatu ondoren, Durangoko Simply hipermerkatuan bildu dira euren eskubideak defendatzeko.

Sabeco Banaketa S.L. enpresak (SIMPLY dendak), langileen kontrako neurriak hartzeko asmoa adierazi du balizko salmenten jaitsiera argudiatuz. Izan ere, denda batzuen itxiera posibleaz gain (eta honen ondorioz emango liratekeen kaleratzeak), enpresak denda batzuen egungo funtzionamendu eredua aldatzeko nahia ere adierazi die langileei.

Aldaketa hauek ordutegien erabateko liberalizaziora eramango gintuzkete (urteko 365 egunak irekita, 18 ordu egunean) eta orain arte langileek borrokatutako lan-baldintzen galera suposatuko luke (denda batzuetan Simply-ko hitzarmen estatala aplikatzeko nahia, Bizkaiko elikadurako hitzarmena gutxika saltatu nahi dutelarik).

Egoera honen aurrean, langileek mobilizazioak egin dituzte, euren eskubideen defentsan. 

 

 

 

Aurrekontu sozial, parte hartzaile eta burujabeak aldarrikatuko ditugu Gasteizen, martxoaren 17an

admin
-
0
Aurrekontu sozial, parte hartzaile eta burujabeak aldarrikatuko ditugu Gasteizen, martxoaren 17an

Euskal Herriko Eskubide Sozialen Karta osatzen dugun eragile eta sindikatuok ekitaldi bat egingo dugu Mendizorrotza pilotalekuan, 10:30ean, Eusko Jaurlaritzaren aurrekontu neoliberalak salatzeko. Ekitaldiaren ondoren, manifestazioa egingo dugu Legebiltzarreraino, “Aldaketa sozialerako, aurrekontu sozial, parte hartzaile eta burujabeen alde” leloarekin. "Alternatiba sozialak badaude, baina gure agintariek ez dute borondate politikorik bide hori egiteko. Aurrekontuen oinarriak zeintzuk diren kontuan hartuta, argi dago ez dagoela aukerarik ikuspuntu sozial batetik proiektuaren inguruan akordio batera iristeko", ohartarazi dugu.

Hauek dira Euskal Herriko Eskubide Sozialen Kartaren aldarrikapenak:

1. Aldaketa soziala aldarrikatzen dugu. Aldaketa estrukturala nahi eta behar dugu politika publikoetan: aberastasunaren banaketa, kalitatezko enpleguaren sorrera, bizitzaren iraunkortasuna eta askatasun zein kultur eskubideen defentsa oinarri izango dituena.

2. Sakoneko erreforma fiskala gauzatzea eskatzen dugu, gehien dutenek gehiago ordain dezaten. Iruzur fiskala eta kapitala eta errrenta altuei azken hamarkadetan eman zaien pribilegiozko tratamenduarekin bukatzea exijitzen dugu. Aberastasunaren banaketa ahalbideratzeko politika fiskal justu eta progresiboa aldarrikatzen dugu. Neurriok ezinbestekoak dira diru sarrerak handitzeko, beti ere zerbitzu publikoak, enplegua, babes soziala eta kultur-hizkuntza eskubideak sustatze aldera.

3. Jendarteak zor handia du emakumeekin, eurak gauzatzen baitute eguneroko bizitza sostengatzen duen zaintza lana; modu ikusezin eta prekarioan, gainera. Genero ikuspegia duten aurrekontuak oinarrizko tresna dira emakumeen behar espezifikoei erantzuteko, baita gehiengoarentzat bizitza duina bermatzeko eta genero arteko botere harremana estrukturalak eraldatzeko ere.

4. Energiaren ekoizpen eta komertzializazioaren gaineko kontrol publikoa ezarri, eredu energetikoaren trantsizioa zein burujabetza ahalbidetuko duten ekoizpen zein jarduera iraunkorrak bultzatuz.

5. Abiadura Handiko Trena, Fracking-a, gas putzuak, Garoña, Errauskailuak… proiektuak eten. Natura zein gure osasunarentzat kaltegarriak diren, alperrikakoak eta aurrekontuen poltsa xahutzen duten proiektu guztiak gelditu, eztabaida sozial parte hartzailea sustatuz eta proiektu hauek suposatzen duen gastua babes sozialean inbertituz.

6. Babes Sozialeko sistema publiko, integral, duin eta kalitatezkoa aldarrikatzen dugu, bizitzaren iraunkortasuna erdigunean jarriko duen jendarte ereduaren norabidean kokatuko dena. Horretarako,
1. DBE-ari (diru-sarrerak bermatzeko errentari) Lanbidek kudeatzen dituen beste prestazioei aplika diezaietela LGS-ak (Lanbide arteko gutxieneko soldatak) izan duen %8-ko igoera.
2. Indargabetu dezatela prestazio sozialen zenbatekoan %7ko murrizketa ezartzen duen xedapen gehigarria.
3. Pentsio sistema publiko propioaren bidean urratsak ematea.

7. Oinarrizko eskubide sozialak herritar guztioi, inolako diskriminaziorik gabe eta emergentzia sozialean daudenei lehentasunez, bermatzea:
– Alokairu sozialeko etxebizitza eskuratzeko aukera bermatu eta etxebizitza hutsen gaineko zerga ezarri.
– Menpekotasun egoera ororen estaldura, kalitatezko zerbitzu publikoen bidez.
– Osasun zerbitzu eta arreta unibertsala.
– 0 – 3 urte artean eta gainerako hezkuntza etapatan (goi mailako irakaskuntza barne), dauden (plaza) eskaera guztiak sare publikoan estaltzea, doan.

8. Zorraren auditoria azken muturreraino eramateko konpromisoa berrresten dugu. Obra erraldoiak, ezkutuko mugimenduak eta enpresa publikoen sare iluna dira zorraren egileak. Auditoria ikusten dugu zor ilegal hori ez ordaintzeok urrats gisa.

9. Aurrekontu partea hartzaileak aldarrikatzen ditugu, politika publikoak diseinatu zein erabakitzeko herritarron parte hartzea ahalbidetuko duten baliabideak bideratuz.

10. Araba, Gipuzkoa eta Bizkaian eredu sozial zein ekonomikoari buruzko erabakiak modu burujabean hartzeko eskubidea aldarrikatzen dugu.
 

 

 

Enplegu publikoa egonkortzeko aurrekontuak aldarrikatuko ditugu

admin
-
0
Enplegu publikoa egonkortzeko aurrekontuak aldarrikatuko ditugu

Eusko Jaurlaritzak prestatutako aurrekontuek ez diote enplegu publikoaren arazo larriari heltzen, eta lan baldintzen eta zerbitzuen kalitatearentzat beste atzerapauso bat adierazten dute. Izan ere, ez dute jasotzen 20.000 lanpostu egonkortzeko, erosahalmena berreskuratzeko, administrazioak euskalduntzeko edota aukera berdintasun plan eraginkorrak garatzeko diru-sail egokirik. Bide horretatik hain zuzen, arreta ratioek, itxaron zerrendek eta zerbitzu publikoen kalitatea orokorrean gainbehera doaz.

Gogoratu beharra dago Europako Sententziak deitutakoek kontratazioen iruzurrarekin amaitzera eta egonkortasuna bermatzera behartzen dituela administrazioak. Argi frogatuta gelditzen da Jaurlaritzak bere aldetik ekimenik hartzeko borondaterik ez daukala, eta soilik behartuta sentitzen denean hartzen dituela neurriak. Mahai Orokorraren antzerkia alde batera uzteko eta eduki eta egutegi zehatzarekin bilera berria dei dezan exijitzen diogu Jaurlaritzari.

Kasu honetan Eusko Jaurlaritza eta EAJ Madrilek eta Estrasburgok zein neurri hartuko zain gelditzen dira konponbidea etxean bilatu gabe, eta langileon ordezkariekin negoziatzeko batere asmorik gabe. Horrela, LABek bere burua mobilizazioen eta epaitegien bideak abiatuta, dagoeneko 279 langileren salaketak ditu prestaturik. Kaleratzeak edota kontratu amaierak ematen jarraitzen duten neurrian zifra horrek handitzen jarraituko du.

LABek beti salatu izan du dirua egon badagoela eta hobeto banatzea badagoela, Euskal Herriko Eskubide Sozialen Kartak jasotzen duen bezala. Goi karguen gastua handitzeko, pribatizazioen negozioa mantentzeko, AHTa, bankuen zorra ordaintzeko… EAJk ez du arazorik. Zerbitzu publikoak garatzeko eta langileon lan baldintza duinak bermatzeko bai ordea.

