2026-07-24
Blog Page 486

Aroztegiko lanak guztiz gelditzeko exijitu dugu, legez kanpokoak baitira

Aritz Sorzabal
-
0
Aroztegiko lanak guztiz gelditzeko exijitu dugu, legez kanpokoak baitira

Aroztegiko lanak, Baztan ibarrean -Lekarozen, zehazki- espekulazio bat suposatzen dutenak, pelotazourbanistikoa dira bete-betean. Aroztegia eskuinaren proiektu turistikoa da enpresaburuen mesederako egina: luxuzko hotela, 200 hektareako golf zelaia eta 228 etxebizitza.

Eskuindarren proiektu guztietan bezala, interes alderdikoiak (NA+, Geroa Bai eta PSN) eta enpresa-interesak (Aroztegia Jauregia, S.L.) nahasi egiten dira, eta, azkenean, demokraziari berari gailentzen zaizkio, baita inguruko auzotarren borondate herrikoiari ere, gehienak Aroztegia proiektuaren aurka agertu baitziren herri kontsultan. Barkos (Geroa Bai) eta Txibiteren (PSN) gobernuek, beti Barcinaren (UPN) interes ilunei jarraituz, proiektu hau onartu eta garatu dute horretarako Udalez Gaindiko Proiektu Sektorial bat erabiliz (UGPS). UGPS hori planifikazio exekutiborako tresna bat da, proiektu horiek ukitzen dituzten udalerriei eta beren erakundeei proiektuak batere oztoporik gabe inposatzeko.

Covid-19k eragindako osasun eta gizarte krisiak agerian utzi ditu sistema kapitalistaren gabeziak, planetarentzako garapen ez-iraunkorraren eredua; gure herriak, haien zerbitzuak eta gure bizitzako esparru guztiak merkataritza-gai bihurtzen dituen kontsumo eredu bat. Alde horretatik, Aroztegia proiektuak arrisku eta kalte sozio-ekonomiko handiak ditu lurralde eta biztanleendako: euskararen erabilera murriztea, prezioak gehitzea, zerbitzu eskasak izatea, ur eta energia kontsumo handia, turismoaren menpeko tokiko ekonomia, lanpostu prekarioak sortzea…

Hori guztia ulertzeko datu bat: Lekarozen, 350 biztanleko herri batean, 228 etxebizitza eraiki nahi dituzte 750 turistarendako. Horrek bertze herri bat sortzea eta egungo errealitatea erabat aldatzea dakar. Ikuspegi horretatik, Aroztegia ez da NA+, PSN eta Geroa Bai-k besarkatua duten kapitalismo berdea ere. Ez trantsizio energetikorik, ez ekologikorik, ez antzekorik. Betikoa, betikoendako, betikoen kontura.

OBRAS Y SERVICIOS TEX SL enpresak lanak hasi zituen, nahiz eta Nafarroako Kontratu Publikoen Administrazio Auzitegiak baldintza-agiria bertan beherautzi zuen eta esleitzeko prozedurarekin jarraitzeko ezintasuna adierazi zuen.

LAB sindikatuak bere garaian erreklamazio bat aurkeztu zuen Nafarroako Kontratu Publikoen Auzitegian, Aroztegia proiektua urbanizatzeko obren baldintza-agiri erregulatzailearen aurka. Izan ere, baldintza-agirian ez dira zehazten zein diren irizpide sozialak baloratzeko esleipenerako irizpideak, eta, beraz, legez kontrakoak dira, Kontratu Publikoei buruzko apirilaren 13ko 2/2018 Foru Legearen 2.3 eta 64.6 artikuluak ez betetzeagatik.


Nafarroako Kontratu Publikoen Administrazio Auzitegiaren uztailaren 23ko 64/2019 ERABAKIAREN bidez, LAB sindikatuak aurkeztutako erreklamazioa ebatzi zen, baldintza-agiria bertan behera utzi zen eta esleipen-prozedurarekin jarraitzea ezinezkoa zela adierazi zen.

