2024-05-18
HomeEkintza SozialaAberastasuna eta boterea gutxi batzuen eskuetan biltzeko prozesua areagotu egin da

Aberastasuna eta boterea gutxi batzuen eskuetan biltzeko prozesua areagotu egin da

Bizi dugun egoera sozio-ekonomikoa iluna dela oso erakusten du LAB sindikatuak osatutako txosten honek. Errenten arteko ezberdintasuna larriki handitu da. Aberastasuna eta boterea gutxi batzuen eskuetan biltzeko prozesua areagotu egin da, jendartearen txirotze orokor baten kontura. Talde sozial aberats eta txiroen arteko tarteak gora egin du. Ezberdintasun horiek gehien igo diren Europar Batasuneko kidea Espainiar Estatua da.

EUROGUNEA GELDITU EGITEN DA ETA HIRUGARREN ATZERALDI BATEN BELDURRA HAZTEN DOA.
Europar ekonomiaren diagnostikoa ezin ilunagoa da. Eurogunearen ahultasuna handitzen ari da geldiune fase kezkagarri bati bide emanez. Eta arrazoia erkidegoko hiru bazkide nagusiek jasandako narriaduran datza; alemaniar ekonomia uzkurtzen doa, frantziar Estatuak hazkunde nulua du, eta Italia berriz ere atzeraldi fasean sartu da.

Kontestu honetan ekonomiaren motentzea are eta gehiago zailtzen da Europar ekonomi oztopatuko lukeen eta denbora luze batean susperraldia eragotziko lukeen espiral deflazionista batean erortzeko arriskuaren aurrean.

BIDE BERDINETATIK JARRAITUZ GEHIENGO SOZIALARENTZAT EGOERAK OKERRERA EGINGO DU
Ez gara egoera honetatik aterako estrategia krisiaren sintomak borrokatzera bideratzen den bitartean, ezin dira sakoneko zergaitiak alde batera utzi. Hau da, sektore pribatuaren gainzorpetzea eta banka sistemaren kaudimen-gabeziaren arazoa.

Estrategia horren ondorioak latzak dira; lanpostuen suntsiketa, langabeziaren zabalpena, lan prekarietatearen gogortzea, soldaten hondoratzea, eskubideen lapurtzea, zerbitzu publikoetan murrizketak eta babes sozialerako sistemen ahultzea.

Zantzu positiborik bai? Denbora osoko lanpostu egonkorra aldi baterako lan prekarioagatik ordezkatuko da. Ustezko errekuperazio ekonomikoa hain ahula da ez duela lan garbirik ere sortzea lortu; eta aldi baterako kontratazioen hedapenak bakarrik lortu du dagoen lana jende gehiagorengana iristea.

HEGO EUSKAL HERRIAREN ARGAZKIA. Ezarritako prozeduren ondorioak:

Langabezi tasa Hego Euskal Herrian %16,1eko da. Europar Batasunekoarekin alderatzen bada (%10,2) langabezi tasa altuenetakoen artean kokatzen da, nahiz eta Espainiar Estatuari erreparatuz (%24,5) oraindik ere baxuagoa izaten jarraitzen duen.

Epealdi luzeko langabezi tasak kota berdungarrietan dago eta gora besterik ez du egiten. Egun 134.500 lanagabetu inguru (%62) urtebetetik gora lan bila dabil inongo emaitzik gabe. Eta kolektibo honen barruan, 88.000 inguru (%40,6) gutxienez bi urte daramazkite lan bila; kolektibo sozial oso ahula lan mundura sartzeko eragozpen handienei aurre egin behar diena eta gainera langabezi-saria agorturik dituena.

Datu hauek igortzen duten alarma egoerari erreparat gabe, gobernuak langabezi prestazioak jasotzeko sarrera murrizten ari da eta gainera kopuruak ere jaisten ditu. Egun, Hego Euskal Herrian, langabezian dauden erdiak baino gehiagok (%50,7) ez dute langabezian egoteagatik inolako laguntzarik jasotzen eta bizirauteko egoera gogorretara aurre egin behar dute.

Errenten transferentzia areagotu egin da soldatetik irabazi enpresarialetara. 2012An, soldaten pisua PIBaren %46,7ra jaitsi zen (2001ean, PIBaren %51,5a zen) enpresa-irabazien mesedetan.

Labur esanda, errenten arteko ezberdintasuna larriki handitu da. Aberastasuna eta boterea gutxi batzuen eskuetan biltzeko prozesua areagotu egin da, jendartearen txirotze orokor baten kontura. Talde sozial aberats eta txiroen arteko tarteak gora egin du. Espainiar Estatua ezberdintasun horiek gehien igo den Europar Batasuneko kide bezala agertzen da.
 

 

 

AZKEN ALBISTEAK | ÚLTIMAS NOTICIAS

00:01:52

Rafahko sarraskiaren eta palestinar herriaren aurkako genozidioaren aurka atera gara kalera

Eguerdian elkarretaratze jendetsuak egin ditugu Hego Euskal Herriko hiriburuetan, S.O.S. Rafah. Genozidioa STOP lelopean, gehiengo sindikal zabalak deituta.

Lantegiz lantegi zabaldu dugu Palestinan genozidioa geldiarazteko aldarria

S.O.S. Rafah, genozidioa STOP lelopean gaurko deitutako ekimenen baitan, Euskal Herriko hainbat eta hainbat lan-zentrotan palestinar herritarrekiko elkartasuna zabaldu eta Israelek aurrera daraman genozidio ankerra berehala geldiarazteko exijitu dugu.

Langileek baztertu egin dute Bilbobusen UGTk, CCOOk eta USOk babestutako aurreakordio eskasa eta borrokari berrekin diogu

Aldarrikapen funtsezkoetakoa zena ere ez zuen jasotzen asteon iragarritako aurreakordioak, hau da, soldatak KPIari lotzearena. Hala, erabakia atzo langileen asanbladara eraman ostean, aurreakordioari ezezkoa eman zioten langileek (287 boto ezezkoaren alde; 249 baiezkoaren alde). Hala, batzordearen gehiengoaren iruzurrari gailendu gatzaizkio langileok.