Gaur goizean 8:45 orenak geroztik Mauleko Carrefour Market magasineko langileak greban dira zuzendaritzari presionea egiteko. 80 pertsona inguru aldizkatzen dira magasinaren aitzinean, sartzea abantzu blokatuz, bezeroak informatuz eta elkartasuna galdetuz. Izan ere, 2005 eta 2008 urteen artean laneko pausa denborak ez zaizkie ordainduak izan, lan sariak SMICa baino apalagoak ziren eta langileak ebatsiak direla kontsidera daiteke.
Blog Page 1477
Madriletik datozen erasoen aurrean negoziazio kolektiborako esparru propioa eraiki behar dugu
Erreformaren erreforma tramitatzen ari dira Madrilen eta eskandalua da gertatzen ari dena, egin eta desegin inolako kontrolik gabe, guztiz antidemokratikoa da gertatzen ari dena.
Ezin dugu Madrilen gertatzen ari denari begira jarraitu, soldatak eta enplegua defnedatzeko alternatiba Euskal Herrian dago, lan harreman eredu propio bat eta negoziazio kolektibo eredu propio bat eraikitzea da, negoziazio kolektiborako eskubidea gure esku mantentzea.
Madriletik datozen erasoen aurrean negoziazio kolektiborako esparru propioa eraikitzearen beharra aldarrikatu du LABek
LAB sindikatuak Madrilen gertatzen ari denari begira ezin dugula jarraitu adierazi du gaur Donostian. Gure soldatak eta enplegua defendatzeko alternatiba Euskal Herrian dagoela aldarrikatu du, horretarako eta negoziazio kolektiborako eskubidea gure esku mantentzeko, "lan harreman eta negoziazio kolektibo eredu propio bat eraiki behar dugula" adierazi du.
Zerbitzu publikoetako Greba eta bi orduko lanuztearen gaineko LABen balorazioa
NAFARROAN
SEKTOREKA
Irakaskuntzan, Administrazio eta udal eremuan gehiengo oso zabal batek jarraitu du greba deialdia (%70etik gora)
Osasunbidean gutxieneko zerbitzuek guztiz baldintzatu dute grebaren jarraipena.
LURRALDEKA
Nafarroa iparraldean jarraipen ia erabatekoa, Iruñerrian ere oso zabala eta Erribera aldean mugatuagoa.
Manifestazioari dagokionez esan azken greba egunetako handiena izan dela, manifaren burua Gobernuaren parean zegoelarik isatsa oraindik autobus geltokitik atera ezinik zegoela.
ARABA, BIZKAIA eta GIPUZKOAN
ELA eta STEE-EILASen deskonbokatoria kontuan hartuta, eta Jaurlaritzak lanuztea legez kanpokoa zela eta horrelako mehatxua eginez langileei zabaldutako kriminalizazio kanpaina kontuan hartuta LAB sindikatua lortutako mobilizazio erantzunarekin pozik gaude:
• Eskualde guztietara heldu gara lanuztearekin bat egin duen langileen mobilizazioekin, honenbestez eskualde guztietan zerbitzu publikoetako herritarrekin gure irakurketa konpartitu ahal izan dugu.
• Mobilizazioetan 4.000 pertsonatik gora izan dira
• Ehunka langile batzar egin dira egoeraren gaineko diagnostikoa konpartitzeko.
Balorazio positiboa egiten dugu, nahiz eta ziur egon ELA eta STEE-EILASek konbokatoriarekin aurrera egin izan balute Nafarroan lortu den besteko erantzuna lortuko genuela.
LAB sindikatuak pentsatzen du erreformak geratuko baditugu zerbitzu publikoen gainean gure erabakiak hartzeko bitartekoak ditugulako baino ez dela izango, soluzioa ez dagoela Errekurtso juridikoetan baizik eta burujabetzaren alde eman beharreko bataila politikoan, eta espero dugu instituzioak gidatzen dituztenek norabide honetan lanean jartzea edota prest ez badaude instituzio ardura horietatik atera daitezela.
Gaurko deialdia norabide honetan ematen dugun lehen urrats bezala kokatzen dugu, eta norabide honetan lan egiteko prest daudenekin borrokatzeko gure prestutasuna azaltzen dugu.
Arantza Sarasola: Ā«Nafarroan milaka eta milaka langile grebara ateratzea lortu dugu eta EAEn pultsoari eusten jakin duguĀ»
LABek deituta zerbitzu publikoen eta burujabetza politiko eta ekonomikoaren aldeko 2 orduko paroak burutu dira gaur Araba, Bizkaia eta Gipuzkoan. Bilbon egin den elkarretatzean LABeko Zerbitzu Publikoen Federazioko Idazkaria den Arantza Sarasolak hartu du hitza. Sarasolak interbentzioari LABeko kideen militantziaren balioa goraipatuz eman dio hasiera, haiekiko “harrotasuna” sentitu duela adieraziz.
Ā«MAIATZAK 31Ā» GREBA eta LANUZTEAK Zerbitzu Publikoetan
Geure zergen dirua behar sozialetarako, ez bankarientzat
Azken urteotako gobernu desberdinen politika fiskal eta presupuestarioak eta gobernu hauek bankuei emandako laguntzak direla eta, dirua gero eta esku gutxiagotan metatzen joan da. Eta geure diruarekin espekulatzen jarraitzen dute herritarren gehiengoaren beharren gainetik.
Gehien dutenen aldeko politika hauekin diru-funtsa publikoak hustu dituzte eta orain, dirurik ez dagoela aitzakia erabiliz, zerbitzu publikoen suntsiketa osoa bilatzen dute hezkuntza edo osasun arloko negozio pribatuei oraindik gehiago laguntzeko asmoz.
Ā«Erantzun sindikala mundu mailako krisi kapitalistaren aurreanĀ»
Ekainaren 21 eta 22ko LABen 8. Biltzar Nagusiaren atarian Ipar Hegoa Fundazioak eta LAB sindikatuaren Nazioarteko Idazkaritzak «Erantzun sindikala mundu mailako krisi kapitalistaren aurrean» izenburupean nazioarteko jardunaldia antolatu dute. Ekainaren 20an ospatuko da Iruñean eta bertan biltzarrean parte hartuko duten nazioarteko ordekaritza zabalak haien borroken berri emango digute. Modu honetan, mundu mailako krisi kapitalista eta klase menderatzaileek inposatutako neurriei erantzuteko hainbat kontinenteetako sindikatuen esperientziak eta borroka sindikalak partekatzeko aukera izango da.
Ā«Erantzun sindikala mundu mailako krisi kapitalistaren aurreanĀ»
Ekainaren 21 eta 22ko LABen 8. Biltzar Nagusiaren atarian Ipar Hegoa Fundazioak eta LAB sindikatuaren Nazioarteko Idazkaritzak «Erantzun sindikala mundu mailako krisi kapitalistaren aurrean» izenburupean nazioarteko jardunaldia antolatu dute. Ekainaren 20an ospatuko da Iruñean eta bertan biltzarrean parte hartuko duten nazioarteko ordekaritza zabalak haien borroken berri emango digute. Modu honetan, mundu mailako krisi kapitalista eta klase menderatzaileek inposatutako neurriei erantzuteko hainbat kontinenteetako sindikatuen esperientziak eta borroka sindikalak partekatzeko aukera izango da.