Nafarroako Justizia Auzitegi Nagusiaren Administrazioarekiko Auzietako Salak lehengo auzitegi horren akordioa berretsi zuen 2020ko ekainaren 15eko 137/2020 epaiaren bidez,  deuseztatzeko erabakiaren aurka bertze aldeak jarritako errekurtsoa ezetsiz.

2021eko martxoaren 18an zuinketa-akta sinatu zen (obrak hasteko dokumentua), eta adierazi zen OBRAS Y SERVICIOS TEX SL enpresa adjudikazioduna dela, Nafarroako Kontratu Publikoen Administrazio Auzitegiaren uztailaren 23ko 64/2019 erabakiaren bidez baliogabetutakobaldintza-agiri eta kontratazio prozedura hartan (2020ko ekainaren 15eko 137/2020 Epaiaren bidez berretsi zen baliogabetze hura).

Beraz, Zuzenbidearekin bat, onartezina da baldintza-agiria baliogabetua duten eta adjudikazioa geldiarazia duten obrak hastea.Ikuspuntu demokratikotik, eskandaluzkoa da Nafarroako Gobernuak eta TEX enpresak darabiltzen inpunitatea, legetik at dauden obrekin jarraituz eta konponezinak diren kalteak eraginez. Era berean, tamalgarria da CCOO sindikatuak bere egitea eskuin muturraren eta patronalaren kontakizuna, herritarrak errepresioaren erdian kokatu dituena. Enpresa, bai, bada erantzulea, eta hari zuzendu behar zaizkio legez kanpoko obra batzuk geldiarazi eta ez jarraitzeko.

Benetan deigarria da, eskandalua izateraino, enpresaburuek, legeak eta ebazpenak erabat betetzen ez dituztelarik, geldirik egon beharko luketen obra batzuekin libre eta zigorgabe jarraitzea. Eta hori guztia, Nafarroako Gobernuaren, patronalaren, poliziaren eta botere judizialaren arteko adostasun argian. Poliziak eta botere judizialak kapitalaren aginduei bakarrik erantzuten diete, protesta sindikalerako eskubidea erabiltzean sindikalistak atxilotzeko, edo herritarren borondatea defendatzen duten alkateak epaitzeko, kasu honetan gertatu zen bezala.

LAB sindikatuak txalotzen du herritarren ekimen eta protestei esker, makineria erretiratuta, jarraitu behar ez diren legez kanpoko obrak oraingoz geldiarazi izana.Lan hori, bide batezerranda, Administrazioari zegokion. Gainera, gure elkartasuna adierazten diegu Guardia Zibilaren jazarpena jasan duten pertsona guztiei; izan ere, poliziak despistatu samar ibili dira, eta atzendu dute legez kanpoko lan horiek gelditzea. Hortaz, LABek exijitzen du obrak behin betiko gelditzea, eta Zuzenbidearen aurkako obren hasieran tartean diren arduradun politikoei eta enpresaburuei eska dakizkiekeen erantzukizunak argitzea.

Era berean, LABek Nafarroako Gobernuari eskatzen dio Aroztegia proiektua amaitutzat eman dezala, inguruko biztanleek adierazitako borondate herrikoi eta demokratikoa kontuan harturik. Trantsizio eko-sozialista eta feminista abian jartzeko unea da, Baztanen lan eta bizitza duina bermatuko duten proiektuak, ingurunea zainduz eta inguruko behar eta errealitate sozio-ekonomikoaren arabera.

Azkenik, LABek bere atxikimendua erakutsi nahi dio maiatzaren 15erako Aroztak herri ekimenak antolatu manifestazioari (Elizondoko plazatik plazatik abiatuko da 17:30ean). LABek langile klaseari dei egiten dio Aroztegia proiektua behin betiko gelditzeko ekimenetan parte hartzera.

EAEko Hezkuntza Saileko sukaldari eta garbitzaileen beharrak kontuan hartuko dituen lan hitzarmenaren alde lan egingo dugu

Aritz Sorzabal
-
0
EAEko Hezkuntza Saileko sukaldari eta garbitzaileen beharrak kontuan hartuko dituen lan hitzarmenaren alde lan egingo dugu

Bilbo eta Donostiako Jaurlaritzaren ordezkaritzetan elkarretaratzea gauzatu dugu, Hezkuntza saileko sukaldari eta garbitzaileen lan hitzarmenaren negoziazioa seriotasunez har dezaten eskatzeko. Egun indarrean dugun Sukaldari eta Garbitzaileen lan hitzarmena 2009koa da.  Data horretatik hona, ikastetxeetako errealitatea zeharo aldatu da eta egoerari egokitzen zaion hitzarmena behar dugu. 

Beste aldetik, agerian utzi nahi izan dugu Administrazio publikotik kategoria baxuenean dagoen kolektiboa dela hau; beste esparru batzuetan, gainera, funtzio berdinekin beste kategoria batean kokatuta dagoena.

2018an, Irakaskuntzako gainontzeko kolektiboekin batera hainbat greba eta mobilizazio dinamika luzearen ondoren, akordioa sinatu genuen. Horretan, aurrerapausu nabarmenak lortu ziren kolektiborako eta lan hitzarmen berria negoziatzeko oinarria jarri zen. Hala ere, salatu behar dugu kolektibo hauetan akordioan sinatutako ordezkapenen puntua ez dela betetzen ari, esaterako ordezkapenak ez baitira egiten ari.

Ikasturte honetan hezkuntza publikoan lan hitzarmen berrien negoziazioa abiatu da,  Irakasleena, hezkuntza laguntza espezialistena eta Haurreskolak Partzuergoarena. Behin eta berriz eskatu ostean, lehengo mahaia  astelehenerako, hilak 10, deitu dute, azkenak gara eta ez da kasualitatea!,  Kolektibo feminizatuena gara; bataz besteko adina oso altua duena. Halaber, pandemia garaian oinarrizko zerbitzua izendatu gaituzte eta greba egunetan %100eko gehiegizko zerbitzu minimoak dituen kolektibo bakarra izan gara. Akaso Hezkuntza Sailak zerbitzuetako pribatizazioan sakontzea du helburu?

LABek lan hitzarmen berria behar dugula argi du, urteetan aldarrikatzen ari garen gaiak landu eta negoziatu behar dira, besteak beste:

  • Kolektiboaren aitortza
  • Urteetan eman den zerbitzu hauen pribatizazioarekin bukatu  
  • Langileen egonkortasuna eta kontsolidazio prozesua.
  • Kolektiboetako funtzioak definitu eta aitortu
  • Metrajeak eta ratioak jaitsi
  • Jubilazio pizgarriak behar ditugu.
  • Langileen formazioa eta kolektiboaren euskalduntzea
  • Lanpostuen balorazioak, gaixotasunak eta istripuak saihestea, lanpostuen egokitzapena

Gauzak horrela, LAB sindikatuak kolektibo hauen beharretara egokitutako lan hitzarmen duina lortzeko bidea egingo du, langileen ekarpenak jaso eta mahaietara eramanez.

“Osakidetzak eta garbiketa enpresek gure lana aintzatestea eskatzen dugu”

Aritz Sorzabal
-
0
“Osakidetzak eta garbiketa enpresek gure lana aintzatestea eskatzen dugu”

Osakidetzako garbitzaileak euren lan baldintzen defentsan mobilizatu dira. Hain zuzen ere, Araba, Bizkaia eta Gipuzkoako ospitaleetan elkarretaratzeak egitera deitu dugu LAB, ELA, UGT, CCOO eta ESK sindikatuok, maiatzaren 27rako iragarritako grebaren aurrekari, Osakidetzaren mendeko zentroetako garbitzaileek bizi duten egoera ikustarazteko. “Funtsezkoak bagara, lan-baldintza duinak nahi ditugu”, nabarmendu dute.

Garbitzaileen hitzetan, “2020ko martxotik ari gara lehen lerroan, osasun-jarduera garatzeko aukera ematen, gure eta gure ingurunearen osasuna arriskuan jarriz. Hala ere, gure lanaren funtsezkotasuna aitortu arren, ez da konpentsatu baldintza duinekin. Ezin gara txalo eta txalo zaparradekin konformatu. Osakidetzak eta garbiketa enpresek gure lana aintzatestea eskatzen dugu”.

AldarrikapenakDeskargatu

Langabezian dauden pertsonen gehiengoak ez du prestaziorik jasotzen

Aritz Sorzabal
-
0
Langabezian dauden pertsonen gehiengoak ez du prestaziorik jasotzen

Langabeziak apirilean izan duen bilakaerak atseden txiki bat eman du Hego Euskal Herrian. Enplegu zerbitzu publikoek zabaldutako datuen arabera, 3.781 pertsona gutxiago daude langabezian.

Hileroko hobekuntza lurralde guztietan nabaritu da, bi sexuetan, baita 25 urtetik beherakoen artean ere, baina ahulago. Hala ere, lasaitasun hori ez da batere kontsolagarria langabezian jarraitzen duten 168.727 pertsonentzat eta ezta oraindik enplegua aldi baterako erregulatzeko espediente egoeran dauden 32.474 langileentzat.

Bestalde, gogoratu behar da iazko otsailetik (birusa agertu aurreko azken erregistroa) 17.513 langabe gehiago daudela Hego Euskal Herrian, hau da, %11,6 gehiago. Dena den, beti bezala, belaunaldi gazteenek izan dute kolperik gogorrena, gazteen langabezia %35 baino gehiago hazi baita pandemiaren hasieratik.

Hemendik aurrera, enplegua sortzen modu iraunkorrago baten sortzen hasiko da ziurrenik, batez ere txertaketak aurrera egin eta azken mendeko kolapso ekonomiko handiena eragin duten inguruabarrak gainditu ahala, baina oraindik izango dituzu estropezu eta atzerakadak.

Nolanahi ere, garrantzitsua da aurreko finantza-krisiaren irteeran gertatu zen gauza bera gertatzea saihestea. Orduan, susperraldi ekonomikoaren kostua langileriak jasan zuen, 2012ko lan-erreformaren babesean soldata jaitsiera handiak eta lan-baldintzen okertze larria jasan baitzituen, eta muturreko kasuetan lan-esklabotzarekin alderatu zitezkeen egoerak gertatu ziren.

Duela ia hamarkada bat ezarritako lan-neurri gogor haiek oraindik indarrean jarraitzen dute. Bitartean, krisiaren luzapenak eragindako beste kezka-faktore bat iraupen luzeko langabeziaren igoera da, eta horrekin batera langabeziagatiko prestazioen amaiera.

Gaur egun, guztira, 77.741 pertsona daude langabezia-prestazioen onuradun, enplegua aldi baterako erregulatzeko espediente egoeran daudenak barne. Baina prestazioen %58 baino ez dira kotizaziopekoak, eta gainerakoek 452 euro baino gutxiagoko laguntza-prestazioa jasotzen dute, batez beste.

Era berean, salatu behar dugu ofizialki 114.700 pertsona daudela langabezian eta, hala ere, ez dutela inolako langabezia- prestaziorik jasotzen, beren prestazioak agortu dituztelako edo prestazioak jasotzeko legezko eskubiderik sortu ez dutelako.

Inputazio berriak eskatu ditugu Osakidetzako EPEaren irregulartasunen inguruko epaiketan

Aritz Sorzabal
-
0
Inputazio berriak eskatu ditugu Osakidetzako EPEaren irregulartasunen inguruko epaiketan

Hedabideen aurreko azken agerraldian aurreratu genuen: “Ez daude diren guztiak, baina dauden guztiak, badira”. Hori esaten genuen, zuzendaritzan zuten tokiaz baliatuz filtrazioei bidea erraztu zieten Osakidetzako arduradunei buruz ari ginenean.

Gaur, LABen eskariz instrukzioan jasotako dokumentazioarekin, arduradunen zerrenda honetan Miriam Aparicio Sanz gehitu dugu. Hau, salatutako gertakarien momentuan, Osakidetzako Giza Baliabideen Zuzendaritzari atxikitutako Hautaketa eta Hornikuntza Zerbitzuko buru zen.

Besteak beste, zuzenean lotuta dago gutxienez neurokirugia eta urologiako bigarren frogaren zuzenketan anonimotasuna hausteko baimen espresuetara. Eta honek, bere inguruan LABetik susmatzen genuena baieztatu du.

LABek prozesu honetan defendatzen duen tesiaren arabera, iruzurrezko plazak banatzeko sistema errazteaz eta babesteaz arduratzen den Osakidetzaren gune operatiboa honela osatuta geratzen da:

1.- Jon Darpon Sierra, gertakarien unean Eusko Jaurlaritzako Osasun sailburua zena.
2.- Ma Jesus Mugica Anduaga, gertakarien unean Osakidetzako zuzendari nagusia zena.
3.- Juan Carlos Soto PĂ©rez, Osakidetzako Giza Baliabideetako zuzendaria zena.
4.- Xabier Balerdi Tolosa, gertakarien unean Osakidetzako Giza Baliabideetako zuzendariordea zena.
5.- Andonio Arcelay Salazar, gertakarien unean Osakidetzako Asistentzia Sanitarioko zuzendaria zena.
6.- Miriam Aparicio Sanz, salatutako gertakarien unean Osakidetzako Giza Baliabideen Zuzendaritzari atxikitako Hautaketa eta Hornikuntza Zerbitzuko buru zena.

Epaitegiari eskatzen diogu sei pertsona horiek inputatzeko, zilegi ez den elkarte bateko kide izatea, kontratazioan iruzur egitea eta sekretuak ezagutaraztea egotzita.

Halaber, 10 eginbide gehiago eskatu dizkiogu Epaitegiari:

1. Inputatu gisa egindako eskaerak:
– Debagoieneko Traumatologia Zerbitzuko burua.
– Kirurgia plastikoaren lehen azterketa egin zuten bi pertsonak. Azterketa horren arduraduna, Donostiako Kirurgia Plastiko, Estetiko eta Konpontzaile Zerbitzuko burua zena, “X oposiziogilearen” aitaginarreba da.
– “X oposiziogilea”, kirurgia plastikoan azterketa bikaina egin ondoren LEPari uko egin ziona.

2. Beste 6 lekukoren eskaera:
– Kirurgia kardiobaskularreko epaimahai kalifikatzaileko kide bat
– HAEEko arduraduna, Hotmail-eko kontu batetik mezu elektroniko bat jaso zuena “X oposiziogileak” hautatzeko prozesuarekin jarraitzeari uko egiteko eskatuz.

Azpimarratu behar da “x oposiziogile” horrek, ikertu gisa deklaratzeko ere eskatu dugunak, azterketa teorikoan 100etik 72 puntu lortu zituela. Hurrengo oposiziogileak 58 lortu zituen, eta azterketa hau 20 oposiziogiletik 6k baino ez zuten onartu. Azterketa praktikoan “x oposiziogileak” 100etik 60,4 puntu lortu zituen.

– Oposiziogile bat.
– 2016-17ko lan-eskaintza publikoaren akordioaren negoziazioetan parte hartu duten Mediku Sindikatuko kideak.
– Jose Maria Armentia Osakidetzako Giza Baliabideetako zuzendari ohia. 2016-17ko lan-eskaintza publikorako akordioaren egilea, hilabete geroago kargutik kendu zutena.

3. Eskatutako ofizioak:
– Ospitaleko pediatriako espediente osoa eskatu da, baina oraindik ez da epaitegietara eraman Osakidetzaren ekimenez, nahiz eta diziplina-espediente baten xede izan den eta oposiziogileen batzuen mesedetara zuzendutako galdera bat baliogabetu den.

Berriz ere azpimarratu nahi dugu kontratazio publikoan iruzur horri eusten zioten oinarriak porrot egiten ari direla, Osakidetzaren 2016-17ko lan-eskaintza publikoan gertatutakoak zalantzan jartzen du gure osasuna zaintzeaz arduratzen den erakundearen funtzionamendu demokratikoa. Herritar guztiok enplegu publikora iristeko dugun aukera- berdintasunaren aurka doan eskatu ahalako plazak banatzeko sistema mantentzearen ondorioak oso larriak dira.

Osakidetzako zuzendaritzak 2016-17ko lan-eskaintza publikoan izandako jarduera ustelkeriaren adibide bat da, eta neurri deigarriak ezartzen ditu forman eta hutsuneak funtsean, hala nola HAEEk prozesuan parte hartzea. Neurri horiek gardentasun- eta garbitasun-itxura ematen zuten, baina hau desagertu egin da lan-eskaintza publikoaren antolaketaren xehetasunak ezagutu ditugunean, LABek instrukzio honetan eskatutako eginbideei esker.

Osakidetzako LEP prozesuen berrikuspen sakona atzeraezina dela uste dugu, eta berrikuspen horrek zigorgabetasunaren amaieraren ondorio izan behar du. Baldintza hori ezinbestekoa da bermedun fakultatibo espezialisten kategorietan LEP prozesu berriak abian jartzeko. Lan horretan LABek ahaleginak egingo ditu, eta prozesu osoan zehar egiaztatzen ari garen bezala, LABen eta bere zerbitzu juridikoen ahaleginak fruituak ematen ari dira.

Tubos Reunidos eta Productos Tubulares enpresetako langileak Bilbon mobilizatu dira, enpleguaren eta euren etorkizunaren defentsan

Aritz Sorzabal
-
0
Tubos Reunidos eta Productos Tubulares enpresetako langileak Bilbon mobilizatu dira, enpleguaren eta euren etorkizunaren defentsan

Tubos Reunidos taldearen bulego nagusiaren aurrean protesta egin dute, LAB eta ESK sindikatuok deituta, eta Tubacex eta PCB-ITP enpresetako langileen babesa jaso dute.

Tubos Reunidos Amurrion dago kokatuta eta Productos Tubulares, Trapagan. Talde nagusiaren bulegoan, Bilbon, eskaera bat erregistratu dute gaur, langileen etorkizunarekin lotuta. Tubos Reunidoseko delegatu eta LABeko kide Oier Bidaurrazagaren hitzetan, “aspalditik ari gara itxaroten ea bidegarritasun plana eta industria plana aurkezten diguten; sarritan eskatu dugu, eta gaur eskatu diogu taldeko kontseiluko presidenteari”.

Era berean, hitzarmen duin bat aldarrikatu dute. “Hitzarmenak iraungita ditugu duela nahikotxo urtetik; Tubos Reunidosen duela 4 urtetik eta Productos Tubularesen duela 3 urtetik, eta 4 eta 5. urtea egitera goaz, eta ez dugu inongo berririk, blokeo egoeran gaudelako”, adierazi du LABeko ordezkariak.

Tubacex eta PCB-ITP enpresetako langileek emandako babesa asko eskertu dute. “Kriston eredu dira, duintasuna erakusten ari dira, txalogarria da”, erantsi du Oier Bidaurrazagak.

EAEko Auzitegi Nagusiaren PCB-ITPko kaleratzeen inguruko epaiak erakusten du enpresaren asmo bakarra langileen kontura aberasten jarraitzea zela #LortuDugu

Aritz Sorzabal
-
0
EAEko Auzitegi Nagusiaren PCB-ITPko kaleratzeen inguruko epaiak erakusten du enpresaren asmo bakarra langileen kontura aberasten jarraitzea zela #LortuDugu

Barakaldoko enpresak 83 kaleratuak berriro onartu beharko ditu. LABek jarri zuen helegitea, CCOO eta ELA sindikatuekin batera.

Penaletik akusatu duten PCB-ITPko gure delegatuari babesa ematea dagokigu orain. Patronalak Jaurlaritzaren eta Ertzaintzaren laguntzari esker eskaintzen duen errezetaren aurrean mezu argi bat helarazi nahi dugu: Borroka sindikala ez da delitua!

LABen oharra, epaiaren harira:

Lehenik eta behin, LABek zoriondu egiten ditu PCB-IPTko langileak enpleguaren defentsan egin duten borroka eredugarriarengatik. Gaur ezagutu dugun epaiak egiten duen bakarra LABek hasieratik defendatu duena frogatzea izan da, hau da, ez zegoela arrazoi justifikaturik 83 langile kaleratzeko. Kaleratze hauekin enpresak zuen asmo bakarra langileen kontura aberasten jarraitzea zela, covid-19a aitzakia moduan jarrita. Epaiak arrazoia eman digu.

