Sestaoko alkateak pertsona migranteen aurka egindako irain eta mehatxuak guztiz onartezinak dira. Arrazismoaren eta xenofobiaren apologia egitea edozein kargu publiko kargugabetzeko adina arrazoi bada, gutxieneko sentsibilitate sozial eta demokratikorik ere ez izateagatik.
Egindako mehatxu eta irainak berez onartezinak badira, onartezina da ere PNVk, bere Enplegu sailburutik hasita, Sestaoko alkatearen defentsan adierazi duten jarrera.
Bi jarrera horiek ondorio bakarra izan beharko lukete: Sestaoko alkate Josu Bergararen berehalako dimisioa eta bere jarrera justifikatzen saiatu direnekiko PNVren desautorizazioa. Horrela izan ezean, ulertuko da PNVk, enplegu sailburuak eta Gobernu bozemaleak ere Sestaoko alkatearen jarrera arrazista eta xenofobo berdina dutela. Orduan, guztiek utzi beharko lituzkete euren karguak.