2025-02-10
HomeIndustriaBeiraVidrala taldea hedabideetan ateratzen den bitartean, Laudion langileei txantaia egiten zaie

Vidrala taldea hedabideetan ateratzen den bitartean, Laudion langileei txantaia egiten zaie

Aiala Vidrioko LABeko saila sindikalak enpresa handien, eta batez ere gure enpresaren, jarrera salatu nahi du. Noiz nahi ospakizun haundiak eta bezeroei bisitak eginez, enpresaren bikaintasuna nabarmenduz eta beren burua jarraitu beharreko adibide gisa agertuz ibiltzen dira, hori dena medio eta dirua xahutuz.

Egia bada ere momentuz langileek hitzarmen duin bat izaten jarraitzen dugula, erreformen aurrean blindatuta dagoena, baina hori bezain egia da hitzarmena sinatu zenetik gure baldintzak erretagarritasunaren eta Laudioko aktibitatearen mantentzearekin bateraezinak direla eta datorren hitzarmenean ezingo direla mantendu esanez mehatxatu gaituztela.

Duela hilabete baino gutxiago, enpresako zuzendaritzak komiteari eskatu zion ekaina baino lehen akordio bat sinatzeko, horrek ekarriko luke, momentu horretatik bertatik hitzarmen berriaren baldintzak asumitzea, hau da soldata igora emaitza prouktiboen araberakoa litzateke, lanaldiaren igoera, soldata eskala bikoitza langile berrientzat…akordio horren lorpena labeen berritze lanekin —Laudioko produkzio eta enplegua ziurtatzen dutenekin— baldintzatuz.

LABek salatu nahi du Vidrala taldea —bertako kide da Aiala Vidrio—, eguna joan eta eguna etorri hedabideetan agertzen den bitartean izan dituen emaitza eta benefizio zoragarriak direla eta, edo estatu mailako enpresak erosi ondoren negozia zabaltzen ari direlako, Laudion langileei txantaia egin nahi zaiela, beren geroa eta lanpostuak ziurtatuko lituzketa lan baldintza eta soldata duinei uko eginezkero.

Onartezina da enpresa honen kostu altuen errua langileengan jarri izana, bitartean enpresa milaka euro kostatzen diren ospakizunak egiten aritzea. Hauen helburu bakarra bezeroak pozik edukitzea da, baina hau kalitatezko produktuak eskeiniz eta azkartasunarekin lortu behar da.

Honek gogoeta bat egitera garamatza, zergatik aukeratu duten gure zentroa eredu gisa. Eredu gisa erabili bagaitzate egiten dugun la nonagatik da eta lekuz kanpo daude gure lan baldintzak okertzeko saiakera guztiak

 

 

 

AZKEN ALBISTEAK | ÚLTIMAS NOTICIAS

Bizkaiko eraikuntzako patronalak ez du sektoreko langileen lan-baldintzak hobetzeko inolako asmorik

Gaur, 2025eko otsailaren 10ean, Bizkaiko Eraikuntzaren Sektoreko Hitzarmen Kolektiboa berritzeko 4. negoziazio mahaia izan da.

Lortu dugu! 16 urteren ondoren Haurreskolak Partzuergo Publikoko lan hitzarmena sinatu du LABek

Beste behin borrokak merezi duela baieztatu dugu. Azken urteetan hamaika greba eta mobilizazio burutu ostean, azken biak pasa den urtarrilean eta eskola publikoko greba ziklo honen otsaileko bi greba egunen atarian, Eusko Jaurlaritza posturaz aldatzera behartu dugu.

LABen iritziz urgentea da etxeko langileentzako hitzarmena

LABeko etxeko langileen atal sindikalak, Bizkaiko, Gipuzkoako eta Nafarroako etxeko enpleguarekin lotutako kolektibo eta erakundeekin batera, kaleak hartu ditu berriro ere sektore horretako lan-baldintza jasanezinak salatzen jarraitzeko eta langile horientzako eskubideak aitortzeaz arduratu beharko luketen erakundeen interes falta salatzeko. Hala, mobilizazioa egin du gaur Bilbon, Justizia Jauregiaren aurrean. Bihar asteartea, Donostian mobilizatuko da, Lan Ikuskaritzaren aurrean, eta asteazkenean Iruñean beste horrenbeste egingo du, Udaletxe plazan.