Zallako CEPSA gasolindegitik kaleratuak izan ziren bi langileek, Sonia eta Roberrek, prentsaurrekoa eskaini dute LABen Bilboko egoitzan. Enkarterriko enpleguaren defentsan eta beraien berronarpena eskatzeko mobilizatzeko deia luzatu die Alonsotegi, Gueñes, Gordexola, Zalla, Balmaseda, Artzentales, Sopuerta, Galdames, Karrantza eta Lanestosako auzotar guztiei.

Sonia eta Rober langileen prentsaurrekoaren edukiak
Enkarterriko auzotar guztiei

Azaroaren 7an Manifestazioa Zallan 18:30ean gasolindegian

«Zallako CEPSAko gasolindegiko Sonia eta Rober gaituzue.

Bidegabeki eta arrazoirik gabe kaleratu gintuzten. Hori dela eta mobilizatzen ari gara gure lantokia izan zenaren aurrean, protesta egiteko eta berriz har gaitzaten. Horretarako beste gasolindegietako beharginen, lagunen, auzotarren eta sindikatuen laguntza dugu.

Drama larriagotzen ari da, diru-sarrerarik ez izateaz gain, ikusten dugulako Enkarterrian langabezia handia dela eta aukera txikia dugulako lanpostu berria lortzeko.

Eskualdeko enpresa guztiak ixten ari dira; dirudienez, ez dugu ihesbiderik, eta uste dugu gu biok egiten ari garenak, indarrak, haserreak eta laguntzak batzeko balio duela.

Badugu zuen haserrearen berri, horregatik zuena bateratu nahi dugu ere, gure berriz hartzearen aldeko olatua hazi dadin eta TSUNAMI bihur dadin, non Enkarterrin bizi garen eta lanpostua galdu dugun guztiok, enplegu berria lor dezagun eta eskualdea bizirik iraunaraziko dituzten lan egonkorrak sor daitezen eta eskualdea bizirik iraunaraziko duten lan egonkorrak sor daitezen, borrokatuko garen. Enkarterri ez da hilko uzten ez badiegu.

Langabezia etxe guztietan ematen da. Gu biok behintzat, haren aurka borrokatuko gara. Beste hainbeste egin dezazula eskatzen dizugu. Horregatik, datorren ostiralean, azaroaren 7an, deitu dugu manfiestazioa Zallan, gure enpleguak babesteko, haien alde eginez, gure herriak babestuko ditugulako: Alonsotegi, Gueñes, Gordexola, Zalla, Balmaseda, Artzentales, Sopuerta, Galdames, Karrantza eta Lanestosa.

Ez dezatela berea egin, ez espekulatzaileek ez eta politikari tranpatiek ere!

Enkarterrin Bizi eta Lan»