Araba, Bizkai eta Gipuzkoarako aurrekontuen osoko emendakinak eztabaidatzeko egunean, Martxoaren 30ean LABek mobilizazio berezia egingo du Gasteizko parlamentuaren aurrean 10:30etatik 12:00etara, «Dirua egon badago, aurrekontuak zerbitzu publikoetarako» lelopean.
 

 

 

Torturaren aurkako manifestazioan parte hartzeko deia egin dugu

admin
-
0
Torturaren kontrako manifestazioa egingo da bihar Bilbon, “5.657 torturatu. Aitortza, erreparazioa eta ez errepikatzeko bermeak” lemapean. Manifestazioa 17:30ean abiatuko da Plaza Eliptikotik. Sindikatuaren ordezkaritza bat bertan egongo da eta era berean, LABek dei egiten die langileei bertan parte hartzera.

LABen ustez, eta iraganean egondako milaka tortura kasuen aurrean, 5.657 Euskal Memoriaren arabera, aitortza eta erreparazioa ezinbestekoak dira, ukazio ororen gainetik. Bestalde, tortura ez errepikatzeko bermeak ezarri beharko lirateke, inpunitate egoerak gaindituz.

Elkarbizitzari begira, garrantzia du iraganean gertatutakoaren inguruko egia zehazteak, egondako tortura kasu ugariak aitortu eta erreparatuz, eta horrelakorik ez errepikatzeko bermeak emanez.
 

 

 

Justiziak atzera bota du bertan behera utzitako greba batengatik jarritako salaketa

admin
-
0
Justiziak atzera bota du bertan behera utzitako greba batengatik jarritako salaketa

Justiziak atzera bota du, Euskotrenek Greba Batzordea osatzen zuten 8 langileen kontra, Batzorde Iraunkorraren aurka eta sindikatuen kontra bertan behera utzitako greba batengatik jarritako salaketa. Hala ere greba deialdi hura eragin zuen lan gatazkak indarrean jarraitzen du. Langileok negoziatzeko prest jarraitzen dugu eta gonbita luzatzen diogu Euskotreneko zuzendaritzari erantzukizunez joka dezan eta amai dezan egunero milaka bidaiariri eragiten dien gatazka hau.


 

 

 

Langileon osasuna eta bizitza erdigunean izango dituen eredu berria behar dugu

admin
-
0

Gaur, hilak 9, lan istripuz izandako heriotza baten berri izan dugu. Langile batek lan istripu ez traumatikoa izan du eta larrialdi ekipoek ezin izan dute ezer egin. RM enpresako langilea zen, Cotronicen azpikontratatuta, hau modu berean Telefonicaren azpikontrata delarik. Jakina da lan baldintzak, presioak eta estresa direla faktore nagusietakoa istripu kardiobaskularretan eta lanistripuen arrazoi nagusietakoa bilakatu dira.

Lehenik eta behin, gure elkartasuna eta babesa helarazi nahi diegu senide eta lankideei. Heriotza honekin,aurten gutxienez 10 dira lanean hildako langileak.

Lan istripu honen eta gainerakoen atzean langilen lan eta bizi-baldintzak daude. Lan-baldintza txarrak, halanola erritmo altuak, presioak, agintekeria, etab. estresa sorten dutenak eta honetatik eratorrita, langileenhainbat gaixotasun, batzutan heriotza sortarazten dutenak.

Gainera, azpimarratu nahi dugu Telefonica, Cotronic eta hauen azpikontratek denbora daramatela,
azpikontratazioa eta prekarizazioa salatzen. Greba eta lanuzteak ere egin dira jasaten dituzten baldintza etapresioengatik.

Gainera, azkenengo asteetan larritasun handiko beste istripu batzuk jasan dituzte, telefonia posteak hautsiondoren altueratik erorita, hau guztia bizi ditugun lan baldintza okerrak, presioa, presak… sortuta.

Argi dugu istripu hau edo beste edozein istripu ez direla zerbait isolatua, ekonomia langile klasearenosasuna eta bizitzaren gainetik lehenesten duen eredu produktiboaren isla baino.

LAB sindikatuan argi dugu, lan istripuek suposatzen duten gaitz indibidual, familiar eta sozial honi aurreegiteko arma bakarra mobilizazioa eta borroka direla, norabide aldaketa behar dugulako, eredu aldaketa,langileon osasun eta bizitza erdigunean izango dituena.

Horregatik, LABetik langile guztion eskubideen eta lan-baldintza duinen alde borrokara lotzeko deia egitendugu.

 

 

 

Lortu dugu jardunaldi partziala duten kontratatuek oporraldi ordainduak izateko eskubidea izatea

admin
-
0
Aste honetan, LAB sindikatuak lortu du, epai irmo baten bidez, lanaldi zati batez kontratatzen diren pertsonei opor ordainduak eta osoak aitortuko zaizkiela. Ebazpenean jasotzen da lanaldiaren %85a betetzen duen aldi bateko kontratua egin zaion lankide batek ezin izan zuela urteko oporrik egin, eta eskatu zituenean, ukatu egin ziotela.

Lehen Zaintzako Profesionalen Buruzagitzak lanaldi partzialeko batez kontratu diren erizainen oporretarako eskubidea ukatu zuen Leitza-Goizuetako Oinarrizko Eskualdean. Lankidea aldi baterako ezintasunean egon zen 2014. eta 2015. urteetan. Lanari berrekitean, gauzatu ez zituen oporrak eskatu zituen; ordainez, Profesionalen Buruzagitzak ukatu zion oinarrizko eskubide hori.

Lehen Zaintzako Zuzendaritzak (Zerbitzu Profesionalen Buruzagitzak) oporretarako eskubidea murriztu zuen: 27 lan egun izatetik, kontratatu den lanaldiaren eta eragindako pertsonaren berariazko lan egutegian jasotzen diren soberako orduak izatera igaro da.
Lan egutegia akastuna izanik, kontrataturiko urteko lanaldia eta legez egokitzen diren 27 opor egunak batzen ez zitzaizkionez, pertsona honi nabarmenki urritu zitzaizkion zegozkion oporrak.

Aipatu buruzagitzak erabili argudioa Administrazioarekiko Auzien Epaileak eraitsi zuen, gure abokatuak aurkeztu zuen argudioa onetsi eta berretsi zuelako lanaldi zati batez kontrataturiko langileei oporrak egiteko dagokien eskubidea galdegitearen harira.

Ebazpenean argi adierazten da aldi osoz kontratatuak 1.592 lanordu eraginkorreko lanaldia gehi oporretako 198 orduak (2015. urtean, 7 ordu eta 20 minututako 27 lanegun) betetzen dituela, guztira, haren lan egutegian 1790 ordu ezartzen direla. Egun zati batez kontratatu den pertsonari (oraingoan, %85ean) lanaldi eraginkorrean bete dituen 1321 orduak gehi, hari dagokion 198 ordutako urteko oporraldia (27 lanegun) dagozkio.

Hortaz, “aldi osoz edota egun zati batez kontratatu izanak ez diezaioke inolaz eragin opor ordainduak jasotzeko eskubideari. Aitzitik, haren iraupena bestelako eragile baten araberakoa, alegia, kontratuaren iraupenaren arabera izanen da, ez ordea, aldi osoz edota egun zati batez lan egitearen araberakoa”.

Lanaldi partzialaren erregimenak azpimarratzen ditu lan eraginkorrez egin orduen kopurua eta ordainketa doitua, ez ordea oporren eskubidea, berbera delako.

Langileei deia

Ebazpen honek aitortzen dizue sortzen dituzuen oporrak egiteko eskubidea, aldi osoz diharduten langileen antzera. Hauek sortzen dira: “ez dira sortzen ordu eraginkorren kopuruaren baitan edota haien proportzioan,…. kontratuak berez izanen duen iraupenaren arabera baizik”. Ebazpenak honakoa dio ere: “… lan egutegia lantzean eman daitezkeen akatsak ez daitezke zuzendu, nolanahi ere, legez aitortzen den eskubidea ukatuz”.

Kontrataturiko langileak animatzen zaituztegu (lanaldi partzialean nahiz lanegunka) zuen egoera berraztertzera, eta irregulartasunen bat antzemanen bazenute, eskubidez dagokizuena erreklamatzera. Hartu gogoan araudiak uzten duela aurreko urtetako egoerak berraztertzen.

Kudeaketa zabarra ez daiteke arrazoia izan kontratatu diren langileek oinarrizko eskubideak gal ditzaten.
 

 

 
1...947948949...1,590Page 948 of 1,590

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus