2025-12-23
Blog Page 1143

Kolore martxa batek aldaketa soziala bultzatuko du martxoaren 14an

admin
-
0
Kolore martxa batek aldaketa soziala bultzatuko du martxoaren 14an

37 erakunde sozial eta sindikalek ekimen berri eta berritzailea aurkeztu dute gaur prentsaurreko bidez, Nafarroan aldaketa soziala sustatzeko asmoz. "9 bloke, 9 sektore, 9 kolorez" osatutako martxa batek aldaketaren ortzadarra irudikatuko du, gainbehera doan Erregimenaren grisaren aurrean.

Antolatzaileen arabera funtsezkoa da kalean jarraitzea "krisiaren sortzailea den sistema kapitalistaren mesedetan ari den gutxiengoari aurre egiteko. Kontrabotere gisa eta ikuspegi kritikoz arituko den aliantza sindikal eta sozial indartsuan sinisten dugu, botere politikoaren nahiz instituzioen aurrean premia sozialak zeintzuk diren argi azaltzeko. Azken urteetan Nafarroan mobilizazio sozialak biderkatu dira eta oposizio parlamentarioaren aldetik kolektibo sozial zabalen interesentzako mesedegarriak diren legeak onar daitezen lortu da. Lege horien kontra auzitara jo dute Gobernu ordezkaritzak eta Nafarroako Gobernuak berak. Hemen erabaki nahi dugu. Agiri hau babesten dugun erakundeok nafar herritargoaren eta bere instituzioen askatasunez erabakitzeko eskubidea defendatzen dugu, eragiten dion gai sozial, ekonomiko, laboral nahiz politikoei dagokionez"

Programa Soziala
Erakunde sozial eta sindikalek Programa Sozial bat aplikatzea eskatzen dute, eredu ekonomiko eta sozial berria eraikitzeko. Hona hemen aldarrikatzen dituzten neurri nagusiak: 

Aberastasunaren banaketa. Zorraren gaineko auditoria. Progresibitatea ezartzeko erreforma fiskala. Iruzurraren eta paradisu fiskalen kontrako borroka erreala. Espainiako Gobernuak ezarritako aurrekontu mugapenak eta murrizketak ez onartu, instituzioek ezarritako murrizketa injustuak atzera bota. Osasun, hezkuntza eta babes sozialeko zerbitzu publiko propio, kalitatezko eta unibertsalak garatu. Pobreziaren mugaren gainetiko diru-sarrera bermatuko duen prestazio soziala. Etxebizitzarako eskubidea. 

Kalitatezko enpleguaren sorrera. Soldatak nabarmen igo, bereziki baxuenak. Lanaldia 35 ordura murriztu. Aparteko orduak ezabatu. Erretiro adina aurreratu. Gutxieneko Soldata berria ezarri, Europako Gutun Sozialaren ildoan. Enegia eta finantza sektoreetan baliabide eta kontrol publikoa sustatu. 

Bizitzaren jasangarritasuna eta ongizatea. Pertsonak, herriak nahiz natura, multinazionalen etekinen gainetik daude. Zainketa lanen aitortza eta banaketa, baldintza laboral eta sozialetan parekidetasuna bermatzeko. Genero, adin, aukera sexual, dibertsitate funtzional edota jatorri nazionalaren araberako diskriminazio ororekin amaitu. Emakumearen eskubide erreproduktibo eta sexualak, haurdunaldiaren borondatezko etenerako eskubidea osasun sistema publikoan. Emakumezkoek pairatzen duten zanpaketa eta bortizkeria ekiditeko neurri eta politika integralak. TTIPari ez. AHT gelditu, baita “autopista elektrikoa”, Esako urtegiaren zabalpena, frackinga eta Nafarroako ubidea ere. 

Demokraziaren eta eskubide kulturalen defentsa. Ez eskubide murrizketei, Mordaza legeari, isun errepresiboei, kode penal berriari. Egia, justizia, aitortza, erreparazioa eta oroimen historikoaren berreskurapena. Euskararen eta kulturaren normalizazioa, Vascuence Legea bertan behera utzi. Erabakitzeko eskubidea alor ekonomiko eta sozialean, bestelako jendarte eredua eraiki ahal izateko. 

Jendartearen parte hartzearen bermea. Instituzio guztiak berregituratu, jendarteak politika ororen erabaki eta kontrolean demokratikoki parte hartu ahal dezan. Nafarroako Gobernuak bere politikak aplikatzeko sortu dituen egitura klientelarrak bertan behera utzi (Moderna Plana, Elkarrizketa Sozialerako Kontseilua, e.a.).

Blokeen antolaketa
Hurrengo asteetan zehar, bloke bakoitzak deialdia landuko du bere ikuspegi propiotik:

Gorria: Sindikatuak. Borrokan diren langileak.

Lila: Mugimendu feminista. 

Laranja: Gazte Mugimendua, ikasleak.

Horia: Bazterketa sozialaren kontra, etxebizitzaren alde, banka eta trasnazionalen diktadurari aurre egin.

Berdea: Lurraren defentsarako plataforma eta kolektiboak. 

Berde argia: Osasuna, desgaitasunak eta behar bereziak dituzten kolektiboak.

Urdina: Hezkuntza, hizkuntza eskubideak eta Kultura. 

Urdin argia: Pentsiodunak

Multicolor: Sexu aniztasuna, LGTB eskubideak

Atxikimenduen behin-behineko zerrenda / Listado provisional de adhesiones

3 Mugak Batera
AEK
AHT Gelditu
Asociación de Defensa de la Salud Pública de Navarra / Nafarroako Osasun Publikoaren Aldeko Elkartea (ADSP/NOPAE)
Asociacion de Mujeres “Entre Culturas” Berriozar
ATTAC Navarra
Autobus de la Memoria
Banatu
Bilgune Feminista
Burlataenea
CGT
Colectivo de Personas en Paro y Precarias
Coordinadora Monte Alduide (Zilbeti + Mendiaundi Bizirik)
Ecologistas en Acción Navarra / Ekologistak Martxan Nafarroa
EHGAM
EHNE
ELA
Ernai
ESK
Herri Ekimena
HIRU
Ikasle Abertzaleak
Kalaxka Taldea Larraun
Kalea Denona
Kontuz!
LAB
Martes Al Sol
Médicos del Mundo
Pentsionistak Martxan
Plataforma 8 de Marzo
Plataforma Navarra de Salud
Sakana Abian
Sasoia
Sortzen
STEILAS
Sumaconcausa
Yesa + No

 


 

 

Harreman justu eta parekideetan oinarritutako lan harreman eredu berri baten beharra dugu

admin
-
0
Harreman justu eta parekideetan oinarritutako lan harreman eredu berri baten beharra dugu


Gehienentzat ezaguna ez bada ere, igande honetan emakume eta gizonen soldata berdintasunaren aldeko eguna da. Egun honen leloak aipatutako berdintasuna, oraindik ere, lortzetik oso urrun gabiltzala erakusten dute datuek tamalez. LABek lan harreman eredu berri baten beharra azpimarratu nahi dugu. Emakume eta gizonen arteko harreman justu eta parekideetan oinarritutakoa. Gaurko menpekotasunezko harremanak gaindituz, lanaren ikuspegi integrala bermatu eta ematen den sexuen araberako lan banaketarekin bukatuko duena.

Emakume eta gizonen soldaten arteko arrakala ez da gauza berria, baina kezkagarriena arrakala honek krisia hasi zenetik izan duen igoera da. Nafarroako kasuan, gizonezkoek, 2008an, urteko bataz bestekoz, emakumeek baino % 38,6a gehiago kobratzen zuten. 2012an aldiz (2012koak baitira INEk aurkeztutako azken datu ofizialak), % 42a gehiago kobratzen dute.

Eta datu hauek EAEra ekarrita, aldea % 29,9koa izatetik %34,8koa izatera pasa dela ikus dezakegu. 

Soldata-egituraren urteroko inkesta. Urteroko batazbesteko irabazia (eurotan). 2008-2012 seriea

Emakumeen soldata %36,2 igo beharko litzateke gizonen soldatarekin parekatzeko

Aurreko urteko ekainean INEk kaleratutako azken datuetatik, 2012ko datuetatik alegia, hurrengoa ondoriozta daiteke:

Araba, Bizkaia eta Gipuzkoan, emakumeen urteko soldata gordina 7.771 euro gutxiagokoa izan zen, bataz bestez, gizonezkoen urteko soldata gordinarekin alderatuz. Ondorioz, emakumeek %34,8a gehiago irabazi beharko lukete bere lankide gizonezkoen soldata berdina jasotzeko.

Nafarroaren kasuan, emakumeek, bataz bestez, 8.170 euro gutxiago jaso zuten gizonezkoekin alderatuz. Beraz emakumeen soldata gizonen soldatari parekatzeko %42a igo beharko litzateke.

Bi datuak kontuan izanda, ozen esan eta salatu dezakegu, Hego Euskal Herrian, gizonen urteko soldata gordina, emakumeena baino 7.852 euro gehiagokoa dela. Edo beste modu batean esanda, emakumeen soldata % 36,2an igo beharko litzatekeela, bataz beste, gizonezkoen soldatari parekatzeko.

Soldata arrakalaren definizio ofizialera joko bagenu, lan egindako ordu bakoitzagatik jasotzen den irabazi ezberdintasuna neurtu beharko genuke. Lan ordu bakoitzagatik jasotakoari erreparatuz (beti ere soldatapeko lanaz ari garela), EAEn gizonek, bataz bestez, ordu bakoitzeko, emakumeek baino %25,1a gehiago irabazten dute. Nafarroan gizonen eta emakumeen arteko aldea %29,3koa delarik. Ondorioz, Hego Euskal Herrian gizonek egindako lan ordu bakoitzagatik, emakumeek baino %25,9a gehiago irabazten dute.

Soldata arrakala emakumeek, jendartean zein lan munduan, pairatzen duten diskriminazio estrukturalaren adierazlea

Emakume eta gizonen soldaten arteko arrakala, gaurko sistema kapitalista patriarkalak ezarri duen sexuen araberako lan banaketaren ondorioetako bat baino ez da. Emakumeoi zaintza eta etxeko lanak egotzi zaizkigu, emakumeen lan merkaturatzea oztopatu, eta era berean lan merkatu horretan aitortza eta maila baxuagoko lanetara bideratu gaitu. Oraindik ere emakumeak gara, lan merkatuan lan baldintza prekarioenak eta ezegonkortasuna pairatzen dugunak. Lanaldi partzialen % 82,3a guk betetzen dugu, eta gure behin behinekotasun tasa %25,9koa da gizonezkoena % 18,5ekoa denean. Soldata ezberdintasuna ez da beraz emakumeok lan munduan jasaten dugun diskriminazio bakarra.

Aurrekoa gutxi balitz, aspalditik pairatzen dugun egoera hau, krisiaren testuinguruan eta aitzakipean eman diren langileon kontrako erasoekin bereziki larriagotu egin da. Oro har, langileen soldaten aurka patronala burutzen ari den ofen­tsibak, azken lan erreformak ezarri duen lan harremanen erabateko desoreka eta negoziaketa kolektiborako eskubidea guztiz baldintzatu izana, emakumeon egoerak okerrera egitea ekarri du.

Gaur egungo diskriminazioekin amaitu, eta soldatak parekatzeko neurri eraginkorrak ezarri beharrean, soldaten aurkako ofentsiban sakontzea erabaki dutela ikusten ari gara. Lehiakortasuna lan kosteen murrizketan oinarritzea erabaki dute, bide horretan soldatak erasotuz. Pobreziaren etengabeko hedapena ari da ematen, eta ezberdintasun sozialak gero eta handiagoak dira. Egoera orokorra hau izanik, emakumeon egoera jasanezina da kasu gehienetan. Gure soldatekin eta lan baldintzekin pobreziara kondenatuak izaten ari gara. 

Bien bitartean EAEko emakume eta gizonen berdintasunerako legeak hamar urte

Gaur, otsailak 18, EAEko emakume eta gizonen berdintasun legeak hamar urte betetzen ditu. Orain hamar urte, positiboki baloratu genuen sindikatutik behingoz berdintasun lege bat martxan jarri izana, baina era berean, nahiko eszeptikoak azaldu ginen, bertan arautzen ziren ekinbide gehienak jarrera boluntaristetan oinarritzen zirelako, betebehar konkretuak eta argiak ezarri beharrean.

Eta tamalez, gure susmoak egi bihurtu dira. Legeak, bere 36. artikuluan, esaten du euskal erakunde publikoek emakume eta gizonen arteko aukera berdintasun erreala eta eraginkorra lortze aldera, beharrezkoak diren baldintzak bultzatuko dituztela. Horretarako, lan munduan sartzeko aukera berdintasuna, eta lan baldintzetan zein soldatetan berdintasuna lortzeko, neurriak bultzatuz. 

Hamar urte eta gero egoera ez da aldatu, eta larriena dena, okerrera egin duela erakusten dute gaur plazaratutako datuek. Lege honen baliagarritasuna kolokan jartzen dute datuek, baina ez datuek bakarrik. Lege honek egungo lan harreman eredu bera, eta eredu honen ondorioz ematen den sexuen araberako lan banaketa, auzitan ez jartzeak, legeak duen galgarik garrantzitsuena da. Gaur egungo lan harreman eredua irauli gabe, emakumeok ez dugu berdintasunean aurrera egiterik.

Hortaz, lan harreman eredu berri baten beharra azpimarratu nahi dugu. Emakume eta gizonen arteko harreman justu eta parekideetan oinarritutakoa. Gaurko menpekotasunezko harremanak gaindituz, lanaren ikuspegi integrala bermatu eta ematen den sexuen araberako lan banaketarekin bukatuko duena. Soilik horrelako lan harreman eredu batekin lortuko dugulako emakume eta gizonen soldaten arrakalarekin behingoz bukatzea.

 

 

 

 

Osakidetzak ez-nahikoa den EPEa jarri du berriro mahai gainean, enplegu suntsiketa eta kalitatearen jaitsiera behin betikotuz

admin
-
0

Gaurko Mahai Sektorialaren bilerara Osakidetzak ekarritako eskaintza ez da nahikoa eta aurreko batzarrean aurkeztu zigunaren oso antzekoa, gainera. Osakidetzako sindikatu guztiok ezarritako gutxienekoetatik oso urrun: 2016 urtera arte bi EPE proposatzen ditu, guztira 2014 plaza inguru –kontuan hartu behar dugu plazen erdia barne-promoziorako direla-; ordezkapenak 7. egunetik , salbuespen batzuk izan ezik; ez du aurreikusten jardunaldia murriztea, ezta lapurturiko lizentziak bueltatzea ere; eta azkenik, ez du zehazten garapen profesionalaren gaineko puntua.

Bestaldetik, negoziazio proposamenean Osakidetzako hauteskunde esparruei buruzkoa gaia sartu dute, zerikusirik ez daukana negoziazioarekin eta hautsak harrotzea baino bilatzen ez duena.

Izan ere, gaurko proposamenarekin Osakidetzak enplegu suntsiketa, prekarizazio eta kalitatearen galeraren aldeko apustu gardena egiten du. Bestaldetik, milaka eta mila langileoi gure oinarrizko eskubideak ezeztatzen dizkigute, negoziazio kolektiboarena kasu. Hori dela eta, LABek Lan Baldintzen Akordio berria negoziatzeko egutegi serioa exijitu diogu Osakidetzako zuzendaritzari, azken akordioa 2007an negoziatu baitzen.

PNVk Madrilek inposaturiko mugak erabiltzen ditu aitzakia moduan. Baina hau ez da egia. Borondate politikoa izanez gero, aurrera egiteko tarterik badago. Baina kasuon ez dago borondaterik, azken finean PNVk dauka PP-k berak zerbitzu publikoen gainetik daukan ikuspuntu bera.

Beraz, ez dago akordiorik Osakidetzan eta mobilizazioekin aurrera jarraituko dugu; ezin dugu onartu Osakidetza 5. mailako osasun zerbitzu publiko bihurtzea osasun pribatuan bultzatzen duten bitartean, patrikak ederto betetzeko helburu.
  

 

 

Oarso-Bidasoako Karta soziala martxan da

admin
-
0
Oarso-Bidasoako Karta soziala martxan da

Otsailaren 10ean burututako aurkezpenarekin ekin diote Oarso-Bidasoan eskubideak eskuratzen joateko bideari. 30 lagun inguru bildu ziren, eta sarrera gisa Kartaren aurkezpentxo bat eginzen, eztabaida prozesuaren nondik norakoak azalduz eta Kartak jaso duena aurkeztuz. Helburua Karta ezagutzera ematea zen, baina bertan jasotzen diren eskubideak eskuratzeko martxan jartzeko konpromezuak ere azaldu ziren. Horregatik, otsailerako beste 4 saioko jardunaldiak antolatu dituzte.

Ondorengo 4 saioetan eskubide ekonomikoak, elikadura burujabetza, hezkuntza eskubideak eta etxebizitza eskubidea landuko dituzte.

Teoriatik praktikara pasatzea da asmoa, ekintza txikien bidez gauza handiak egitea. Horregatik, jardunaldi hauek lurrean kokatu asmoz “In-transition” dokumentala ikusi zuten gerora  eztabaidara pasatzeko. Dokumentalean, herrialde ezberdinetan egindako praktikak agertzen dira, hala nola baratza sozialak, denboraren bankua, tokiko moneta… Oarso-Bidasoa eskualdean eraldaketa sozialerako oinarriak jartzen hasi nahi dute eta "horretara goaz!"

Saio bakoitzean gaiari loturiko praktika ezberdinak aztertuko dituzte eta noski, eskualdeko harremanak estutzeko bidea jorratuko dute, "elkarrekin gauza handiak egin ditzazkegula sinetsita".

Mobilizazio sozialaren garrantzia ere ez zuten ahaztu nahi izan aurkezpenean eta horrela  martxoaren 14ean Bilbon dugun zita garrantzitsua gogoratu zuten.
 

 

 

Pentsiodunek eskubide sozialen alde kalera irteteko deia egin dute

admin
-
0
Pentsiodunek eskubide sozialen alde kalera irteteko deia egin dute

Euskal Herriko Pentsiodunen Plataformak manifestazioa deitu du datorren otsailaren 25erako pentsio duinen alde, kopagorean aurka eta ondo adintzeko autonomia pertsonala eskatzeko. Mobilizazioa Bilbon izango eguerdiko 12:00etan eta Plaza Zirkularretik emango zaio hasiera. Aurretik pentsiodunek asanblada egingo dute egungo egoera eta Euskal Herriko Karta Sozialaren osaketa eta lanketan egindako lana aztertzeko.

Batzarra 10:00etan Unamuno institutuko areto nagusian (Licenciado Poza kalea, 1) izango da eta manifestazioa, esan bezala, plaza Zirkularrean hasiko da eguerdiko 12:00etan.

 

 

 

Gurutzetako ospitaleko zuzendaritzak askatasun sindikalaren kontra jo du

admin
-
0
Gurutzetako ospitaleko zuzendaritzak askatasun sindikalaren kontra jo du

Gurutzetako Zuzendaritzak Osakidetzako sindikatuok, martxan ipini dugun mobilizazio fase berriaren barruan, ipintzen ari garen kartelak berehala kentzeko agindua luzatu dio garbiketaz arduratzen den enpresari. Kartel hauetan Jon Darpon Kontseilariaren paradioa bat egiten da, “berak egin dezala korrika” lemapean burutzen ari garen kalitatezko astearen testuinguruan. Antza denez, kartelak kentzeko ordena beste zentro batzuetan ere emanda dago.

LABen iritziz, honako jarrera adierazpen zein sindikal askatasunen kontrako eraso zuzena da. Izan ere, Galdako-Usansoloko ospitalean kartelak gure tabloietatik ere kendu egin dituzte. Darpon jaunak langileon ordezkarien kontra aritu eta Osakidetzako langileok ez daukagula kexatzeko arrazoirik publikoki errepikatzen duen bitartean, langileok ezin omen dugu gure iritzia azaldu lan-zentroetan. Kartel soil batek hainbesteraino urduritzen al ditu?

LABek kartelak errespetatzeko eta Osakidetzako Zuzendariak gertatutakoaren gaineko azalpen publikoa eman ditzala eskatzen diogu Osakidetzari. Gure ahotsa isildu nahian ibili beharrean, hobe lukete biharko Mahai sektorialera negoziatzeko proposamen serio ekarriko balute eta zentroetako arazo larriak konpondu: adibidez, Basurtoko ospitaleko larrialdietan pairatzen ari den kolapso lotsagarria.
 

 

 

Martxoak 3ko langileen borrokaren oroimena gogoan

admin
-
0
Martxoak 3ko langileen borrokaren oroimena gogoan

LAB, ELA, ESK eta Stee-eilas sindikatuok «Jendartearen aldaketa "Karta Soziala"» lelopean Martxoak 3ko langileen borroka gogora ekarriko dugu Gasteizen. Omenaldia arratsaldeko 19:30etan izango da eta ondoren manifestazioa burutuko dugu.

{linkr:related;keywords:martxoak+3;exclude:3116,3103,1764,596,151;limit:5;title:Albiste+gehiago}

 

 

Durangoko Tabirako eta Landakoko tabernen itxieraren aurrean mobilizazioak

admin
-
0

Tabirako eta Landakoko tabernen itxieraren aurrean eta erabaki hauek dakartzaten lanpostuen suntsiketa salatzeko, LABek elkarretaratzea egingo du bihar, hilak 19, Durangoko Udaletxearen aurrean. Egoera honetan egotearen arduradunak Dendak Bai (Durangoko merkatari elkartea) eta Durangoko udaletxea dira sindikatuarentzat, egindako kudeaketa txarraren ondorioa.

LAB denuncia la situación que atraviesan los y las trabajadoras de los bares de las piscinas de Landako y Tabira

LAB denuncia la situación insostenible creada por el Ayuntamiento de Durango y la asociacion de comerciantes de Durango, Dendak Bai, en la adjuducación de la explotación de los bares de las piscinas de Landako y Tabira. La situación creada, permitida y consentida por el ayuntamiento de Durango, ha llevado al desgaste de los y las trabajadoras, creándoles situaciones de estrés y tensiones difíciles de asumir. En los últimos meses ha habido despidos, se adeudan salarios y al final una situación de cierre del negocio antes de tiempo.

Ante la situación insostenible creada por el Ayuntamiento de Durango y Dendak Bai (Asociación de comerciantes de Durango) LAB quiere denuncia esta situación.

Llevamos casi dos meses denunciando la situación creada por el gerente de Dendak Bai en la adjudicación de la explotación de los bares de las piscinas de Landako y Tabira que el Ayuntamiento dio a dedo a esta asociación.

La situación creada, permitida y consentida por el ayuntamiento de Durango, ha llevado al desgaste de los propios trabajadores, creándoles situaciones de estrés y tensiones difíciles de asumir. En los últimos meses ha habido despidos, se adeudan salarios y al final una situación de cierre del negocio antes de tiempo.

• Desde el Ayuntamiento alguien nos puede decir ¿que esta sucediendo o que a sucedido?

• ¿Porque una asociación se mete a gestionar una licitación publica de carácter social mediante una empresa de inserción social y carente de licencia?

• ¿Por que el El equipo de gobierno adjudica a dedo la explotación de estos bienes públicos?

• ¿Por que el Ayuntamiento no da la cara y no se reúne con quien se lo solicita.?

• ¿Por que se adjudica a dedo algo que tiene que ser mediante concurso publico?

• ¿Quien ha salido beneficiado de todo este asunto?

• ¿Quien es el verdadero responsable de todo este problema?


Son muchas las incógnitas que nos surgen y que al final, pagan los mismos de siempre, los trabajadores y trabajadoras de una empresa de inserción social. Ellos son los que se han quedado en la calle, sin cobrar los salarios y en una difícil situación

La adjudicación del servicio de explotación de los bares de las piscinas de Tabira y Landako se presupone que es para ayudar a parte de la sociedad, personas que necesiten trabajar con unas cualidades especificas. LAB entiende que no esta para que se haga negocio, que no esta para sacar rentabilidad a costa de otros, que no esta para que se destruya empleo, ¿Donde esta el equipo de gobierno del ayuntamiento de Durango con su alcaldesa a la cabeza mientras todo esto sucede en el ámbito publico?

En Diciembre del 2014, LAB solicito formalmente una reunión a la alcaldesa de la que todavía estamos esperando respuesta. Hace 15 días en el pleno EH Bildu pregunto por esta situación y la alcaldesa respondió que en breve se reuniría con LAB. Hoy es el día que nos tenemos que enterar por los trabajadores y trabajadoras que Dendak Bai (Asociación de comerciantes de Durango) deja la explotación, la cual se cierra a partir del domingo día 15 de Febrero del 2015.

Señora alcaldesa a que espera para hablar con los representantes de los trabajadores? ¿Esta es la manera que tiene este Equipo de gobierno de tratar a unos trabajadores de una empresa de inserción social? Baje del pedestal que no somos sus súbditos y asuma sus responsabilidades que como responsable directo de la explotación tiene el ayuntamiento de Durango.

 

 

 

Pobrezia energetikoa ikastetxetan

admin
-
0

Zero gradutako tenperatura markatu duen neguko denboraldia jasan berri dugun honetan, eta oraindik negua amaitzeke dugula, LAB irakaskuntzak ezagutarazi nahi du ikastetxe batzuetan jasaten ari diren egoera kezkagarriak. Hezkuntza Sailaren ikastetxe batzuetatik jakinarazi digutenez, geletan hotz zeudelako, tenperaturak ikuskatzeko eskaerak egin dituztela.

Eskaerok Hezkuntza Sailaren prebentzio zerbitzura igorri ziren; aipatu zerbitzuak, ondoren, eskualdeko teknikaria bidali zuen salatutako gabeziak ebalua zitzan. 486/1997 Dekretuak, lantokietan bete behar diren gutxieneko segurtasun eta osasun xedapenak ezartzen ditu, haren 3. eranskinean honako hau dio: “egoneko lanak egiten diren aretoetako tenperatura 17 eta 27 gradu bitartean egongo da”. Eragindako ikastetxeetan, bi asteko epe batean, tenperaturen laginketak jaso ziren, eta irregulartasunak antzematean, haiek zuzenduko lituzketen neurriak proposatuko ziren. Hau guztiak ohikotzat jo dezakegu.

Dena den, ikaragarri kezkatzen gaitu, aipatu kontrolak egin ondoren, ikastetxe horietako batzuetan, asko jota, tenperatura 18 graduetara bakarrik iristen dela. Adierazten den tenperaturara berogailua ordu batzuk piztu ondoren heltzen da, eta laginketa arratsaldeko hiruretan adierazten den tenperaturari dagokio, ikastetxetik joateko ordubete eskas geratzen denean. Tenperatura hotz hauek elur denboraldiari egotz geniezaioke. Baina ez, tenperatura otsailaren 9a eta 13aren artean hartu zen, tenperaturak lehengoratzen ari zirenekoak.

LABen aburuz, hau pobrezia energetikoa izenda daiteke. Beharbada, hau konpon liteke berogailua goizago piztuz; agian, horrela, aurre egin geniezaioke irakasleak eta ikasleak hotzak egoteari. Ea behingoan uzten dioten murrizketak ezartzeari eta guztion osasunean pentsatzen duten. Eusko Jaurlaritzak neguko egitasmoari ekiteko sortu duen mahaiak, non Hezkuntza Sailak aurrenekoz parte hartu duen, kontuan izan beharko luke aipatu neurria? Udalekin koordinatu beharko luke hau ezar dadin?
 

 

 
1...1,1421,1431,144...1,583Page 1,143 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus