2025-04-19
HomeEkintza SozialaMikel Cabieces-ek urte betez langabezi prestazioa jaso zuen Iberdrola eta Kutxabanketik 110.000...

Mikel Cabieces-ek urte betez langabezi prestazioa jaso zuen Iberdrola eta Kutxabanketik 110.000 euro eskuratzen zituen bitartean

Miguel Angel Cabiecesek, Espainiako Gobernuko ordezkari ohia EAEn, Instrukziozko 4 zenbakiko epaitegian —aurretiazko eginbideak ireki dira 2012ko martxoa eta 2013ko martxoa bitartean Kutxabank-en izan ziren ustezko iruzurren harira— jasotzen denaren arabera, Iberdrolan jasotako 65.450 euro eta Kutxabak-eko 49.956 euroetaz gain, 14.004,39 euro jaso zituen langabezi prestazioetan garai berean.

Hau da, alderdi politiko jakin batzuk prestazio sozialak kriminalizatuz ofentsiba oso bat burutzen ari diren honetan, ate bilakarien politika bultzatzen duten horiek —Cabieces kasuan PP, PSE eta PNVrekin gertatu den bezala— ez dute arazorik kasu honetan egin den iruzurra onartzeko.

Cabieces-ek INEMetik langabezi prestazioa jaso izanak delitu penal bat osatzen du perzepzio desegokiagatik. Ziur gaude Cabieces, abokatu eta Gobernuko ordezkari izanki, honetaz consziente zela.

Akusazio partikularra osatzen dutenen taldea: LAB, ESK, STEILAS, EHNE-Bizkaia, HIRU, Asociaciones de Pensionistas de Euskal Herria, EKA
 

 

 

AZKEN ALBISTEAK | ÚLTIMAS NOTICIAS

Enviserreko langileek greba gogortu dute, protestaren hirugarren astean

Hiriko parkeak, lorategiak eta eraztun berdea mantentzeko Gasteizko Udalaren kontrata den Enviser enpresako langileek hiru aste bete dituzte greban. Baldintza duinak jasoko dituen hitzarmen propio bat lortzea da beren helburua. Hainbat langilek Gasteizko udaletxearen aurrean pasa dute gaua, azken honen inplikazioa eskatzeko.

LABek ontzat jo du Iruñeko Udalaren eta alokairuzko bizikleten enpresaren artean sinaturiko akordioari esker langileei zor zitzaizkien soldatak ordaintzea

LAB sindikatuak duela bi aste salatu zuen Ride On Pamplona Iruñeko alokairuko bizikleta elektrikoen zerbitzuko langileak egoera larrian zeudela, sei hilabete baitzeramatzaten nominak berandu kobratzen eta, gainera, enpresak bi nomina oso zor baitzizkien. Iruñeko Udalak eta Ride On-ek gaur iragarri duten akordioaren arabera badirudi zerbitzuaren jarraipena bermatuko dutela eta enpresak berehala kitatuko dituela langileekin dituen zorrak.

LABek salatzen du milaka gutun banatu gabe daudela Gasteizen Correoseko langile faltagatik

Langilerik ez kontratatzearen ondorioz, kaosa sortu da azken hilabeteetan posta-banaketan, eta inoiz ikusi gabeko egoetara iristen ari da. Kontratazioan murrizketa hain handia da, kasu askotan ez dela inor ordezkatzen ari. Adibidez, Alde Zaharreko postariak urte erdi baino gehiago darama bajan, ordezkatu gabe.