Enplegu zentro bereziari hitzarmena betetzeko eskatu diogu, Iruñeko Justizia Jauregiaren aurrean.
Blog Page 839
Gaurko irakasleen mahai sektorialean urratsak nabaritu ditugun arren, funtsezkoak diren aldagai batzuk faltan bota ditugu
Datozen egunetan gure kidegoarekin proposamena aztertu eta balorazio sakonagoa egingo dugu hemendik aurrera izango dugun jarrera zehazteko.
Lehenik eta behin, langileria zoriondu beharrean gaude, azken hilabeteotan erakutsitako konpromezuak greba eta mobilizazioen bidez, emaitzak ematen jarraitzen duelako.
Gaurko mahaian abendutik genituen zenbait edukietan urratsak eman dira, eta hori positiboki baloratzen dugu, hala nola, egonkortasunean, ordezkapenetan, 3 urteko geletako laguntzetan, bajetan… proposamen berriak egon dira.
Hala eta guztiz ere, LAB sindikatutik faltan bota ditugu guretzat funtsezkoak bilakatzen diren aldagai batzuk, eta hauen inguruan eskaera espezifikoak bideratu ditugu gaurko mahaian: 60 urtetik gora irakastorduen 1/3eko murrizketa funtzionario eta ordezkoentzat bideratzea, ordezkapen guztiak kidego guztietan lehenengo egunetik betetzea, tutoretza bikoitzak etapa eta kidego guztietan ezartzea, Hezkuntza Sailak proposatzen dituen mahai tekniko horien zehaztapen handiagoa eta kronograma aurkeztea…
Beraz, aurrerapenak egon diren arren, zehaztasun eta edukiak faltan botatzen ditugunez, lanean jarraituko dugu administrazioari eskaera hauek luzatuz. Datozen egunetan gure kidegoarekin proposamena aztertu eta balorazio sakonagoa egingo dugu hemendik aurrera izango dugun jarrera zehazteko. Beraz, maiatzaren 4an konbokatu duten hurrengo mahaian, afiliazioarekin egindako kontraste lanak emandakoa defendatuko dugu.
Sindikatuok bat egin dugu Arabako Batzar Nagusiek sakabanaketaren aurka onartutako adierazpenarekin
Aurretik Gipuzkoan eta Bizkaian onartutako adierazpenak aurrera egin du Araban.
LAB, ELA, CCOO, YGT, STEILAS, ESK, EHNE, HIRU eta Etxaldek sinatu dute adierazpena, Foro Sozial Iraunkorraren babesean. Arabako Batzar Nagusian, berriz, alderdi guztiek egin dute bat, PP izan ezik. Adierazpenak espetxe politika aldatzeko eta euskal presoen urruntzearekin amaitzeko eskatzen du.
Abiadura Handiko Trenaren kontra mobilizatu gara Gasteizen
AHTrik EZ Lautada Plataformak deitutako elkarretaratzearekin egin dugu bat.
LAB Sindikatuak askotan adierazi du AHTren kontrako jarrera, ez bakarrik sozialki, ekonomikoki eta ingurumenean izango duen kalteagatik, baita euskal langileriaren interesekin talka egiteagatik ere.
Gaur, AHTrik EZ Lautada Plataformak deitutako kontzentrazioan parte hartu izan dugu, Gasteiz eta Iruñea arteko AHTren burdinbide korridorearen kontrako mozio bat eztabaidatzen zen bitartean Arabako Batzar Nagusietan.
AHTren egitasmoak oro har eta bereziki gaur eztabaidatu den ibilbide zatiak ez du jendartearen oniritzia baina EAJ, PSE-EE eta PPk herritarren gehiengoaren aldarrikapenei muzin egin eta mozioren kontra bozkatu dute. Betaldetik, gaurko sesioan konprobatu ahal izan dugu talde politiko hauen artean ere ez direla ados jartzen, beste mozio bat aurkeztu baitute EAJ eta PSE-EEk eta ez du beste inoren babesa jaso, ezta PPrena ere.
LAB Sindikatutik eskatzen dugu AHTa gelditzea eta tren publiko eta sozial baten aldeko apustu erreala egitea, egungo azpiegitura hobetuz eta maiztasunak handituz. Jendartearen beharrei erantzungo dien trena, jasangarriagoa izango dena eta Euskal Herriko etorkizuna hipotekatuko ez duena.
Pobrezia eta bazterketa sozialarekin amaitzeko borondate politikoa eskatu du Eskubide Sozialen Kartak
Euskal Herriko Eskubide Sozialaren Kartako kideek pobreziaren eta bazterketa sozialaren aurkako Herri Ekimen Legegilearen arrazoiak azaldu dituzte Gasteizko Legebiltzarrean, Enplegu, Politika Sozial eta Gazteria Batzordean. LABeko Ekintza Sozialeko idazkari Bea Martxuetak hartu du hitza, besteren artean, Kartaren izenean.
Bea Martxuetak azaldu ditu Herri Ekimen Legegilearen nondik norakoak. Hain zuzen ere, helburua bi lege aldatzea da, hauek hobetzeko: "Lehenik eta behin, DSBEren 18/2008 legea; eta bigarrenik, Etxebizitza Eskubideren 3/2015eko legea. Zergatik aldatu nahi ditugu? Kohesio sozialean aurrera egiteko eznahikoak direla uste dugulako. Nondik dator ez nahikotasun hau? Azken urte hauetan eskubide ekonomiko eta sozialak urratuak izan dira eta urraketa honek hiru bide erabili izan ditu: lan erreformen aplikazioa euskal enpresetan, emakumeen diskriminazioa eta babes sistemaren eraistea".
Zer ekarri du horrek guztiak? Gero eta jende gehiagok behar izatea babes soziala, baina babes soziala eskasagoa izatea egindako murrizketen ondorioz: "Babes murrizketa hauek DSBEn ondorioak izan ditu. Adibidez, 2008-2016 bitartean artatutako pertsonen kopurua %62 gehitu da, baina pobrezia errealean dagoen pertsonen %30,7ak ez du DSBErik jasotzen".
LABeko ordezkariaren hitzetan, "etxebizitzari dagokionez, arazo oso larria dugu, pertsona eta familia askok ezin du etxebizitza bat izan, eta gazteei baliabide ekonomiko eskasiak bizitza indendiente bat izatea ez die ahalbidetzen. Pobrezia eta Desberdintasun Sozialei buruzko Inkestak 113.623 pertsona ezin izan direla indendizatu esan du, eta, gainera, kopuru hau azken 4 urteotan %13 hazi da".
Egoera larria izanik, Euskal Herriko Eskubide Sozialen Kartak pertsonak merkatuaren gainetik jartzea eskatzen dio Gasteizko Legebiltzarrari. "Horretarako bi bide proposatzen ditugu. Lehenik eta behin, taxuzko eta benetako politika publikoak egitea, bai aberastasuna banatzeko kalitatezko enplegua sortzeko edo lan produktibo eta erreproduktiboa kontutan hartuko dituzten politikak aurrera ematea. Eta bigarrenik, politika hauek egin ahal izateko borondate politikoa izatea eta Lan Harremanak eta Babes Sozialerako Euskal Esparruaren alde lan egitea. Aipatutakoa lortze bidean, Herri Ekimen Legegilearen lehenengo pauso honi bide ematea eskatzen diogu Legebiltzarrari", zehaztu du Martxuetak.
Mobilizazio gehiago iragarri dituzte Garbialdiko langileek
Maiatzean egoera hobetzeko beste proposamenik jasotzen ez badute, greba deialdia sartuko dute.
Hauxe da Garbialdiko langileek egindako oharra:
Pasa den abenduaren 5ean astero burutzen ari diren mobilizazioak martxan jarri genituen Garbialdi eta Foru Aldundiko garbitzaileen arteko hitzarmenaren negoziazioa desblokeatzeko borondatearekin.
Hitzarmen hau 2012. urtean hasi zen negoziatzen eta ordutik hainbatetan salatu behar izan dugu enpresaren immobilismoa, bere interes falta eta, oro har, mahaian erakusten duen fede txarra. Bere eskaintza erraz laburbildu daiteke: egunean 0.14€-tako soldata igoera lanaldi osoa dutenentzat. Partzialitateak gogor jotzen duen sektore honetan, kontuak atera!
Abenduaren 5etik geroztik, birritan batzartu gara Garbialdirekin, posturak gerturatzeko balio zezakeen eskaintza berri bat entzuteko itxaropenarekin.
EZ DA HORRELAKORIK GERTATU. Enpresak ez du proposamen berririk egin eta oraingo hauetan gainera ez du ezta aitzakiaren bat ipintzeko esfortzurik egin. Gainera, mahaian dauden ordezkariei eskubide sindikalak ukatzen dizkiete eta, are gehiago, aurrera eraman ditugun mobilizazioen inguruan komentario kritikoak egitera ausartu dira.
Euren jarrera, langileenganako errespetu falta izugarria erakutsi egiten du eta negoziazioa aurrera eramaten saiatzen ari garenontzat iraingarria bilakatzen hasi da.
Hasieran esan genuen eta oraingo honetan errepikatuko dugu: EZ BADUZUE ADITU NAHI, BEHINTZAT ENTZUNGO GAITUZUE.
Langileek asanblea batean, grebara joatea erabaki dute. Maiatzan beste proposamena ez badaukagu greba deialdia sartuko dugu.
Aste honetan apirilak 18,19 eta 20 eta datorrena 23 eta 24 Capuchinos kalean konzentrazioak egingo ditugu. Goizeko 11etatik-12etara.
H&M-ko langileek grebara joko dute lankide guztiak Bizkaian birkokatzeko
Agerraldi bat egin dute, Bilboko Moyuako dendaren itxiera dela eta.
Hauxe da langileek igorritako oharra:
Pasaden Maiatzaren 5-ean H&M-ko zuzendaritzak Moyuako dendaren itxiera komunikatu zigun, sozietateak zituen beste lan-zentro batzuetara trasladatzen gintuztelarik.
Enpresaren esanetan, proposatzen dituzten neurriak justifikatzen dituzten arrazoi ekonomiko eta produktiboak daude. Dendak azken urteetan galerak dituztela eta alokairua berriz negoziatzen saiatu direla eta ez dela posible izan ere esaten zaigu. Bilbon ezarrita egoteak gainontzeko tokietan baino pertsonal gastu handiagoak dituela eta online salmenten balizko igoera dela eta, Bilboko erdigunean duten denda honen itxiera erabaki dute.
Pasaden Apirilaren 13an, Moyuako 56 langileak ondorengo terminoetan trasladatuak izango direla komunikatzen digute:
-14 Bizkaian birkolokatuko dituzte.
-5 Santanderren.
-5 Gasteizen
-Gainontzekoak Estatu Espainoleko dendetan
-Norbaitek kontratua eten nahiko balu, urteko 20 eguneko indemnizazioa eskaintzen du enpresak.
Enpresa komitetik ez dugu proposamena onartzen eta guztiz onartezina dela deritzogu, izan ere, langile gehienek lanaldi partzialak edo zainketagatiko murrizketak ditugu eta enpresak beste herrialde batzuetan birkolokatzeko egin digun proposamena kaleratzeak estaltzeko era dela deritzogu.
Guzti horregatik, Moyua-ko dendan asanbladak egin eta gainontzeko dendetako langileak kontsultatu ostean, datorren Apirilaren 20tik aurrera, ostiral eta larunbat guztietarako greba deialdia erregistratu genuen.
Atzo, Apirilaren 17an izandako batzarrean, enpresa komitetik plantilaren %100aren birkokapena ahalbidetuko duen Bilbon lokal berri bat aurkitzeko gestio errealak egin ditzaten eskatzen diegu. Zuzendaritzatik, Bilbon, egun Suediatik ezartzen dizkieten baldintzak betetzen dituen lokal bat bilatzea zaila dela adierazten digute. Eta oraingoz hau eskaini ahal digutela azaltzen zaigu:
– Bizkaian 21 langileren birkokapena (gehiengo handia lanaldi partzialean kontratatutakoak)
-5 Santanderren.
-5 Gasteizen.
-Gainontzekoak Madril, Valentzia edo Ourense bezalako hirietan…
-Bizitokia aldatzen duten langileentzat enpresak trasladoagatik laguntza txiki bat eskaintzen du eta Bilbon urte betean soilik lan-posturen bat izatekotan bueltatzeko aukera.
– Kontratua etetea aukeratzen dutenentzat lan-urte bakoitzeko 25 eguneko indemnizazioa eskaintzen dute.
Enpresarekin hurrengo bilerak, Apirilaren 19, 24 eta 27an izango dira, egun honetan kontsulta epea amaitzen delarik.
Enpresa komitetik proposamen hau ere ez dela onargarria deritzogu eta horregatik, Apirilaren 24rako negoziaketetan aurrerapausorik ez balego, Apirilaren 25etik aurrera, greba mugagabea bihurtuko litzateke Bizkaiko HM-ren denda guztietarako.
H&M-ko langileak engainatuak sentitzen gara. Enpresa honek beti baloreak zaindu dituela esan zaigu, promozionatu nahi zuten langileak Moyua-ko denda honetara jotzen zuten. Orain aldiz, beraientzat denda onena zena ixtea erabaki dute eta zentro honetako langileak beste hiri batzuetara bidali nahi dituzte, gehiengoak amak izanik edo jornada partzialean kontratatuak izanik, nola espero dute beste hiri batzuetara trasladatzea? Hau ez gaude prest onartzeko. Denok espero genuen H&M-n jubilatzea, baina orain guztiontzako baldintza onak izan ditzagun negoziatzen ari gara.
Horrela, datozen Apirilaren 20 eta 21ean, Moyuako langileak H&M-ek Zubiarte, Ballontin, Max center eta Artean dituen zentroetako langileekin batera, komiteak deitutako grebarekin bat egingo dugu, langile guztien birkokapenak Bizkaian egin daitezen.
Era berean, ondorengo kontzentrazioak egingo ditugu:
-Apirilaren 20ean: 11:00-tatik 12:00-tara eta 18:00-tatik 19:00-tara.
-Apirilaren 21-ean: 12:00-tatik 13:00-tara eta 18:00-tatik 19:00-tara.
Duintasunez beteko du LABek Tutera apirilaren 20an
Ostiral Duina egitasmoarekin LAB sindikatuak prekarietate egoera salatu eta alternatibak egon badaudela agertuko du.