2025-12-21
Blog Page 1279

LABek enpresa guztietan sektoreko hitzarmena babestu eta betetzen ez duten enpresariak jendaurrean salatuko ditu

admin
-
0
LABek enpresa guztietan sektoreko hitzarmena babestu eta betetzen ez duten enpresariak jendaurrean salatuko ditu

Behin Bizkaiko eta Gipuzkoako Metalgintzako hitzarmen kolektiboei buruzko lehen epai irmoak ezagutu ondoren, LAB sindikatuak honi buruz egiten duen gogoeta ezagutarazi eta hitzarmena lortzeko langileen mobilizazioak bultzatzearen aldeko konpromisoan berresten dela adierazi zuen. Bide honetan egoera askatzeko urrats berriak aurrera emango dituela adierazi zuen.

1.- LABek epaia ezagutu baino lehen bazekien zer gerta zitekeen, eta epaia ezagutu ondoren, are hobeto daki epaitegiek ez dutela sektorearen negoziazio kolektiboaren arazoa konponduko. Hori esan genuen gure sindikatuak aurkeztu zuen eskaria aintzat hartu zenean eta Bizkaiko metalgintza hitzarmena indarrean zegoela onartzen zuen epaiaren berri izan genuenean; atzoko sententzia ezagutu ondoren, esandakoan berresten gara.

Atzokoan EAEko Justizia Auzitegi Nagusiak eskuak garbitu zituen. Boto partikularrak arrazoia ematen zigun arren, erabaki zuen ez zuela mami-mamiraino joko. Hala ere, honek ez dio Adegiri arrazoia eman. Sententzia hau ezagutu ondoren deslotzeko asmoa zuten enpresek, aurrerantzean ere ezin izango dute egin.

Sententzia honek sortzen duen egoera, hortaz, segurtasun juridikorik ezarena da. Aurrerantzean sor daitekeen kasuistika oso bestelakoa izan daiteke. Egoera berean, kontrako epaiak eman daitezke Lan Epaitegietan.

Begi-bistakoa da sindikatuak honen aurkako errekurtsoa aurkeztuko duela.

2.- Patronalak, jendartean, langileen eskubide guztiei begirunezko jarrera erakusten badie ere, lantoki barruan, enpresei aholkatzen die gutun bidez ez ditzaten langileen eskubideak kontsolidatu. Honela, hamaikatxo enpresak bidali dizkiete gutunak euren langileei, beti ere, aurrerantzean euren lan baldintzak ez zaizkiela ezarriko adieraziz. Horien benetako helburua sektorearen lan baldintzak desarautzea da, langileak morrontzara eramanez. Eta alor honetan, ADEGI ikasle nabarmena dugu. Duela 3 urte gauzatu nahi zutena eta hitzarmenaren 35 artikulu baino gehiago ezabatuta ere lortu ez zutena, oraingoan lortu nahi dute lan erreformaren laguntzaz.

Lanaren desarauketa agerikoa da, batez ere:

• Kontratazio berriei ez zaie probintziako hitzarmena ezartzen. Bigarren eta hirugarren mailako langileak sortu nahi dituzte.
• Soldatak jaisten dituzten eta lanaldia handitzen dute, hitzarmen beraren gainetik ere.
• Langileen aurka zuzenki jotzen dute, sindikatuek enpresan duten ordezkaritzari ezikusiarena eginez.

Eta oraingoan, sektoreko hitzarmenaren segurtasunik eza ere erabili nahi dute, enpresa mailan, lan baldintzak kaskartu daitezen bultzatuz.

Eta hau guztia, hemen, Euskal Herrian gertatzen ari da, gure erakundeen isiltasun konplizearen aurrean.

3.- Sektoreko negoziazio kolektiboaren arazoa ez da lan edo epaitegiko arazo hutsa, batez ere, arazo politikoa eta soziala dugu. Negoziazio kolektiboa herri batean lan harremanak arautu eta sortzen den aberastasuna zuzentasunez banatzeko baliabide eraginkorra da. Ez da, CONFEBASKek ulertzen duen moduan, bere neurrira egindako tresna bat.

Egungo egoera larrian, guztion eskubideak eta lan baldintzak homogeneizatzea bermatuko duen sektoreko negoziazio kolektiboaren beharra nagusitzen da. Eta hori, herrialdeko sektore hitzarmenen bitartez bakarrik lor daiteke. Patronalak lan erreforma muturrera eramateko hautua da, hain zuzen, gure industriaren lehiakortasunak aurkitzen duen oztopoa.

Euskal Herriak, garbiki industriala den herriak, ezin du iraun bere interesak babestuko dituen legeriarik gabe. Eskubiderik gabe ez dago kalitateko industriarik, ez eta etorkizunik ere. Hitzarmen kolektiborik gabe txirotasuna eta desberdintasunak gero eta handiagoak izango dira. Gure etorkizuna arriskuan dago.

Hori dela eta, euskal erakundeak ez daitezke honetan nahasi gabe egon. Argiki eta irmoki azaldu behar dute horren garrantzitsua den arazo honi buruz duten iritzia. Patronalak gutxiengo baten interes elitistak lehenesten ditu herri honen gehiengo politiko, sozial, eta sindikalen gainetik ere. Benetan lotsagarria!

4.- Atzoko epaiak berresten gaitu, hitzarmena lortzeko langileen mobilizazioak bultzatzearen aldeko konpromisoan. Argi izan bezate Adegik, SEA-k eta FVEM-k, jarraituko dugula borrokan!

Garaia da, elkar hartuz, gure industria babestuko duen berezko ereduan oinarritutako alternatibaren alde egin dezagun. Geureganatu ditzagun konpromisoak!

LABen konpromisoa aldi berri honi begira:

• Enpresa guztietan sektoreko hitzarmena babestuko dugu. Honen azpitik ez da ezer negoziatuko. Ez da ezer negoziatuko harekin loturarik ez badu.
• Hitzarmena beteko ez duten enpresari guztiak salatuko ditugu jendaurrean.
• Sektoreko hitzarmenaren aldeko mobilizazio berriak egingo ditugu sektorean eta enpresetan.
• Egoera askatzeko urrats berriak egingo ditugu.
 

LAB sarean
{module[111]}

LABek Osakidetzan fronte komuna osatzeko gutxieneko proposamena luzatu die beste sindikatuei

admin
-
0

LABek abenduaren 3ko sektore mahaian Osakidetzak hartutako jarreraren aurrean beste sindikatuei denon artean Osakidetza negoziatzera behartzeko gutxieneko testua proposatu du.

Continue

Greba mugagabean 275 egun beteta, FCC-Alfuseko langileak borrokan jarraitzen dute

admin
-
0
Greba mugagabean 275 egun beteta, FCC-Alfuseko langileak borrokan jarraitzen dute

Greba mugagabean 275 egun bete dituzten honetan, langileek mobilizazio egutegi berria finkatu dute Alfusi bideragarritasuna eskainiko dion benetako negoziazio bat has dadila eskatzeko. Gaur goizean FCCren bulegoen aurrean elkarretaratzea egin dute beren lanpostuen eta hitzarmenaren defentsan eta datorren 19an Getxon izango dira FCC-Ambitoren aurrean.

FCC-Alfuseko enpresa batzordeko LAB eta ELA sindikatuen oharra 

Joan den uztailean sozial arloko epaitegiek ateratako ebazpenak Alfuseko 16 langile kaleratzeko eta lan baldintzak okertzeko enpresak argudiatutako arrazoiak hankaz gora jarri zituen, baina hori horrela izanik ere, FCCk Alfusekiko bere jarrerari tinko eusten dio.

2013ko martxoaren 27an erregulazio espendientea aurkeztu zenetik, langileek enpresaren jarrera salatu dute, eta FCCk Alfusen bideragarritasunaren aldeko apusturik ez duela egiten pentsatzera iritsi dira, ikusita, esaterako, enpresak oraindik orain ez diola erantzunik eman Eusko Jaurlaritzako Lan zuzendariak izandako esku hartzeari; egoeraren larritasunaz jabetuta interbenitu zuen Jaurlaritzako ordezkariak, eta FCCren eta langileen ordezkarien artean elkarrizketak abiarazteko asmoz bilera batzuk sustatzeko ahalegina egin du.

