LABLangile Abertzaleen Batzordeak

• Aurrezki Kutxek finantza erakundeak izateari uzten diote.
• Jendarte eta gizarte kontrola desagertu da. Lehen, erakunde sortzaile publikoez, ezarleez eta esparru bakoitza ordezkatzen zuten langileez osatutako batzarra zegoen lekuan, gaur egun, patronatu bakoitzean hamabost pertsona daude (EAJ-k, PP-k eta PSE-k ezarriak). Aurrerantzean, hamabost pertsona hauek euren ordezkoak hautatuko dituzte, eta Kutxabanken akzio gordetzaileak izango dira.
• Kapital pribatuari salduko zaizkio akzioak. Eta gauzatu, erakundeen eta euskal gizartearen kontrolik gabe gauzatuko da.

Zer ondorio dakar Kutxabanken akzioen salmentak? 

• Kutxabanken akzioak kapital pribatuari saltzeak eragingo du akziodun pribatu horien interesak eta hauen akzioen errentagarritasunak nagusituko direla inbertsio politikak eta irabazien edo mozkinen erabilera erabakiko denean.
• Jakin badakigu, banka handiak, inbertsio funtsek eta oro har, espekulatzaileek kapitalaren mugimendu espekulatibotik, finantza burbuiletatik, nazioartean egiten diren azpiegituretako operazio handietatik,… lortzen dituztela mozkin handienak. Hots, horrek ez du zerikusirik enpresa txiki eta ertainek finantzatzeko dituzten premiekin edota pertsonen kredituarekin.
• Euskal ekonomian izango duen eragina suntsitzailea, latza izango da, eta kreditua, inbertsio produktibo berriak finantzatzeko tresna gisa, ia-ia ez da egongo.

Zertan datza Kutxabankek gainditu duen estres-testa?  

• Europako Banku Zentralak eskatuta, Oliver Wyman aholkularitzak egin duen simulakro batez ari gara. Horren bidez, Europako bankak finantza krisialdi egoerari aurre egiteko izan dezakeen erreakzio gaitasuna neurtu nahi da. Erreserbak eta eskuragarri dagoen kapitalaren kalitatea neurtzen ditu balizko ordaintze konpromisoei aurre egiteko.
• Berez, Europako banka handiak asmatu duen test batez ari gara. Honen bidez, beharrezkoa gertatuko balitz, aipatu bankuen akzioek izan dezaketen errentagarritasun- atalaseari eutsiz, diru-publikoaren ekarpena bermatu ahal izan dadin.

Zergatik lortu ditu Kutxabankek emaitza onak?  

• Aitzinetik esan dezagun, egungo kudeatzaileek baldartasunak eginagatik, emaitza onak lortu dituela. Aipatu kudeatzaileak, besteak beste, Caja Sur erostearen arduradunak izan dira, eta horrek ekarri zuen, Kutxa haren emaitzen kontuak berrosatzeko, 3.000 milioi euro lurperatu zituztela.
• Kudeatzaile hauek berauek CAM erosteko zorian egon ziren. Ekintza horrek behin-betikoz suntsituko lituzke antzinako euskal kutxen kaudimena (solbentzia). Beraiei dagokie ere, estatuan, espekulazio inmobiliarioaren bidez hedatu izanaren ohorea; horren ondorioz, adibidez, Kutxaren kaudimen eza etorri zaigu.
• Baina, honez gain, aipatu testa gainditu ahal izateko, aktiboak %20an baino gehiagoan urritu behar izan ditu eta euskal enpresa esanguratsuen aktiboak saldu ditu.
• Aurrezteko gaitasun txikiena dutenei areagotu dizkie komisioak (300 milioi euro baino gehiago). 1.000 lanpostu baino gehiago amortizatu ditu. Adibidez, haren morosidade indizeak murriztu dituzte, 60.000 bezero baino gehiagoren 340 milioi eurotako kredituak funtsa-putrei oparituz. Azken operazio horren ordainez, komisioak ordaindu ondoren, 5 bat milioi euro lortu ditu. Gainera, etxegabetze rankingean aurrena izaten dirau, eta urtez urte, murriztu ditu gizarte ekintzara bideratu baliabideak.
• Esan ere, egun sosik gabe dauden erakundeek ere, adibidez, Caixa Galicia eta Katalunia Kaisa, gainditu dutela estres testa. Iraganean gainditu zuten ere estres testa, gaur egun dagoeneko desagertu diren edota likidazioan dauden bankuek.

Zer gertatzen da Banco de España eta EAJren artean?  

• Itxurakerietan dabiltza. Mario Fernandezek, estres testa argitaratu eta hurrengo egunean, egin adierazpena izan zen Banco de España eta EAJaren arteko xextra piztu zuena. Aipatu adierazpenetan esan zuen, behin testa gainditzeko helburua bete dela, akzioak saltzea eta hauei ahalik eta errentagarritasun handiena ateratzeko lan egitea zegokiola.
• Hori EAJk, PPk eta PSEk bete duten estrategiaren muina izanik, EAJk, kostu politikoa saihesteko, urratsez urrats egikaritu duen estrategiarekin eteten du hala ere.
• Lehendakariak berak agindutakoan gezurrak eta funsgabetasuna agerian utzi dituzte, hark esan baitzuen ez ziotela akziorik salduko kapital pribatuari, kutxen izaera publikoari eta sozialari eutsiko zitzaiela eta gizarte ekintza bermatuko zela.
• Lehendakariak bazekien zer jazo behar zuen, beraiek hitzartu eta onartu zutelako Kutxen legea. Kutxak, akzioen jabetza-portzentajeak baloratzerakoan, bakartzat hartuko zirelako; jakin bazekiten ere berme funtsa handia izango zela.
• Hasiera-hasieratik salatu dugu hauen benetako xedea euskal aurrezpenen 40.000 milioi euro baino gehiago espekulatzaileen esku uztea zela. Gaur egungo arazoa ez datza aipatu estrategiarekin bat ez etortzean, Mario Fernandezek esplizitatu duen eran egitean baizik.
• Oraingoan, Banco de España PPk eta EAJk zekitena esatera mugatu da, nahiz eta hura ukatzen zuten, guk egindako kritiken harira. Ekin zaion bidean, ez da atzera egiterik izango behin akzioak saldu eta gero. Oraingoan Banco de Españak gaiztoarena egiten du, eta EAJk, gezurretan, protesta egiten du, politikoki hondamenditik salbatu nahian. Dioenez, errekurritu egingo du, aski ondo dakienean itxurakeria hutsean dabilela.

Eta orain zer? 

• Operazio honen aurka ari direnen aurka (horren adibidea “euskal finantza sistemaren aldeko eta Kutxabank pribatizatzearen aurka diharduen plataforma” dugu) ezarri den informazio-blokeoa deuseztatu behar dugu.
• Badago orain arte egindako bidearen alternatiba. Atzera egin daiteke, adibidez, fundazioen esku dauden Kutxabankeko akzioak erakunde publiko sortzaileei itzuliz, kapital pribatuari saldu behar ez izateko.
• Kutxabank kudeatzeko eredua alda daiteke, euskal erakundeen kontrol publiko eta soziala ezarleei eta langileei itzuliz.
• Fundazioak desegin eta/edo eralda daitezke, inoiz galdu ez duten kontrol publikoa eta soziala berreskuratzeko.
• Legeak egin daitezke euskal finantza-sistema publikoa eraikitzeko, non honetan, Cajas- Kutxabank funtsezko alderdia izango diren.
• Egin, egin daiteke, baina hala ere, halakorik egin nahi ez duten askoz ere gehiagok indarrak bildu dituzte operazio honetan (EAJ, PP, PSE, CCOO). Asko dute jokoan (“ate birikariak”, erakundeak alderdikeriaz erabili ahal izana,…).
• Hitz batez, pribatizazioak baduelako alternatiba eutsiko diogu borrokari! Hori sinesten dugulako, borroka horretan nahasiko gara!

  {linkr:related;keywords:kutxabank;limit:5;title:Albiste+gehiago}