2024-04-13
HomeIndustriaMetalgintzaBeasaingo CAFeko Enpresa Batzordearen irakurketa empresako zuzendaritzak suspentsio espedientearen bideratzea eraginik gabe...

Beasaingo CAFeko Enpresa Batzordearen irakurketa empresako zuzendaritzak suspentsio espedientearen bideratzea eraginik gabe uzteko erabakiaren aurrean

Gaur, abenduaren 17an, goizeko 07:00etan, Enpresako Zuzendaritzak, Enpresa Batzordeari komunikatu baten bidez, suspentsio espedientearen bideratzea eraginik gabe uzteko erabakia jakinarazi digu.

Era berean, Enpresa batzordeari bihar, asteartea, hilaren 18an, bilera egiteko deia luzatu dio. Bilera horretan eta hurrengoetan, okupazioko orduen defizita landuko da, Enpresa Batzordeak hasiera-hasieratik eskatu zion moduan ( hau da, EREa bertan behera uzteko eta langileen ordezkariekin biltzeko, beste aukera posible batzuk landu eta adostu ahal izateko).

Batzorde honek oso balorazio positiboa egiten du suspentsio-espedientea bertan behera uztearen inguruan. Era berean, langile guztiei aipamen eta errekonozimendu berezi bat egin nahi diegu, gatazka honetan mantendu dugun borroka irmo eta eredugarriarengatik. Horrez gain, balorazio positiboa egin nahi dugu Enpresak emandako urratsarengatik, izan ere, sortutako egoera birbideratzen asmatu eta egoera honen aurrean egon daitezkeen alternatibak aztertu eta akordio bidez adosteko bere prestutasuna agertu duelako. ZORIONAK DENEI!

Batzorde hau osatzen dugunok, langile guztiak beren eskubideen alde borrokatzera animatzen ditugu. Borrokak beti merezi du! Gure babes eta elkartasun osoa adierazi nahi diegu, uneotan beren enpleguen alde borrokan ari diren Euskal Herriko enpresa ezberdinetako langileei.

Enpresariei eskaera hau egin nahi diegu: ez dezatela lan erreforma aplikatu (gu gatazka honetara bideratu gaituena erreforma bera izan bai da). Ez du balio! Ez du arazorik konpontzen; arazoak sortu besterik ez ditu egiten. Benetan arazoak dauden tokian, eseri daitezela, aztertu, negoziatu eta langile guztien artean akordioak adostu ditzatela, betiere, enplegua lehenetsiz.
Bestalde, ez dugu idatzi hau amaitu nahi, babesa eman diguten erakunde publikoei eta, gizarte osoari eskerrak eman gabe.

Amaitzeko, beste behin, zorionak eman nahi dizkiegu langile guztiei. Antolaketari, elkartasunari eta borrokari esker, lortu dugu. ZORIONAK !!

Beasainen, 2012ko abenduaren 17an.
Beasaingo CAFeko Enpresa Batzordea

 

AZKEN ALBISTEAK | ƚLTIMAS NOTICIAS

Guitrans patronalari exijitu diogu blokeoa eteteko

Gipuzkoako salgaien errepide bidezko garraioaren hitzarmena berritu nahi dugu behingoz. 6.000 langile baino gehiagori eragiten dio hitzarmen horrek.

Mecanerren itxiera ekidin eta Euskal Herrian industriaren eta enpleguaren etorkizuna bermatzeko politikak exijitu dizkiegu instituzioei

Urdulizeko automobilgintza lantokiaren jabe den Stellantisek 2023ko irailean jakinarazi zuen enpresa ixteko erabakia, eta orain Enplegu Erregulazio Espedientearen kontsulta epean murgiduta dago Mecaner. Bada, langileek erakutsi dute enpresaren bideragarritasuna eta jarraikortasuna posible direla, eta une erabakior honetan arduradunek esku hartzea premiazkoa da.

0-3 zikloa babestea eskatzeko manifestazioa egin dugu IruƱean

0-3 urtekoen hezkuntza zikloko sindikatu guztiok manifestazioa egin dugu gaur arratsaldean IruƱean, Carlos Gimenok zuzentzen duen Hezkuntza Departamentuari exijitzeko behingoz har dezala ziklo horren ardura, 0-3 zikloa hezkuntza baita. 300 pertsona elkartu dira mobilizazioan.