Eskaera hori onartua izan da langileen aldetik; langileek, gainera, negoziazioek izan beharko luketen oinarriaren gainean proposamen bat ere egin dute. Alta, gaur gaurkoz, enpresaren ordezkarien aldetik (Ester Serraller eta Isidoro Valverde) gatazka honen aurrean erantzunik ez da eman.

Honengatik guztiagatik, greba mugagabean 275 egun bete dituzten honetan, langileek mobilizazio egutegi berria finkatu dute Alfusi bideragarritasuna eskainiko dion benetako negoziazio bat has dadila eskatzeko. 2011z geroztik sinatu gabe dagoen hitzarmen kolektibo bat lotzeko garaia da, eta negoziazioak hori bere baitan hartu beharko du.

Mobilizazioen baita, abenduaren 11n elkarretaratzea egingo da 11.30etan Bilbon, Mazarredo kaleko FCCren bulegoen aurrean. Abenduaren 19an, Getxon beste bilkura bat egingo da, FCC-Ambitoren bulegoen aurrean.

Bedian, 2013ko abenduaren 10ean
FCC-Alfuseko enpresa batzordeko LAB eta ELA sindikatuak  

 

LAB sarean
{module[111]}

OTA BILBAOko langileek hitzarmenaren defentsa egin dute enpresaren aurrean

admin
-
0
OTA BILBAOko langileek hitzarmenaren defentsa egin dute enpresaren aurrean

OTA-BIlbaoko langileek elkarretaratzea egin dute zerbitzua ematen duen enpresaren aurrean, BILBAO OTA UTE (GERTEK) alegia. Negoziazio kolektiboak akordio bat erdiestea aldarrikatzen dute, erreformaren aurrean hitzarmena blindatuko duen akordio bat, eta eros ahalmenaren galerarik ekarriko ez duena.

Abenduan zehar mobilizazioak egitea erabaki dute langileek, eta aurreratzen dute enpresak negoziazioari ezetza ematen jarraitzen badu urtarrilean asanblada egingo dutela, mobilizazioa ahalik eta gehien gogortzeko. Datorren mobilizio deialdia abenduaren 18rako ezarri dute, hau ere enpresaren aurrean.

Bestalde, gogoratu nahi dute Bilboko Udalak duen ardura egoera honen aurrean, bera baita zerbitzua azpikontratatzen duena. Dei egiten diote udalari urtarrilean OTAko langileen aldetik mobilizazio eskenatoki gogorrena indartzea nahi ez badute, enpresari ikusarazteko aurretik aipatutako ezaugarriak betetzen dituen hitzarmen bat beharrezkoa dela.
 

LAB sarean
{module[111]}

Trabajadores y trabajadoras de Incoesa reclaman reunirse con la consejera Arantza Tapia

admin
-
0
Trabajadores y trabajadoras de Incoesa reclaman reunirse con la consejera Arantza Tapia

Trabajadores y trabajadoras de Incoesa, que se encuentran en su 198 día de la huelga contra la deslocalización, se han acercado a la Delegación del Departamento de Desarrollo Económico y Competitividad de Bilbao para exigir una reunión con la Consejera Arantza Trapia.

Pese a que desde primeros de noviembre los y las trabajadoras de Incoesa llevan solicitando un encuentro con Tapia para aclarar la información que se dio en el Pleno del Parlamento Vasco el 18 de octubre y del que no han recibido ninguna respuesta.

En dicho pleno se llego a reconocer una ayuda de 1.988.800 euros aportados a empresa del Grupo Incoesa en varios programas de investigación y desarrollo, sin que se explique donde y en beneficio de quien se van a poner en marcha dichos programas, tanto en cuanto la producción se traslada a Extremadura y Soria.

La plantilla de Incoesa cree que el Gobierno Vasco tiene que asumir su responsabilidad política por haber entregado millones de euros en subvenciones a una empresa que ahora decide deslocalizar su actividad por puro interés económico, toda vez qye esto vendría a suponer que es el propio Gobierno Vasco es quien financia la deslocalización.

Los y las trabajadoras exigen al Gobierno Vasco que cumplan con su pablabra y pongan medidas ante el engaño que supone para la ciudadanía que se aproveche ek dinero de las ayudas públicas para llevar a cabo proyectos industriales fuera de Euskal Herria. A su vez le invita a que se unan a la lucha de la plantilla de Incoesa con el objetivo de mantener la planta de Bedia y de proteger la industria de la comarca.
 

LAB sarean
{module[111]}
 

Euskal Herriko Eskubide Sozialen Kartaren IV. Asanblada Nazionala abenduaren 14an

admin
-
0
Euskal Herriko Eskubide Sozialen Kartaren IV. Asanblada Nazionala abenduaren 14an

 
Euskal Herriko Eskubide Sozialen Kartak bere IV. Asanblada Nazionala egingo du abenduaren 14an Bilbon EHUk Sarrikon duen Campuseko Areto Nagusian. Asanbladan, orain arte egindako ibilbidea aztertzeaz gain, datozen hilabeteetarako eman beharreko urratsak aztertuko dira.

Asanbladaren aurretik ekintza bat egingo da Sarrikoko campusaren atarian. Bertan parte-hartzaile guztiek ekimena bultzatzeko antzezlan txiki bat egingo dute. Ekimenaren ondoren, asanbladari hasiera emango zaio.
 
LAB sarean
{module[111]}
 

Aniztasunaldia: nortasun aniztasunari buruzko hausnarketa bultzatzeko eta kaleratzeko Jardunaldia

admin
-
0
Aniztasunaldia: nortasun aniztasunari buruzko hausnarketa bultzatzeko eta kaleratzeko Jardunaldia

Datorren abenduaren 13 eta 14an Gipuzkoako Foru Aldundiko Migrazioa eta Aniztasun Zuzendaritzak sustaturik eta “Jatorri Anitz, Herri Bat” dinamikako eragileekin eta “Udal anitz sarea” osatzen duten udalekin elkarlanean, Gipuzkoan eta Euskal Herrian dagoen jatorri aniztasunaz zein aniztasun kulturalaz, linguistikoaz eta, finean, nortasun aniztasunari buruzko hausnarketa bultzatzeko eta kaleratzeko Aniztasunaldia ekimena ospatuko da Donostian.

Aniztasunaldia, Gipuzkoan eta Euskal Herrian dagoen jatorri aniztasunaz zein aniztasun kulturalaz, linguistikoaz eta, finean, nortasun aniztasunari buruzko hausnarketa bultzatzeko eta kaleratzeko ekimena da. 

Aniztasunaldia Gipuzkoako Foru Aldundiko Migrazioa eta Aniztasun Zuzendaritzak sustaturiko ekimena da, “Jatorri Anitz, Herri Bat” dinamikako eragileekin eta “Udal anitz sarea” osatzen duten udalekin elkarlanean. Ekimen honekin Zuzendaritzak bi dinamika parte-hartzaileen aldetik planteatutako hainbat erronka eta eskaerari erantzun nahi die, gure herriko aniztasunaren baitako errealitateak, eragileak, egitasmoak eta prozesuak lehen eskutik ezagutzeko aukera emanez. Finean, eragileen, erakundeen eta herritarren arteko elkar ezagutza eta elkarlana sustatzeko topagune bat izatea nahi da. 

Ekimena 2013ko abenduaren 13 eta 14ean burutuko da, Donostiako Boulevardean kokatuko diren karpetan. Aipatu moduan, ekimen honen antolakuntza elkarlanean burutuko da eta txosten honen xedea elkarlan hori burutzeko egitarau eta antolakuntza proposamena zehaztea da. Proposamen hau, 2013ko azaroaren 7an “Jatorri Anitz, Herri Bat” dinamikako partaideek eginiko ekarpenetan oinarritzen da. 

EGITARAUA
Egitarau honekin jatorri aniztasunaren inguruan dauden ikuspegi, dinamika, egitasmo eta eragileen lana plazaratu nahi da. Hiru ardatzetan banatu daiteke egitaraua, 3 alditan banatuta, ostiral arratsaldea, larunbat goiza eta larunbat arratsaldea. Egitaraua jarduera ludikoek eta Haurren Txokoak osagarrituko dute. 

• Ostiral arratsaldean, gu/besteak dikotomiaren haustura lortzeko eta Gu handi bat eraikitzeko bide eta tresnen inguruan hausnartzeko aukera izango dugu. Bertan, Gipuzkoan aniztasunaren inguruan lanean diharduten eragile eta udalen arteko lan partekatu bat egingo delarik, elkar ezagutza, hausnarketa kolektiboa eta elkar lana sustatzeko helburuarekin. 

• Larunbat goizean eta arratsaldeko lehenengo orduan berriz, egun indarrean dauden eta eragileek proposaturiko lehentasunei erantzuten dieten, hainbat eztabaidagai jorratzea proposatzen da. Eztabaidagai hauek “Jatorri Anitz, Herri Bat” dinamikan adostutako bi lan ildoen baitan kokatzen dira, “Gipuzkoar guztiok, Eskubide Guztiak” eta “Aniztasuna eta Elkarbizitza”, hain zuzen ere Horretarako, lehenik eta behin, “Jatorri Anitz, Herri Bat” dinamikaren aurkezpena eta egindako ibilbidea laburbilduko da. Ondoren, gaiak monografikoki aurkeztuko dira beti ere hausnarketa partekatua bultzatzeko aukera emango dutenak. 

• Bukatzeko larunbat arratsaldean, ekimenak eman duenaren ondorioak partekatuko dira. 

 

JARDUEREN AZALPENA 

• Dokumental Emanaldia:  “Gu: Jatorri Anitz, Herri bat”
Herri orok, jendarte orok izaten jarraitu nahi badu, Kohesioa behar du. Zergatik ez bilatu gure kohesioa gure aniztasunean? 

• World Kafea: “Aniztasuna jendarte kohesiorako elementu” 
Udal eta eragileek Haiek-gu dikotomia hautsi eta GU handi bat eraikitzeko, hau da, Gipuzkoan bizi garen guztiok biztanle hutsa izatetik euskal herritar izatera pasatzeko egin beharreko bidearen inguruan hausnartzeko saioa. 

• “Jatorri Anitz, Herri bat” Dinamika parte hartzailea: Aurkezpena 

Badira ia bi urte dinamika parte hartzaile hau martxan jarri zenetik, aurkezpen honetan herritarrei dinamika honen ikuspegia eta ibilbidea azalduko zaie, osasun eskubidearen inguruan egindako lana aurkeztuz, besteak beste. 

Eztabaidagaiak 

• “ Aitortza instituzionala: errolda eta balizko alternatibak” 

“Jatorri Anitz, Herri Bat” dinamikaren ibilbidean zehar errolda eta honen alternatibak aztertzea gai garrantzitsua dela agerian geratu da. Saio honetan, erroldaren inguruko ikuspegi juridikoa entzuteko aukera izango dugu eta beste tresna alternatiboen inguruko hausnarketa egiteko eta eztabaidatzeko aukera izango dugu. 

• “Ikas komunitateak: Esperientzien trukaketa” 

Ikas Komunitate bat ikastetxe bateko eta bere inguruneko gizarte-eraldaketarako eta kultur eraldaketarako proiektu bat da. Pertsona guztientzako informazioaren gizartea lortzea du helburu. Horretarako, komunitatearen parte-hartzean oinarritzen da. Saio honetan Pasaiako “Karmengo Ama” Ikastetxea eta Irungo Dunboa ikastetxeko esperientziak aurkeztuko dizkigute eta aniztasuna eta hezkuntzaren inguruko eztabaida egiteko aukera izango dugu. 

• Euskara eta hizkuntza aniztasuna 

Saio honetan euskararen egoera eta hizkuntza komuna kontzeptuaren inguruko hitzaldia izango dugu. Jarraian euskara eta jatorrizko hizkuntzek bete beharreko funtzioen inguruan eztabaidatu ahalko dugu. 

• Ondorioak 

Aniztasuna plazara! ekimenetik atera diren ondorio nagusiak partekatzeko aukera izango dugu. 

ANTOLAKUNTZA 

Ekimen hau aurrera eramateko, Gipuzkoako Foru Aldundiko Migrazio eta Aniztasun Zuzendaritzak logistika, koordinazioa, alderdi ludikoa eta haurren txokoa antolatzeko ardura hartuko du, betiere proposamenei irekia. Era berean, elkarlanean antolatu nahi den ekimena denez, hainbat egitekorako zuen parte hartzea eskatzen dizuegu:

• Saioen eduki eta metodologiaren inguruko lanketa 
• “Jatorri Anitz, Herri Bat” dinamikaren aurkezpena egin
• Komunikabideen eskaerei erantzuna eman 

 

Dakizuen bezala, ekimen honen antolakuntzarako bi bilera egin ditugu eta berauetan parte hartu duten eragileen proposamenak eta ideiak jaso ditugu eta beraiekin elkarlanean osatuko dugu Aniztasunaldia. Lan honetan parte hartu nahi baduzue edo proposamenak eta ideiak helarazi nahi badizkiguzue, jarri zaitezte gurekin harremanetan. 

Aniztasunaldiaren egitaraua ixteko, kasu batzuetan, hizlariak, partaideak, ordutegi zehatza, etab. falta da. Parte hartu nahi duzuen eragileekin batera osatuko dugu eta informazio guztia, baita jarduera ludiko eta haurren txokoan egingo diren jardueren inguru informazioa helaraziko dizuegu. 

Guztion artean, auzolanean, eramango dugu aurrera, aniztasuna eta bizikidetzaren inguruko hausnarketa bultzatzea helburu duen eta eragile, udal eta herritarren arteko topagunea izan nahi duen ekimen hau.  
 

LAB sarean
{module[111]}

 

Euskal Presoak etxeratzearen aldarria eramango du LABek abenduaren 19an Gasteizera

admin
-
0
Euskal Presoak etxeratzearen aldarria eramango du LABek abenduaren 19an Gasteizera

San Anton azoka egunarekin batera eta urtero egin ohi duen bezala, LAB sindikatuak aurten ere presoen aldeko elkarretarretaratzea egingo du Gasteizen. Aurtengoan bereziki, dispertsioa eta errepidean hildako guztiak gogoratuko dira.

Continue

Airlan Industrial SA enpresako langileak mobilizazioetan dira hitzarmenaren alde eta jazarpen sindikalaren aurka

admin
-
0
Airlan Industrial SA enpresako langileak mobilizazioetan dira hitzarmenaren alde eta jazarpen sindikalaren aurka

Sodupeko Airlan Industrial SA enpresako langileek protestak hasi dituzten bizi duten egoera salatzeko. Enpresa horretan “arazoak” hauteskunde sindikalak egin zirenetik ageri dira argi. Enpresak bere hautagaia aurkeztu zuen, baita hauteskundeak galdu ere. Eta emaitza jasanezina egin zaio zuzendaritzari. Orduz geroztik LABeko delegatuari era guztietako presio, boikot eta mespretxuak egin dizkiote, etengabe.

Uztailaren 7tik aurrera ordu sindikalak murriztu dizkio enpresak langileen ordezkariari. Data horretatik aurrera Bizkaiko metaleko lan hitzarmenekoak (20) alde batera utziz eta Estatuko hitzarmenak jasotzen duena aplikatuz ( Langileen Estatutuan markatzen dutena ere), hots 15 orduko kreditua.

Horren salaketa “Precora” eraman zenean, bertan ere delegatu honekiko zein sindikatuaren aholkulariarekiko enpresaren mespretxua mespretxua agerian geratu zen.

Gauzak horrela, ugazabak izendatu ditu bere gustukoak diren bi “delegatu”. LABeko ordezkariarekin ez dela batzartuko adierazi du. Argi dago zeozer ezkutatu nahi duela eta horretarako soberan duela demokratikoki hautatua izan den langile ordezkaria.

Enpresak Gueñesko udalarekin zergetan ordaindu beharrekoetan dituen zorrek ere argi erakusten dute bere izaera. Instituzio batekin horrela jokatzen badu, ze ez du egingo langileekin?

Enpresako langileek mobilizazioak hasi dituzte egoera salatzeko, eta LABetik ere horretan jarraituko dugu, langileen eskubideak tinko eta irmo defendatzeko egin beharrekoak egiten.
 

LAB sarean
{module[111]}
1...1,2781,2791,280...1,582Page 1,279 of 1,582

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus