2025-02-15
HomeOsasungintzaOsasungintzaOsasungintzaren pribatizazioaren kontrako borroka aztertzeko jardunaldia Donostian

Osasungintzaren pribatizazioaren kontrako borroka aztertzeko jardunaldia Donostian

Osasungintzaren Publikoaren defentsan herri-mobilizazioak duen garrantzia azaltzeko jardunaldia antolatu du Ipar Hegoa Fundazioak datorren azaroaren 21ean. Jardunaldian Nines Maestro eta Toño Martín, CASeko kideak (Coordinadora Anti-privatización de la Sanidad pública de Madrid), Madrilgo osasungintza publikoaren pribatizazioaren kontrako herri-mobilizazioen esperientzia aurkeztuko dute.

Jardunaldia azaroaren 21ean izango da Donostiako Gipuzkoako Medikuen Elkargoan (Frantzia Pasealekua 12), goizeko 10:00etan.

JARDUNALDIAREN HIZLARIAK

Nines Maestro
Madrilgo Erkidegoko osasungintza publikoan espezialista eta CASeko kidea (Madrilgo osasungintza publikoaren pribatizazioaren kontrako koordinadora).

Toño Martín
Madrilgo Erkidegoko familia-medikua eta CASeko kidea.

Osasungintza publikoko profesional talde batek, erabiltzaile eta auzotarrek, eta dirulaguntzarik jasotzen ez duten erakunde sindikal eta sozialek Madrilgo Osasungintzaren Pribatizazioaren kontrako Koordinadora sortu zuten 2004an, osasun-sistema publikoaren alde indarrak bildu eta antolatzeko helburuarekin.

Ordutik hona borroka ezberdinak aktibatzen joan dira Madrilgo erkidegoan PPk martxan jarritako pribatizazio-prozesuen kontra. Hauxe izan da egun milaka pertsona mobilizatzen dituen “marea zuriaren” ernamuina.

Nines Maestro zein Toño Martin mugimendu honen sortzaile eta inspiratzaile izan dira eta euren esperientzia eta ikuspegia eskeini diezazkigukete egungo egoeraren inguruan, Madrilgo sei ospitaletan kudeaketa pribatua ezartzeko ahaleginaren judizializazioaren ondoren.
  

LAB sarean
{module[111]}

       

AZKEN ALBISTEAK | ÚLTIMAS NOTICIAS

LABek mobilizazioak egin ditu zazpi ospitaletan Osakidetzako kontratazio-zerrendak eguneratzea eskatzeko

Sindikatuak mobilizazioak egin ditu Galdakao, Urduliz, Gurutzeta, Basurto, Donostia, Txagorritxu eta Santiagoko ospitaleetan salatzeko Osakidetzako zuzendaritzak urtebete baino gehiago daramala aldi baterako kontratazio-zerrendak eguneratu gabe, egungo kontratazio-protokoloa bete gabe.

ENVISER-eko langileen mobilizazioak Gasteizko Udaleko lorezainentzako hitzarmen propioaren alde

ENVISER-eko langileek mobilizazio-dinamika bati hasiera eman zioten atzo, Gasteizko Udalaren azpikontratako lorezainentzat hitzarmen propioa aldarrikatzearen alde.

LABek ez du onartzen Ertzaintzak indarkeria matxistaren inguruko formakuntza ematea Lurraldebus-en

Gipuzkoako Mugikortasun Diputatuak Ertzaintzak Lurraldebuseko gidariak indarkeria matxistaren inguruan formakuntza emango diela iragartzearen inguruan honakoa adierazi eta salatu nahi du LABek.