Orain, galdera bat zuzendu nahi diogu Eusko Jaurlaritzaren Industria Sailari, eta zehazki, Arantxa Tapia sailburuari: modu bidegabean kaleratu dituzte 83 langile hauen lanerako eskubidea defendatuko al du gatazkan zehar greba babesten ez zuten langileen gutxiengo baten lanerako eskubidea defendatzen zuen tinkotasun berdinarekin? Espero dugu bere jarrera lanerako eskubidearekiko orduan izan zen irmotasun berekoa izatea. Era berean, Tapiari eskatzen diogu exiji diezaiola PCB-ITPko zuzendaritzari epaiari helegitea ez jartzea. 

Era berean, Eusko Jaurlaritzak gatazka honetan zehar izan duen papera gogoratu nahi dugu, egin duen bakarra izan baita Ertzaintza bidaltzea langileak egurtzera eta guztiz zilegia den borroka bat kriminalizatzera. Horregatik, PCBren zuzendaritzari exijitzen diogu Zigor Azpiolea gure delegatuaren kontrako karguak erretira ditzala. Borrokatzek merezi du eta LABek animoak, besarkada bero bat eta mezu argia bidali nahi diegu euren lanpostuen alde borrokan ari diren enpresetako langileei, esaterako, Tubacex-en. 

Era berean, Eusko Jaurlaritzari exijitzen diogu ITPren balizko salmenta baten aurrean, ezinbesteko baldintza bezala jar dezala langile guzti hauek euren lanpostuetara itzul daitezela. 

Lan-istripu ez traumatikoan lau langile hil dira aurten Euskal Herrian

Aritz Sorzabal
-
0
Lan-istripu ez traumatikoan lau langile hil dira aurten Euskal Herrian

Atzo, maiatzaren 3an, Zornotzako Forging Steel Products enpresan gertatutako lan-istripu hilgarri baten berri izan genuen. 46 urtetako R.M.V. langileak istripu ez traumatikoa izan zuen lanean ari zela, eta bertan hil zen. Azken hildako honekin eta urte hasieratik, gutxienez 19 dira lanean edo honen ondorioz Hego Euskal Herrian hil diren langileak. Gainera, ezin dugu ahaztu Joaquin Beltran, 14 hilabete baino daramatzana desagertuta Zaldibarreko zabortegian

Lehenik eta behin eta LAB sindikatutik, gure elkartasuna eta babesa helarazi nahi dizkiogu hildakoaren senide, gertuko eta lankideei.

Istripu ez traumatikoak ere lan-istripuak dira. Ez dira kasualitatez laneko orduetan izaten, zorte txarragatik, enpresariek esaten duten moduan lanarekin zerikusirik ez duela adierazten dutenean.

Jakina da lan-baldintzak, presioak eta estresa direla bihotzeko istripuak sortzen dituzten faktore garrantzitsuenetakoak eta hauek bihurtu dira lan-istripuen arrazoi nagusienetakoa. Horrela, 2020an izandako lan-istripu hilgarrien %25a ez traumatikoak izan ziren eta 2021 urte hasieratik, 4 langile hil dira arrazoi honengatik.

Istripu honen eta laneko istripu guztien atzean langileen lan eta bizi-baldintzak daude. Lan-baldintzak txarrak, hala nola lan- erritmoak, presioak, autoritarismoa etab., estresa sortzen dutenak, eta ondorioz, hainbat gaixotasun, batzutan heriotza eragiten dietenak langileei.

Lan eta bizitza duinak izateko eskubidea dugu, gure lanpostuetatik osasunez eta bizirik bueltatzekoa. Argi dagoena da hau edo beste edozein lan-istripu ez direla gertakari isolatuak, ekonomia langileriaren osasun eta bizitzaren aurretik lehenesten duen eredu produktibo baten isla baizik.

LABen argi dugu mobilizazioa eta borroka direla lan-istripuen gaitz indibidual, familiar eta sozial honekin amaitzeko arma bakarrak. Izan ere, norabide aldaketa behar dugu, eredu aldaketa bat, zeinetan langile klasearen osasuna eta bizitza izango diren elementu nagusia.

Istripu hau salatzeko, Forging Steel Products-eko enpresa-batzordeak orduerdiko lanuztea eta kontzentrazioa egin ditu, 13:30etik 14:00etara, enpresaren aurrean.

Kolonbiarentzat bakea, bizitza eta demokrazia eskatuko ditugu ostegunean

Aritz Sorzabal
-
0
Kolonbiarentzat bakea, bizitza eta demokrazia eskatuko ditugu ostegunean

LAB, ELA, CCOO Euskadi, UGT Euskadi, ESK, STEILAS, CGT Nafarroa, EHNE Bizkaia, EHNE Nafarroa, Etxalde eta Hiru sindikatuok Kolonbiako egoeraren inguruan adierazpen bat egin dugu. Mobilizaziora deitu dugu, Hego Euskal Herriko hiriburuetan.

Adierazpena:

BAKEA, BIZITZA ETA DEMOKRAZIA KOLONBIAN

Bakearen, bizitzaren eta demokraziaren alde, eta Ivan Duqueren gobernuaren zerga erreformaren kontra apirilaren 28an deitu zen greba orokorraren ondoren Kolonbian gertatzen ari denaren aurrean, behean sinatzen dugun sindikatuok honakoa adierazten dugu:

  1. Kolonbiako langile klasearen eta herriaren lan eta bizi baldintzak prekarizatzen dituzten Kolonbiako gobernuaren zerga erreforma proposamena eta bestelako politika neoliberalak gaitzesten ditugu. Honi, Kolonbiako gobernuak bake akordioen konpromisoak betetzeko duen borondate eza eta lider sozialen, nekazarien, sindikalisten kontrako mehatxuak eta erailketak, nahiz emakumeen kontrako etengabeko feminizidioa eta sindikalgintza egiteko dauden etengabeko zailtasunak gehitzen badizkiogu, pasa den apirilaren 28ko greba orokorraren aldarrikapenak justuak eta zilegiak direla deritzogu.
  2. Behean sinatzen dugun sindikatuok apirilaren 28tik hona Kolonbiako herriaren kontra zabaldutako errepresio bortitza gaitzesten dugu. Errepresio honen ondorioz, greba orokorraren deialdiaren testuinguruan 940dik gora biolentzia polizial kasu, 21 erailketa, eta indar publikoen aldetik egondako 4 biolentzia sexual kasu egon dira.
  3. Kolonbian ematen den protestaren eta disidentzia politikoaren krimininalizazioa salatzen dugu. Aldi berean, herrialdean ematen diren etengabeko giza eskubideen urraketak, greba eskubidearen urraketa, eta azken bost egunetan Kolonbiako herriaren kontra ematen ari den biolentzia justifika ezina; hala nola, biolentzia poliziala bortitza eta Kolonbiako kaleetan ematen ari den indar militarren presentziaren areagotzea gaitzesten dugu.
  4. Adierazpen hau sinatzen dugun eragileok Kolonbian bakearen, bizitzaren eta demokraziaren aldeko gure konpromisoan berresten garela adierazi nahi dugu, eta ahal dugun neurrian, La Habanako bake akordioak bete daitezen, feminizidioarekin, eta disidentzia politikoaren kontrako politikaren amaitu dadin lanean jarraituko dugu. Hots, Kolonbian giza eskubideak errespetu daitezen, eta justizia nahiz demokrazia egon dadin lanean jarraituko dugu orain arte egin dugun bezala.
  5. Aipaturiko guztiagatik, ostegun honetan maiatzaren 18:30ean, Iruñean, Bilbon, Donostian eta Gasteizen, “Kolonbian bakearen, bizitzaren eta demokraziaren alde” lelopean siglarik gabeko mobilizazio herritar eta zabaletan parte hartzeko deia luzatzen dugu.

Kontzentrazioak ostegun honetan, maiatzaren 6an, 18:30ean izango dira:

Iruñean, Udaletxe plazan.

Bilbon, Areatzan, Arriaga parean.

Donostian, Bulebarreko kioskoan.

Gasteizen, Correos plazan.

1...485486487...1,637Page 486 of 1,637

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLĂŤTICA DE PRIVACIDAD

www.lab.eus