LABLangile Abertzaleen Batzordeak

ELA, LAB, ESK, STEE-EILAS, EHNE, HIRU, CGT eta CNT sindikatuek deituta urriaren 4ean Herrira herri-mugimenduaren aurkako operazioa judizial, polizial eta mediatikoa arbuitzeko elkarretaratzeak egingo dira lantoki eta herrietan "Euskal presoen eskubideen eta konponbidearen alde" lelopean. Larunbatean, urriak 5, Alderdi politiko, sindikatu eta erakunde sozial ezberdinek deituta Manifestazio Nazionala izango da Bilbon, la Casillatik hasita, "Tantaz tanta Euskal Presoen alde. Una marea por los derechos de los y las presas vascas" aldarrikapenarekin. 

ELA, LAB, ESK, STEE-EILAS, EHNE, HIRU, CGT eta CNT sindikatuek Herrira herri-mugimenduaren aurkako operazioa judizial, polizial eta mediatikoa arbuitzeko eta gaurdaino bezala, Herrirarekin izandako harremanei eutsiko dietela jakinarazteko agerraldia eman dute. Prentsaurrekoan mobilizazio bateratuak iragarri dituzte datorren ostiralerako, hilak 4, eguerdiko 12:00etan lantoki eta herrietan. Era berean larunbaterako deituta dagoen manifestazio nazionalean parte hartzeko deia luzatu dute. 

Tantaz tanta Euskal Presoen eskubideen alde
Tantaz tanta konponbidearen alde

Alderdi politiko, sindikatu eta erakunde sozial ezberdinok Herrira herri-mugimenduaren aurka egindako eta erabaki pokitiko baten atzetik datorren operazio poliziala arbuiatu dugu gaur Bilbon. Era berean, espainiar estatuari euskal jendarteak bidegabekeria hauekiko duen sentipena helarazteko, eta atxilotuekiko gure elkartasuna adierazteko, larunbatean, urriak 5, Bilbon izango den manifestazioan parte hartzeko deialdia luzatu nahi dizuegu euskal herritar guztiei.