2026-05-01
Blog Page 789

Gizarte zerbitzuen defentsan irten gara kalera

admin
-
0
Gizarte zerbitzuen defentsan irten gara kalera

Zerbitzu sozialen kalitatearen berme bakarra langileen lan osasuna zaintzen duen ratioa dela aldarrikatu dugu Hego Euskal Herriko lau hiriburuetan egindako mobilizazioetan, “Zaintza zaindu” kanpainaren barruan.

Dagoeneko bi urte igaro dira gure sindikatuak Hego Euskal Herriko Gobernuei gizarte zerbitzu guztiak arautu zitzan eskatuz ekin zionetik kanpainari. Helburu horretan, dauden de- kretuak aldatu dira, eta berezko araudirik ez daukaten gizarte zerbitzuentzat egin diren dekretu berriak landu dira. Gainera, honetan nahasiak dauden agenteen, langileen eta erabiltzaileen partaidetza bermatu beharko litzateke. Dekretuok zaharkituak zeuden, eta gaur egun, oraindik zaharkituak daude. Gure sindikatuak, haiek eguneratu behar direla proposatu genuenean, agertzen ari ginen aldaketak iraul lezake gizarte zerbitzuetako egungo egoera. Zergatik? Ba, dekretu hauen bidez arautzen direlako instalazioak, lanbide-eskakizunak eta langile askoren baldintzak, gizarte-zerbitzuetako erabiltzaileak izanik. Dekretuok oinarri eta berme dira Hego Euskal Herrian izan ditzagun kalitateko gizarte zerbitzuak. Horrez gain, zuzenean eragiten du sektoreko langileen lan baldintzengan.

Bi parlamentuek onartu zuten LABen ekimena, nork bere Gobernuari mandatua eramanez. Gaur gaurkoz, bi gobernu hauetatik inork ez du bete parlamentuen agindua. Gaur gaurkoz, bi gobernuak arduradun dira gizarte zerbitzuetako sektorean prekarietatean murgildua iraun dezan. Oraindik ez dituzte gure aldarrikapenak bete:

• Dekretu zaharkituak indargabetzea.
• Foru Dekretu berria promulgatu behar da, egungo gizarte zerbitzuen errealitatearekin bat dagoena, non langile gehiago ziurtatuko diren.
• Gure gizarteak behar duen Gizarte Zerbitzuen eredu berriaz egokia izan daitekeen eztabaida ziurtatu behar da, non hartan parte hartuko dugun sektore honetan ohiko arazoak pairatzen ditugunok, hau da, hauen erabiltzaileok eta langileok, eta hel- burutzat benetako kalitatea eskainiko duten gizarte zerbitzuak izango dituen. Zerbitzuok premia berezia daukaten taldeei kalitateko arreta ziurtatu behar die; aldiz, ez dizkie eskaini behar errentagarritasun ekonomikoa helburu duten zerbitzuak. Zer- bitzuok erdigunean pertsonak jarri behar ditu, eta ez dirua.

Argitu behar da, sektore hau, negoziazio kolektiboen bidez bakarrik ez dela onartzen, ez eta hobetzen ere. Bi dekretuak berritu izanak zuzenki eragiten die atentzioaren kalitateari eta langileen lan osasunari. Berebiziko garrantzia du azpimarratzea sektore honetan pertsonekin egiten dugula lan, eta ez objektuekin.

Nola zainduko ditugu pertsona hauek guztiak, premia hauek guztiak, gure bizitzak prekarietatearen menpe daudenean,
nola egingo diegu aurre pertsona hauen beharrizanei gure bizitzak guztiz desegituratuak daudenean, 14 lanordutako txan- dak bete behar izaten dugunean, baita 25 lanordu jarraian ere, etxera eraman ohi dugun sentipen-zama dela-eta begiak bildu ezinean gabiltzanean eta amets gaiztotan murgiltzen garenean, erabiltzaileko langileen ratioa iristen ez denean ere egiazko premiak asetzeko edo bestela, gure laneko eta etxeko bizitza uztartzeko eskubidea onartzen ez zaigunean ere, eta lanetik bidaltzen gaituztenean haurdun gaudelako? Gutako asko besteen seme-alaben amak baikinan lan egiten badugu ere, ez digute onartzen geure familia osatzeko eskubidea. Egunero, behin eta berriz jasan behar izaten ditugu erasoak ( sikoak zein hitzez), lan-zama jasangaitzak, lan baldintzak iraingarriak, instalazio egokirik ez eta prebentzio neurririk ez daukaten lantokietan egin behar izaten dugu lan, geure buruak jokoan jartzen ditugu ere, lanean ari garela. Jotzen digute, lotsarazten eta esplotatzen gaituzte…

Ekainaren 14a aukeratu dugu kalera irteteko eta nahikoa dela esateko, kalitateko gizarte zerbitzuen aldeko borroka, diru publikoaz ordaintzen diren gizarte zerbitzuen aldeko borroka ez delako sindikatuen borroka hutsa. Borroka hartan hiritar guztiak nahasi behar dira, gizarte zerbitzuak administrazioak ematen duen erantzuna direlako gizartearen beharrizan bereziak eta oinarrizko eskubideak bermatzeko. Ez dira, gaur egun, kontratazio administratiboaren eredua men- deratzen duten negozio handien txanpon-truke.

Garaia da amai dadin sektore honetan emakumeei jasanarazten zaien esplotazioarekin. Garaia da onar dakizkigun. Gerokultoreok, psikologook, hezitzaileok, integratzaileok,… gizarte honen giltzarriak gara, eguneroko lanean profesionalak gara. Noizbait sektore honen zaintza behar izango dugu, edo behar izan dugu. Horrengatik aldarrikatu nahi ditugu gizarte zerbitzu publikoak eta kalitatekoak. Dekretuak alda daitezela eskatzen dugu, hiritarren interesei erantzunez.

 

 

 

Larrialdiko Garraio Sanitarioa Nafarroan: UGT eta UTESNA urduritzen ari dira

admin
-
0
Ikasturte amaiera bero samarra suertatzen ari da, Garraio Sanitarioaren arautzeari dagokionez, kontuan hartuz UGT-SECTOR DE AMBULANCIASek LAB Suhiltzaileak/Bomberos de Navarraren aurka egin dituen salaketa korporatibista.

Gai hau behin eta berriz errepikatzen da; sektorean lan egiten duten profesional batzuk, UTESNAn antolatuak, haien lan baldintzak baliarazi dituzte Nafarroako Suhiltzaileen eskuduntzen kaltean. Xede horretan, sindikatuen plataformak darabiltza, UGTk adibidez. Sindikatu horrekin, Nafarroak profesional balioaniztunez osatu eredu eredugarrian larrialdiko garraioa baliabidetzat hartuta, erabateko sintonia izan dugu beti anbulantzien alde egiteko.

Gezurretan ari garela leporatzen digute, baita legeaz eta erakundeez iseka egitea eta suhiltzaileen kopuruak artifizialki puztea ere. Diotenez, Larrialdi Sanitarioetako Teknikaria titulua oparitzen digute… Zehaztearren, Herri Defendatzailea eta Osasungintza aipatzen dute. Urduritu egin dira. Dirudienez, iraganeko kontua da aurten erabili duten isiltasun estrategikoa.

Hotsak hots, hau dena oso soila da, eta gizarteak ezin hobeki ulertzen du, termino egokietan proposatzen bada:

• Suhiltzaileen zerbitzua, 60. hamarkada geroztik, erakunde bakarra da non sektore publikoak anbulantzien zerbitzua eskaintzen duen.

• Iruñerrian bi anbulantzia medikalizatuei eusten diegu, eta Nafarroako geografian sakabanatuak dauden hainbat parketan, hamar oinarrizko anbulantziei.

• Hezkuntza sailak arautu du behar den prestakuntza suhiltzaile hasi berriek legearen arabera lan sanitarioa egiten utziko dien betebeharreko heziketa erdietsi dezaten. Dirudienez, UGTk-Corporación de ambulancierosek ez dute gogo-onez onartzen legeria; esan genezake ere, erakundeekiko jarrera lotsagabea erakusten dutela.

• Osasunbideak, arduraduna izaki, oraindik ez du Larrialdiko Garraio Sanitarioa Suhiltzaileetan aritzen ginenon araudia egin. Eskatzen ari garen hori, zalantzarik gabe, urduritzen ari da presio talde pribatu hori.

• Nafarroako Suhiltzaileok Langile-kopurua Berritzeko Ituna sinatu genuen. Hartan ezartzen zen Nafarroan, langile-kopurua 388 beharginetan finkatuko zela, eta sindikatu guztiek, UGT barne eta aho batez, bat etorri ginen. Aspaldi zenbakiak ez direla osatzen, eta horrek hainbat arazo eragiten digu parketan, egunero, gutxiengo langile-kopurua betetzeari dagokionez. Datuak datu dira, eta kopuruak artifizialki puzten saiatzen ari garela esatean gezurra diote. Argitara daitezkeen Lan Eskaintza Publikoetan parte hartzera gonbidatzen zaituztegu, gainerako lehiakideekin lehia zaitezten.

• LAB Suhiltzaileak/Bomberosek Nafarroako Herri Defendatzailearengana jo du kexua agertuz, Osasunbideak behin betikoz arautu eta gaitu ditzan langileak. Jakina, aipatu irudia errespetatzen dugu, eta horrengatik espero dugu haien bitartekaritzarekin legeria beteko dela.

LAB-NLAk beti defendatu izan du eta aurrerantzean defendatuko dugu suhiltzaileek aspalditik egin duten lana, honekin gainerako garraio sanitarioarekin kontra egiten ez dugula. Edonola ere beti defendatuko dugu garraio sanitario publikoa.

Behin, gai honi buruzko kontu batzuk argitu ditugula, LABek ez du inor ezetsi nahi. Adierazi nahi dugu UGT-Corporación ambulancierak irizten badio korporatibismoa publikoaren defentsari, gogo jardunak egin ditzala.
 

 

 

Kalitatezko lan baldintzak eta zerbitzuak aldarrikatu dituzte Eskuhartze Sozialeko esparruko langileek

admin
-
0
Kalitatezko lan baldintzak eta zerbitzuak aldarrikatu dituzte Eskuhartze Sozialeko esparruko langileek

Aurreikusitako bi grebetatik lehena egin dugu gaur Bizkaian, Eskuhartze Sozialeko hitzarmenaren defentsan.

Gizarte langile, psikologo, hezitzaile, integratzaie sozial, zaintzaile, animatzaile soziokultural, osasun langile eta komunitatearentzat funtsezko lanak egiten dituzten langileak, hots, Eskuhartze Sozialaren esparruan lanean ari diren langile guztiak deituta zeuden gaur grebara, LAB, CCOO, ESK eta UGT sindikatuok deituta. Hala, lanuzteekin batera, manifestazio bat egin dugu Bilbon, Foru Jauregitik Aldundiaren Gizarte Ekintza Saileraino.

Deitutako bigarren greba eguna ekainaren 28an izango da.
 

 

 

Garbialdik eta CUT sindikatuak osatutako “kortijo patronala” salatu dugu Txagorritxun

admin
-
0
Garbialdik eta CUT sindikatuak osatutako “kortijo patronala” salatu dugu Txagorritxun

Arabako ESIren zentroetako (Txagorritxu, Kanpo kontsultak eta Osasun zentruak) garbiketako kontratetako LAB, ESK, CCOO eta ELA sindikatuetako ordezkariek eta Arabako ESIren Arreta Espezializatuko Langileen Batzordeko ordezkariek Garbialdiko Zuzendaritzak eta Arabako ESIk, CUT sindikatuarekin batera, Garbialdiko zein Osakidetzako langileak muturreko egoerara eraman dituztela salatu dugu gaur, kontzentrazio baten bidez.

Garbialdiko Zuzendaritzak, tamalez, bere esanetara makurtzen ez diren langileen aurkako jazarpen eta pertsekuziora ohituta gaitu, Langileen Batzordeko kide bat kale gorrian jartzeko lotsagabekeriara heldu delarik; iraizpen hau deseuztzat epaitu du EAEJANek, ageriko jazarpen sindikalagatik.

Aldi berean CUTeko ordezkariek mantendu duten jarrera salatu nahi dugu; sindikatu hau, transfugei esker, Batzordearen gehiengoaren jabe egin da, Batzordearen presidentea Arabako ESIn Garbialdiko Zerbitzuburua bera delarik. Presidente honek hainbat idazki egin ditu Osakidetzako langileen lana kolokan jarriz, baita Garbialdikoak ez diren beste kolektiboek (jagoleak, erizaintzako laguntzaileak, eta abar) egin behar dituzten lanak adierazten dituztenak, Arabako ESIren Zuzendaritzaren eskuduntzak hartuz, ez bada honen adostasunarekin eman.

Sindikatu honen azken jukutria, bere presidenteak (Arabako ESIko Garkikuntzako buru dena, a zein kasualitate!) suspertuta, Osakidetzan lan egiten duten Garbikuntza Enpresentzako Autonomia mailako Hitzarmenaren negoziazioaren aldebakarreko haustura izan da, Txagorritxu eta Santiago ospitaleentzako esparru berri bakar bat irekiz. Benetako kortijoa suma daitekeen bezala, non enpresak bere ordezkariekin negoziatuko duen.

Hau ez litzateke gertatuko Osakidetzak ez balu onartuko; hau dela eta, Arabako ESIren zentroetako (Txagorritxu, Kanpo kontsultak eta Osasun zentruak) garbiketako kontratetako LAB, ESK, CCOO eta ELA sindikatuetako ordezkariak Arabako ESIren Arreta Espezializatuko Langileen Batzordeko ordezkariekin batera, gai honetan Osakidetzak duen erantzukizuna salatu nahi dute. Eta premiazko neurriak har ditzan Garbialdi eta CUTek duten itunarekin amaitzeko dei egiten diogu. Onartezina da denon diruez ordainduriko ente publiko batek interes ilunak dituzten batzuk nahi dutena egiten uztea.
 

 

 

Hazparnera iritsiko da igandean “Bizi egunak” dinamika

admin
-
0
Hazparnera iritsiko da igandean “Bizi egunak” dinamika

Merkataritza, hiri eta kontsumo ereduari buruz gogoeta egitea bilatzen duen "Bizi egunak" dinamikak Hazparnen izango du azken geltokia. Bilbo, Iruñea, Donostia eta Gasteiztik igaro ostean, Ipar Euskal Herrira egingo du jauzia.

Hazparneko "Bizi egunak" egitarauaren barruan, manifestazio bat egingo dugu 11:00etan, pilota plazatik abiatuta, eta, 12:00etan, Infogunea egokituko dugu Ttattola gaztetxean.
 

 

 

Triman Minerals enpresako langileek manifestaziora deitu dute ostiralerako

admin
-
0
Triman Minerals enpresako langileek manifestaziora deitu dute ostiralerako

Altsasuko Foruen plazatik abiatu da mobilizazioa, 19:00etan.

LAB sindikatuak TRIMAN MINERALS S.A enpresaren itxiera arriskuaz ohartarazi nahi du Nafarroako gizartea orohar eta Sakanako gizartea konkretuki. Enpresak 4 lan zentzu ditu, bi Asturiasen eta eta bi Nafarroan. Guztira 59 langile dira eta horietatik 32 langile Iruñeko eta Altsasuko lan zentroetan banatzen dira.

Nafarroako langileei jada 3 eta 4 hilabeteko soldata zor zaie eta emergentziazko egoeran daude. Egoera hau ez da berria, 2016 urtetik ona soldatak ez dira garaiz ordaindu eta zorra handitzen joan da langile eta hornitzaileekin.

Enpresak, maiatzaren 9an ekin behar zion kontratuak behin behinean etengo zituen ERE baten kontsulta epeari. ERE hau estatu mailakoa izan behar zuen eta taldeak dituen 59 langileei eragin behar zien. Enpresak baldintza bat jarri zuen EREa sartzeko, lantoki guztietako langileek babestua egon behar zuela kontsulta epea hasi bezain laster eta bestela ez zuela sartuko.

Lantoki guztietako langileen ordezkariek ezezko borobila eman diote enpresari eta enpresak ez du ERErik sartu. Beraz egoera honetan langileak kobratu gabe jarraitzen dute. Argi utzi nahi dugu, enpresak ez zuela dokumentazio osoa aurkeztu eta gainera guk Nafarroako lantokiei eragiten EREa Nafarroan negoziatzea eskatu dugu. Guzti honen ondorioz, enpresak ez du ERErik aurkeztu, ez da kontsulta epea hasi eta ez dakigu zein den enpresaren asmoa gaur egun.

Beste alde batetik, enpresak duela hilabete batzuk SODENAra jo zuen finantzazio bila proiektu bat aurrera ateratzeko asmoz. Proiektu hori galdu egin da zuzendaritzaren arduragabekeria eta gestio txarragatik.

Momentu honetan dakigunez, enpresa itxiera arriskuan dago eta alternatibak daude bai taldea aurrera ateratzeko eta baita Nafarroako lanpostuak babesteko. Altsasuko langileak konbentzituta gaude Altsasuko lantokia bideragarria dela.

Gaur egun dugun egoera oso larria da, enpresa desagertua dago eta dakigun bakarra da, maiatzaren 21ean konkurtsoa eskatu zuela. Enpresa ez da agertu lan departamentuan langileekin izan dugun kontziliaziotera. Enpresaren utzikeria eta arduragabetasuna erabatekoa da. Dakigun bakarra da, Sodenak telefonoz esandakoa. Pasa den ekainaren 6 ean Altsasuko Udaleren garapen batzordearekin bildu ginen, bertan Udalak Sodenarekin gaia hitzegingo zuela geratu ginen

Guzti horregatik, langileok bizi dugun egoera larriagatik eta 2000 lanpostu galdu diren eskualde batean dagoen arriskuagatik mobilizatzea erabaki dugu. Ostiral honetan Ekainak 15 Manifestazio bat egingo dugu Altsasuko Foruen Plazatik abiatuta 19:00etan . Manifestazioak bi helburu ditu: batetik, langileen egoerari irtenbidea bilatzea aldarrikatzea eta bestetik, Sodenak eta egungo zuzendaritzak, enpresak dituen jarraipen proposamenak aztertu eta erraztea aldarrikatzea.

 

 

 

Konpromiso politiko eta instituzionala eskatu dugu laneko heriotzen aurrean

admin
-
0
Konpromiso politiko eta instituzionala eskatu dugu laneko heriotzen aurrean

Gaur, eguerdiko 12:15ean, langile bat hil da lan istripuz Bilboko Portuan.

Lehenik eta behin, LAB sindikatutik gure elkartasuna eta babesa adierazi nahi dugu bere senide eta lankideei.
2018a hasi zenetik 24 dira gutxienez bere lanpostuetan edo hauen ondorioz hildako langileak.

Hildakoa G.L.B. 41 urteko langilea da, Kai Muturra Aldi Baterako Lan Enpresa osatzen duen Excavaciones Viuda de Sainz enpresako langilea zen eta Punta Luzeroko harrobi zaharrean estabilizazio obretan zegoela kamioi batek harrapatu du.

Gure ustez, prekarizazioaren ondorioa da lan munduan bizi dugun sarraski etengabea. Arazo estrukturala da. Prekarietateak hil egiten gaitu. Lan baldintza kaxkarrek, lan zama eta segurtasun neurriezak eragin zuzena dute lan istripuetan.

Heriotza hauen atzean enpresetan gastuak murrizteko erabakia dago, interes ekonomikoak lehenesten dira langileen segurtasun eta bizitzaren aurretik.

Berriro diogu, botere harremanen aldaketa ematen ez den bitartean, errepikatu egingo dira holako gertaerak. Lan istripuen aurrean, instituzioek neurri eraginkorrak hartu behar dituzte. Bitartekoak ezarri behar dira horrelakorik berriro gertatu ez dadin. Administrazio Publikoek ezin dute jarraitu beste aldera begiratzen, konpromiso politikoa beharrezkoa da gaur egungo egoera mugiarazteko.

Lan istripuak ekidin daitezke gaur egungo lan baldintza txarrak aldatzen badira. Hau lortzeko, ezinbestekoa da interes ekonomikoen gainetik pertsonen bizitza eta osasuna erdigunean jartzea. Azkenik, dei egiten dugu langile klaseari antolatuko diren mobilizazioetan parte hartzera.
 

 

 

Eremu baztertzailerik gabeko euskararen lege berri baten alde egin dugu Nafarroako Parlamentuan

admin
-
0
Nafarroan euskararen lege berri bat egitea aztertzen ari den Parlamentuko batzorde berezian izan dira gaur LAB sindikatuko eledun Imanol Karrera eta Euskara arduradun Iñigo Orella. Biek ala biek adierazi dute Nafarroan bazterketarik izatekotan hori euskaldun elebidunek jasaten dutena dela, eta, hain zuzen ere, bereizkeria hori bukatzeko modua dela nafar guztiek eskubide berberak dituztela aitortuko duen euskararen lege berri bat onartzea eta praktikan jartzea.

Euskaldun elebidunek Nafarroan benetan jasaten duten bazterkeriaren kasu erreal batzuk azaldu eta gero, euskararen lege berriak LABen ustez jaso beharko lituzkeen ezaugarri nagusiak aletu zituzten sindikalistek. Batetik, LABek uste du gaur egun indarrean dagoen Euskararen Legeak ezarritako zonifikazioa gainditu behar dela eta nafar guztiei eskubide berberak aitortu behar zaizkiela, haien bizilekua edozein dela ere. Bigarrenik, lege berriak jaso behar du nafar guztiek eskubidea dutela hautatzeko Administrazioarekin erabiliko duten hizkuntza, izan euskara edo gaztelania. Hirugarrenik, lege berriak izan behar du dinamikoa -beharrak berrikusi eta errealitate berriei egokitzeko-, posibilista eta ez-murriztailea. Eta laugarrenik, lege berriak aitortu behar du nafar guztiek dutela euskara dohainik ikasteko eskubidea, beraien adina edozein dela ere.

Legeak jaso beharko lituzkeen ezaugarriei buruzko proposamen zehatzagoak ere egin dituzte, administrazioari, hezkuntzari eta lan munduari begira.

ADMINISTRAZIOA
• Administrazioaren barnean zirkuitu elebidunak sortuko dira herritarrek edozein tramite egiteko bide osoa euskaraz egin ahal izateko.
• Euskara administrazioan lan hizkuntza bihurtuko da.
• Euskara administrazioaren barnean komunikatzeko eta funtzionatzeko hizkuntza izanen da euskarri eta bide guztietan.
• Herritarrekin komunikatzeko euskarri eta bide guztietan euskarazko komunikazioa bermatuko da.
• Administrazioko langileei, beste langileei bezala, lan ordutegiaren barnean ordezkatuak diren bitartean, euskaraz doan ikasteko eskubidea, lan harremanak euskaraz izateko eskubidea eta euskaraz lan egiteko eskubidea bermatuko zaizkie.
• Edozein sarbide dela medio euskara betebehar edo meritua izanen da lanpostu eskaintza guztietarako.

HEZKUNTZA
• Euskaraz ikasteko eskubide unibertsala, doakoa eta edozein adinetan.
• Nafarroako bi hizkuntzetan gaitasun egokia ziurtatuko duen hezkuntza eredua eta aldi berean beste hizkuntzetan, ingelesean eta frantsesean bereziki, konpetentzia nahikoa bermatuko duena beste irakasgaietako konpetentziak baztertu gabe.
• Ikastolen Sareak egindako lanaren eta eleaniztasunean eta pedagogian aitzindaritzaren aitortza egin, eta elkarlanerako aukera eta bizirauteko bermea eskaini.

LAN MUNDUA

• Nafarroa osorako hizkuntza politika berri, eragingarri eta burujabea.
• Euskarabideari baliabide eta eskumen nahiko esleitzea hizkuntza politika egokiak aurrera eramateko
• Lan munduaren euskalduntzea araubidean jartzea.
• Langileon hizkuntza eskubideak aitortzea:
o Euskara ezagutzeko eskubidea doan lan ordutegiaren barnean eta ordezkatua izanik.
o Lan jarduna eta lanbidea euskaraz garatzeko eskubidea.
o Lan harremanak euskaraz eraikitzeko eskubidea.

 

 

 

Gasteizko BSH Bosch enpresako langileek aurrera jarraitzen dute protestekin

admin
-
0
Gasteizko BSH Bosch enpresako langileek aurrera jarraitzen dute protestekin

Bi orduko beste lanuzte bat egin dute gaur Gasteizko BSH Bosch enpresako langileek, joan den astekoari segida emateko. Ekainaren 20an lanuzte gehiago egingo dituzte, zuzendaritzak hartutako konpromisoak bete ez dituela salatzeko.

Duela urtebete mobilizazioei ekin zieten enpresan, 2017ko martxoan lantegiaren salmenta iragarri baitzuen BSH Bosch Eletrodomesticos España enpresak. Orduz geroztik, kezkatuta daude langileak. Gasteizen 40 urte eman ditu enpresak (lehen UFESA zen) eta enplegu zuzena 220 pertsonari ematen die. Lurrun lisaburdinak eta lisaketa-zentroak egiten dituzte.

Programatutako itxiera batera, enplegua suntsitzera edota lan baldintza eta eskubideen galera ekarri ahal du salmentak, arrisku horrek bere horretan jarraitzen du, nahiz eta konpainiak konfiantza eskatu bere momentuan. Hain zuzen ere, negoziaio luze eta gogorren ostean, akordio bat lortu zuten langileek: akordioan, lan taldeak soilik enplegua, lan baldintzak eta aktibitatea mantentzearen aldeko apustua egin zuen. Helburua etorkizuna bermatuko duen proiektu industrial berri bat da.

Kontua da, urte erdi geroago, Bosch taldeko zuzendaritzak ez duela akordioa bete; areago, ez du ezta sinatu ere egin. "BSH Boschek ez ditu bere konpromisoak betetzen, ilunkeriaz eta gardentasunik gabe jokatzen ari da, lan talde osoaren mesfidantza areagotuz. Informazio fidagarraririk ez dago inondik inora", azaldu duten langileek.

Antza, lantegia hartzeko talderen bat omen dago, baina BSH Boschekin lortutako konpromisoak gauzatu gabe, lantegiaren etorkizunaren inguruko arriskua biderkatzen da.

 

 

 
1...788789790...1,613Page 789 of 1,613

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus