2025-12-23
Blog Page 1157

LAB denuncia el despido de un afiliado y ex delegado en la sección de panadería Arriaundi

admin
-
0

Bingen Vizcarra y Javier Urrutia continúan atacando a LAB como manera de amedrentar y someter a todos y cada uno de los trabajadores de Arriaundi. Esta vez la excusa han sido las causas económicas. No parece ser un problema el sueldo del gerente, alrededor de 3000 euros o los sobres en negro que pululan por el entorno.

Una vez más un trabajador conocido por su trabajo sindical de oposición a la empresa ante sus tejemanejes, un trabajador que ha denunciado sistemáticamente los chanchullos de estos dos pájaros, un trabajador que estaba de baja por las continuas presiones que ejercían a través de sus brazos ejecutores en la empresa.
LAB no va a dejar ya no solo que se destruya empleo si no que se amedrente a todos los trabajadores y trabajadoras poniendo encima cabezas de turco como ha sucedido en este caso.

Este es otro aviso a navegantes para cualquiera que quiera cambiar las cosas o que intente denunciar la precariedad, las amenazas, las presiones o solicite un mínimo de respeto y dignidad ante cualquier imposición por parte de la dirección de pastelerías/panaderías Arriaundi. Todo ello, apoyado por los delegados electos de dos sindicatos. ¿Dónde están los delegados de CCOO y ELA para denunciar este despido de un trabajador en baja?

Si de esta manera piensan que LAB se va a callar lo tiene claro, no vamos a dejar en el empeño de que se respeten los derechos de los trabajadores y trabajadoras de las dos secciones de pastelería y panadería Arriaundi.

LAB exige la inmediata readmisión del trabajador despedido.

ARRIAUNDI GOXOTEGIAN/OKINDEGIAN JAZARPEN SINDIKALIK EZ
 

 

 

Pertsonen gainetik, interes pribatuak

admin
-
0
Pertsonen gainetik, interes pribatuak

Eusko Jaurlaritza gezurretan dabil. 2009az geroztik, gastu soziala jaitsi baino ez du egin. 2015eko aurrekontuetan %6,6 txikiagoa izanen da. Osasun Departamenduan, 154 miloi gutxiago eta hezkuntzan 387 miloi gutxiago. Bitartean, pribatizazioaren ateak gero eta zabalagoak uzten ari dira.

 LABen balorazioa EAEko 2015erako Aurrekontu Proiektuari

LABek elkartasuna eta sostengua adierazi nahi die Asturias herriko CSI eta auziperatuak izango diren langileei

admin
-
0
LABek elkartasuna eta sostengua adierazi nahi die Asturias herriko CSI eta auziperatuak izango diren langileei

Urtarrilean mehatzetako 5 langile auziperatuak izango dira. Bost langile hauei 32,5 urteko kartzela zigorra eskatzen diete Cerredoko mehatzean 2012ko Uztailak 12an izandako istripu batean beraien lankideak laguntzearren.

LABek elkartasuna eta sostengua adierazi nahi die Asturias Herriko CSI eta auziperatuak izango diren langileeri. LABek bat egiten du CSIk plazaratutako agiriarekin, non, auziperatuen absoluzioa eskatzen den.

Istripuaren iturria langilezain baten zabarkeria eta arduragabekeria izan bazen ere, geroago izan zuen zerbitzu medikuak ekiditeko jarrerak istripua jasan zuten langileen biziak arriskuan ipini zituen.

Auziperatutako langileek eta beste auzokide batzuk langilezainaren jokabideari amaiera eman zioten eta istripua izandako langileak zerbitzu medikuen eskuetan ustea lortu zuten.

Hau horrela izanik, 5 langileak ustezko lesio, mehatxu, eta kalte delituak egin izanagatik auziperatuak izan dira. Langile bakoitzari 6,5 urtetik gorako kartzela zigorra eta 15.000€ isuna eskatzen diote.

Istripua jasan zuten langileak lagundu zituztenak zigortu nahi dituzte, eta istripua sortu zutenak saritzea.

JAUNTXOEN ERREPRESIOAREN AURREAN, HERRIEN ELKARTASUNA!
 

 

 

Han eta hemen, eskubideak pertsona migrante guztientzat

admin
-
0
Han eta hemen, eskubideak pertsona migrante guztientzat

2014ko abenduaren 18an pertsona migranteen eskubideen aldeko eguna dugu. Aurten ere, nazioarteko krisi kapitalistaren ondorioek bere horretan jarraitzen dute, biziki eraginez: gero eta pobrezia handiagoa pertsonak eta herrientzat; eta horrekin batera, gero eta aberastasun handiagoa gutxi batzuentzat.

Langabeziaren ehuneko altuak, elikagaien prezioen igoerak, baliabideen aldeko borroka inperialistek, pribatizazioek, transnazionalek eta inbertsio funtsen erokeriak etekinen bila kosta ala kosta, errepresioak eta harresiek, eskubide sozialen desagerpenak,…besteak beste, oinarrizko eskubide sozialen zanpaketa ekartzeaz gain, hobeto bizitzeko helburua, norberak nahi duen tokian, erabat ukatu egiten dute.

Milaka migrante Europan zehar, eta Euskal Herrian ere, osasun eta prestazio sozialik gabe bizi dira, edo prestaziorik gabe geratzeko mehatxupean daude beste jatorria izateagatik. Askotan, atxikituak edo deportatuak dira bere azaleko kolorea dela eta, edo kalean hiltzen dira edo kriminalizazioa, arbuioa edo gorrotoa pairatzen dute. Pobreziara, lan beltzera eta esplotaziorik gordinera kondenatzeaz gain, badira erabili nahi dituenak justifikatzeko eskubide sozialen likidazioa, nahiz eta leporaino ustelkerian lokaztuta egon. 

Ehundaka lagun itota hiltzen dira Europako harresia gainditu ezinik, guda eta miseriatik alde egiten dutenean. Eta horrela, zerrenda luze bat osa genezake munduan barna egunero gertatzen den indarkeria, oinazea eta sufrimenduarekin. Ahaztu gabe Euskal Herritik milaka gaztek alde egin behar izan dutela, prekarietatea eta deserrotzea gogoz kontra aukeratzera behartuta, gure herrian egoteko aukerarik ez dutelako

Abenduaren 18 honetan, LAB-ek ondokoa adierazi nahi du:

• Egungo orden ekonomikoa eta politikoa miloika lagun deserrotzera, prekarizaziora eta heriotzara kondenatzen ari da, gudak, interbentzioak, natur baliabideen lapurketa, esplotazioa eta gutxiengo baten irabazteko grinaren ondorioz.
• Europako gobernuen migrazioaren aurkako politiken arbuioa. Politika hauek errepresioa, kriminalizazioa, bazterketa, jazarpena, atxiloketa guneak, xaflak eta arrazakeria baino ez dituzte ekarri. Politika hauetan pertsonek ez dute tokirik: paperik gabe, etxerik gabe, eskubiderik gabe.
• Egoera hau onartezina da, pertsonak botere politiko eta ekonomikoen pieza huts bihurtzen gaituelako. Beraz, ezinbestekoa da eredu sozial berri bat pertsona guztien eskubideak onartuak izan daitezen.
• Euskal Herria denon artean eraiki beharra dago. Gure herrian bizi diren pertsona guztien parte hartze politiko eta soziala sustatu eta bermatu beharra dago, aniztasuna eta elkar ezagutza gure ekintzetan bilduz, beti ere, eredu sozial eta politiko berriaren alde. Denon borroka eta mobilizazioak ahalbidetu behar gaitu Euskal Herrian, erabakitzeko gaitasuna eta tresnak lor ditzagun, bertan bizi eta lan egiten dugun guztientzat eskubide ekonomikoak, sozialak, hizkuntzazkoak eta kulturalak onartuak izan daitezen. 
• Pertsona migranteen eskubideen onarpena 365 eguneko betebeharra da, 365 egun egoera politiko eta sozial injustua eraldatzeko, pertsonen eta herrien erabakitzeko eskubidea ukatu egiten duena. 365 eguneko zeregina, non Euskal Herriko Eskubide Sozialen aldeko Karta, inor baztertu gabe, aukera ezin hobea da lan kolektibo honetarako.
 

 

 

 

Aldi bateko ezintasunari buruzko dekretuak gure osasuna patronalaren irizpide ekonomikoen esku uzten du

admin
-
0
Aldi bateko ezintasunari buruzko dekretuak gure osasuna patronalaren irizpide ekonomikoen esku uzten du

Gaur bozkatzen da Madrilgo Kongresuan Mutualitateen Legearen onarpena. Aldi bateko ezintasunari buruzko 2014/625 Errege Dekretuarekin batera, zentzu honetan egindako erreformen zikloa isten du, momentuz.

LAB sindikatuak orain arte egindako kritikak berresten ditu. Mutualitateei ia erabateko boterea ematen dien erreforma bat da, gure osasuna patronalaren irizpide ekonomikoen esku utziz. Era berean, oinarriak finkatzen ditu, laster, pribatizazioan sakontzen jarraitzeko. Adibide nabarmenena da mutualiteak gizarte segurantzaren mutualitate deituko direla, ez laneko istripu eta gaixotasun profesionalena.

Lege berri honetatik bi ondorio nagusi atera ditzakegu:

• Langileriaren gaineko kontrola areagotu egingo da. Lan osasun eskubidearen urraketa nabarmena emango da, lan eskubideen prekarizazioan urrats bat gehiago
• Mutualitateei eskumen gehiago ematen zaizkie, pribatizazioa sistema publikoaren kaltetan.
 

LABetik aldarrikatzen duguna da:

• Lan osasunerako eskubidea bermatua izan dadin, enpresari elkarte diren mutualitateen desagerpena aldarrikatzen dugu. Bestela langileon osasuna irizpide ekonomikoen arabera, etengabe murrizten ari delako.

• Honekin batera eskatzen duguna da lan osasun eskubidea babestuko duen eredu publikoa. Lan Harremanetarako eta Babes Sozialetarako Euskal Esparrua behar dugu. Gizarte segurantzan ahalmen legegile osoa izan dezan, horrela osasun sistema publiko propio bat eraikiz, non lan osasunerako eskubidea bermatua izango den.

• Gasteiz eta Iruñeako Gobernuen zeregina izan behar da langileon lan osasun eskubidea bermatzea, horretarako:
 

– Langileon lan osasunaren galeraren konplize izan nahi ez badute, lege honen aurkako jarrera argia azaldu dezatela eskatuko dugu.
– Gizarte Segurantzen Insitutu Nazionala eta mutualitateekin kolaborazio akordiorik ez sinatzea eskatzen diegu
– Mutualitateen baliabideak, sistema publikoan sartzea eska dezatela.
 

Lantokietan kanpaina bat jarriko dugu abian:

• Langileak informatu eta kontzientziatzeko, lege aldaketa guzti hauen ondorioz gure osasun eskubideak nola kaltetuak izango diren ikustarazteko. Azken hilabete hauetan horretan ari gara jada, hainbat batzar egin ditugu.

• Kanpainaren helburua ez da informazioa zabaltzea soilik baizik eta langileak lantokietan eraso berri honen aurrean eragile aktibo bilakatzea. Nola? Kontigentzia arruntak gizarte segurantzan jarrai dezaten eskatuz eta kontingentzia profesionalak mutuatik Gizarte Segurantzaren Institutu Nazionalera pasatzea eskatuz.

• Horrelako akordioak bultzatuko ditugu enpresetan, mutualitateen eskumena gutxituz joan dadin. Mutualitateari sistema publikoarenak diren eskumenak ez egozteko helburuz. Honela osasun publiko eredu propio baten aldeko urratsak emanez.

 

 

 

Kutxabankeko langileek LABi emandako babesak pribatizazioaren bidea okerra dela erakutsi dute

admin
-
0
Kutxabankeko langileek LABi emandako babesak pribatizazioaren bidea okerra dela erakutsi dute

LABetik oso modu positiboan baloratzen ditugu Kutxabankeko hauteskunde sindikalen emaitzak. Nabarmentzekoa da Euskal Kutxen estrategia pribatizatzaile eta likidatzaileak defendatu dituzten eta lan-baldintzak okertu eta enplegua suntsitzen duten erabaki enpresarialak laguntzera mugatu diren aukera sindikalak hondoratu izana.

96 ordezkari aukeratzen ziren arren (2010ean 111 aukeratu ziren) datuak argiak dira:

– LABek bere ordezkaritza handitu du, 18 ordezkaritik 20ra.
– ELAk bere ordezkaritzari eutsi dio, 31rekin.
– CCOOk behera egin du, 28 ordezkaritik 21era.
– Pixkanakak behera egin du, 29 ordezkaritik 18ra.

Honetaz gain, LABek Nafarroako delegatua lortu du. Honekin, 21 ordezkari lortu ditu LABek Hego Euskal Herrian. Iparraldeko bi ordezkariak ere LABenak izanik, 23 delegatu ditu guztira sindikatuak Euskal Herrian.

EAEko botoen portzentaiari dagokionez, LAB %16,82tik %21,58ra pasatu da.

Nabarmentzekoa da Euskal Kutxen estrategia pribatizatzaile eta likidatzaileak defendatu dituzten eta lan-baldintzak okertu eta enplegua suntsitzen duten erabaki enpresarialak laguntzera mugatu diren aukera sindikalak hondoratu izana. 

Emaitza hauek gure jarrera indartzen dute, batetik, kalitatezko enplegua eta konkista sozial eta sindikalak bermatzeko Lan Harremanetarako Euskal Esparruaren exijentzian, bestetik, Kutxabanken pribatizazioa bururaino eraman dadin eta akzioak kapital pribatu eta espekulatzaileari saltzea eragozteko determinazioan.

Euren bozkarekin gure hautagaitzak babestu dituzten 500etik gora langileei eskerrak ematea baino ez zaigu geratzen, datozen urteotan orain arte bezala borrokan jarraituko dugunaren konfidantzan.

MOBILIZAZIOA BILBON

“Euskal Herrian finantza sistema publikoa, Kutxak-Kutxabank pribatizaziorik ez” plataformak lanean darrai Kutxabank eta gainontzeko kutxen pribatizazioaren kontra eta Euskal Herriarentzako sistema finantziario propio baten alde. Guzti hau aldarrikatzeko atzo Bilboko Kutxabank-en egoitzaren aurrean mobilizatu ginen

 

 

 


Hitzetatik ekintzetara: Haurreskolak Partzuergoko kuotak egokitu

admin
-
0
Hitzetatik ekintzetara: Haurreskolak Partzuergoko kuotak egokitu

LAB eta STEE-EILASeko Haurreskolak Partzuergoko langileon ordezkariok, alderdi politikoei, hezkuntza eskubide unibertsala den heinean, doakotasunaren bidea jorratzea eskatu genien. Orain, Cristina Uriartek, Eusko Jaurlaritzako Hezkuntza Sailburuak, komunikabideen aurrean 2015-16 ikasturterako Haurreskolak Partzuergoko kuota sistema diru sarreren arabera aldatzeko aukera aztertuko zutela iragarri zuela kontutan izanda, hitzetatik ekintzetara pasatzeko eskatzen diegu.

HITZETATIK EKINTZETARA: 
HAURRESKOLAK PARTZUERGOKO KUOTAK EGOKITU!

Iazko ikasturte amaieran, LAB eta STEE-EILAS sindikatuetako Haurreskolak Partzuergoko langileon ordezkariok, alderdi politiko guztiekin bildu ginen, hezkuntza eskubide unibertsala den heinean, doakotasunaren bidea jorratzeaz gain, 0-3 zikloaren egoeraz eta aitortzaz aritu ginen. 

Erronda honen emaitza Legebiltzarrak Haurreskolak Partzuergoari eta Hezkuntza Sailari ahalik eta eperik laburrenean matrikulazioa irizpideak familien egoera eta beharretara egokitzea eskatu zaiela izan da. Besteak beste, zerbitzu publiko honek dituen kuotak, familien diru sarrera eta ordutegien araberako beharretara egokituz progresibotasunean oinarrituz. Horretarako gaur egun dagoen goiko kuota muga bezala hartuaz eta orain arteko ordutegi aukeretan, tarteko ordutegia txertatuz. 

Bestalde, Cristina Uriartek, Eusko Jaurlaritzako Hezkuntza Sailburua, aurreko maiatzean komunikabideen aurrean 2015-16 ikasturterako Haurreskolak Partzuergoko kuota sistema diru sarreren arabera aldatzeko aukera aztertuko zutela iragarri zuen. 

Gauzak horrela, hitzetatik ekintzetara pasatzeko beharra aldarrikatzen dugu. Horrela, ikasturte hasieran, Hezkuntza sailaren aldetik gai honen inguruan berririk ez zegoela ikusita, sindikatuok Eusko Jaurlaritzari, erantzunik jaso gabe dauden bilera eskaerak bidaltzeaz gain, ekimen bat proposatu genion haurreskoletako hezkuntza komunitateari (familia, hezitzaile, udala,…); Haurreskola bakoitzeko Jarraipen batzordearen bitartez, Eusko Jaurlaritzako Hezkuntza saila interpelatzea, Parlamentuaren eskaera gauzatzera behartuz. Betiere, doakotasuna lortzeko bidean urrats bat dela ulertuz. 

Jakin badakigu, ekimen honek oihartzun handia izan duela gure haurreskoletan, eta familia, hezitzaile eta udalen arteko bileretan gai honen inguruan hitz egitea eta aldeen inplikazioa lortu dugu, kasu askotan, kide guztien sinadurak bilduz. Horrela, Donostiako Haurreskoletako Jarraipen batzorde guztietan dokumentua sinatu da. Bestelako jarrera azaldu dute, Bilboko eta Gasteizko udalek, kasu askotan udaleko ordezkariak eskaerarekin ados egonda ere, euren alderdietatik ez sinatzeko agindua jaso dute. 

Lana eta familia uztartzeko neurriek eraso zuzena jaso duten momentu honetan, Legebiltzarrak eskatutakoak garatzeko ezinbestekoak izango dira bestelako aurrekontuak, hain zuzen ere, goian aipatutako neurriak bermatuz, eta Haurreskolak Partzuergoari bideratzen zaizkion diru partidak handituko dituztenak. 

Haurreskolak partzuergoari bideratutako aurrekontuak, %7,4ko jaitsiera izan du, ondorioz, Euska Jaurlaritzak ekintza gutxi egiteko asmoa duela adierazi du. 

Guk Haurreskolak Partzuergoaren zerbitzuaren kuotak berraztertzea eskatzen diogu, zerbitzu publiko hau jendarte osoak erabiltzeko aukera izan dezan. 

Amaitzeko, gainontzeko alderdi politikoei, orain arte egin dugun moduan, Partzuergoak dituen aurrekontuak ez onartzea eskatzen diegu, gaur egun, ziklo honek daukan garrantzia aitortzen badugu, proiektua hau doakoa eta kalitatekoa izateko urrats berriak emateko garaia izango da. 
 

 

 

Euskal Herriko Pentsiodunen Plataformak PPren gobernua “pentsiodunen lepotik barre egiten” ari dela salatu du

admin
-
0
Euskal Herriko Pentsiodunen Plataformak PPren gobernua “pentsiodunen lepotik barre egiten” ari dela salatu du

Euskal Herriko Pentsiodunen Plataformak mobilizazioak iragarri ditu datorren abenduaren 19 eta 20rako PPren Gobernuak iragarritako pentsioen %0,25eko igoera "pentsiodunen lepotik barre egitea" dela salatzeko. Abenduaren 19an Bilboko Plaza Biribilan eguerdiko 12:00etan eta Gasteizen Virgen Blancan 11:30etan elkarretaratzeko deia egin dute. Donostian berri abenduaren 20an mobilizatuko dira Bulevarrean 12:00etan.

Euskal Herriko Pentsiodunen Plataformaren oharra
2015ean PENTSIOAK %0,25 IGOTZEA
PENTSIODUNEN LEPOTIK BARRE EGITEA DA

«PPren Gobernuak argitu ditu dudak: 2015ean gure pentsioak %0,25 igoko dira.

• 2010, 2011, 2012 eta 2013an gure pentsioak KPIren azpitik igo baziren, orain% 0,25 "igo"ko dituztela esan digute. Baina guk galdu egiten dugu: pentsiodun gehienentzat %0,25 hori hilean euro t´erdi delako eta eguneroko oinarrizko lehengaiak askoz gehiago igo direlako: argia %11, janariak %4-6 eta gauza gehienak %3-4 Esandakoa aski ez eta BEZaren igoera gehiegizkoak beste kolpe bat eman digu. Eta horrek diru sarrera eskasak dituenari egiten dio min bereziki.

• Ez dugu ahaztuko Kopagoak ekarri diguna: 417 botika oso osorik gure poltsikotik ordaindu beharra. Gurutze Gorriak berriki esan duen bezala, asko igo da behar den unean behar den botika ez hartzeagatik larrialdietara eraman duen jende kopurua.
• Eta jakina: lehen doan genituen beste botikak ere %10 ordaindu behar ditugu orain.

• Adituek esaten dutenez,Hego E.Herrian pentsiodun familia unitateak hilean 1.000 €. behar ditu gutxieneko, duintasunez bizitzeko. Baina 255.240 lagun daude 700era iristen ez direnak. Eta beste 116.000 esandako 1000 eurotara iristen ez direnak. Pentsiodunen %57 bi taldeen artean. Hori pobrezia eta larritasun handia da, batez ere emakume eta gabeziaren bat duten pentsioa dutenentzat.

Buka dezagun urteroko %0,25arekin. Gero eta eskasagoa izango da gure eguneroko premiei aurre egiteko, eta gaurko eta biharko pentsiodunak pobreziaren hatzaparretatik ezin ateraz biziko gara. Ezinbestekoa da PP, PNV eta UPNek “pentsioak izozteko duten ohitura zuhurrarekin amaitzea”.

Hego Euskal Herriko Eskubide Sozialen Karta, berriki 50 eragile sozialek eta gehiengo sindikalak onartua izan denak, Pentsioen Duintasunaz hitz egiten du eta beste sektore sozial batzuekin lankidetzarako esparrua eskaintzen digu.

Ordua da pentsionistok gure aldarrikapenak planteatu eta gure borroka antola dezagun Ez digute ezer emango, kendu egin beharko diegu. Horixe da Historiak erakusten diguna. Jendea kalera atera dadin, lanean ari gara. Ez gara begira geratuko : Atera gaitezen plazetara. Gure pentsio duinen eta gure seme, alaba eta biloben alde.

Euskal Herriko Pentsionisten Plataformak

ELKARRETARATZEAK:
Bilbon, abenduaren 19an Plaza Biribilan eguerdiko 12etan
Gasteizen: abenduaren 19an Virgen Blancan 11:30etan
Donostian: abenduaren 20an Bulevarrean 12etan»

 

 

 

LABek Landakoko igerilekuetako langile baten kaleratzea salatzen du

admin
-
0

LABek salatzen du DENDAK BAIk (Landakoko polikiroldegiko tabernaren eta Tabirako igerilekuaren egungo kudeatzailea) langile bat kaleratu izana. Kaleratze honi buruz hainbat eta hainbat gezur esan eta salaketa egin dituzte. LABek langilearen berrartzea eskatzen du. Kaleraketa salatzeaz gain, kontzesioetan ematen diren irregulartasunak salatzen ditu ere.

Zer ari da gertatzen Tabira eta Landakoko igerilekuetan? Zer dela eta ez dute kobratzen langileek? Zergatik ez dute kobratzen mutualitatetik bajan dauden langileek? Nolatan, berau gizartegintzako enpresa izanik eta Durangoko udala haren arduradun zuzena, ez dute han gertatzen ari denaren berri?

LABek premiazko bilera eskatu dio Durangoko udalari, han gertatzen denaren arduraduna delako.

Dendak Bai (bi negozio hauen ustiatzeaz arduratzen den egungo emakiduna) egoera honen arduradun egiten dugu ere. Zer ari da gertatzen bi esplotazio hauetan? Zergatik, behargin batzuk, hilabete osoan lan egin ostean 100 euro besterik ez diztuzte irabazten? Inork uste du soldata horrekin bizi edo biziraun daitekeenik?

Gure aburuz, udalak berehala heldu behar dio gai honi, zelako irregulartasunak ematen diren ikusteko eta Dendak Bairi, eta bide batez, haren gerentea den Santiago Reyes Ruizi eskatzeko dagozkion azalpenak eman ditzan eta argitu ditzan ematen ari diren irregulartasunak, argitu ditzan Dendak Baik sortu duen enpresak Gizartegintzako enpresa batek ustiatzen duen mota honetako negozioei eskatzen zaizkien baimen guztiak dituen.

Hortaz, irmotasunez eskatzen dugu Durangoko udalak berehala azter dezala bi esplotazio hauetan gertatzen dena, hura arduradun zuzena delako, eta berehala har berrartu dezatela kaleratu duten behargina.
 

 

 
1...1,1561,1571,158...1,582Page 1,157 of 1,582

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus