2023-11-28
HomeIndustriaMetalgintzaArabako metalgintzako bilerak SEA inposaketa eskema batean jarraitzen duela berresten du

Arabako metalgintzako bilerak SEA inposaketa eskema batean jarraitzen duela berresten du

Gaur, irailak 16, hitzarmenaren negoziazio mahaian egin dugun bileran berriro egiaztatu ahal izan dugu negoziazioa erabat blokeatuta dagoela. Mintza gaitezen argi, mahaian ez dago inolako negoziaziorik.

LAB sindikatuari ezin zaio leporatu akordioren bat lortzen ahalegindu ez denik. Arazoa SEA patronalaren jarreran dago, ez duelako negoziatu nahi eta ez duelako akordiorik lotu nahi. Aldez aurretik idatzitako gidoia betetzen ari da, eta ez da hortik ateratzen. Haren gidoiarekin guk bat egitea besterik ez du nahi! Inposaketa eskema batean dago; hau ez badidazue ematen, ez da hitzarmenik egongo. Patronala ez da oraindik negoziatzera eseri.

SEAren ustez, Hitzarmenak langileen lan baldintzak kaskartzeko balio behar du. Hitzarmenak lan erreforma bere egin beharko luke eta sakondu beharko luke. Haren proposamenak berekin dakar: eskubideen galera, bi urteko epean akordiorik gauzatuko ez balitz, langileei betirako egin ahal izango litzaieke xantaia eta ez litzaieke konpromisorik lotuko, enpresetan derrigorrez bete dadin. Hau guztia KPI-rekin loturik ez duten eta 2010. urteko taulekiko soldata-igoera ziztrin batzuen truke!

Eta hau, Eusko Jaurlaritzaren isiltasun sopikunaren laguntzaz egiten da! Zer egin du LABek eskatu zionetik bitartekaritza lanak egin zitzan langileak babesteko?

Dena den, LABek ez du etsiko. LABek buru belarri jarraituko du akordio justua lor dezagun, enpresetan benetan aplika dadin eta sektoreko langile guztien kohesio soziala eta laborala berma dadin, salbuespenik gabe.
 

 

 


AZKEN ALBISTEAK | ĂšLTIMAS NOTICIAS

Azken hilabetean Palestinako Gazan eta Cisjordanian Israeldar gobernuak eragin duen sarraskia salatu dute Bizkaiko suhiltzaileek

Basauriko Suhiltzaile talde batek sortu duen dinamikari esker, eta honi jarraipena emonez, Palestinako herriari elkartasuna erakutsi diote. Horretarako, aste honetan Artaza, Urioste eta Iurretako parkeetan kontzentrazioak egin dituzte. Sirenekin minutu bateko dolua eta elkartasuna islatu dute suhiltzaileek.

Iruñeko Udaleko Lan Kontratudunen Komiteak eskatu du Etxeko Laguntza Zerbitzua erabat munizipala izatea

Azaroaren 30ean, koordinadora feministak zaintza-eskubideen aldeko greba orokorrerako deia egin du. Grebaren aldarrikapen nagusiak hauexek dira: zaintza-sistema publiko komunitario bat lortzea eta zaintza-sektorearen lan baldintzak duintzea eta babestea, bizitzak erdigunean jarrita.

Artabiako Arneactive enpresako langileek lau orduko lanuztea eginen dute lan baldintzak hobetzearen alde

Artabiako (Nafarroa Garaia) Arneactive enpresako langileek bihar, asteazkena, azaroak 29, lau orduko lan-uztea eginen dute, 12:00etatik 16:00etara, KPIaren araberako soldata-igoerak eskatzeko, kategoria hobetzeko aukera errealak eskatzeko eta plantillaren iritzia kontuan har dezaten eskatzeko.