ELA, LAB eta CCOOk, kirol instalakuntza publikoen sektorean hitzarmen sektorialaren alde, kiroldegietan eta udaletxeen aurrean egingo diren mobilizazioetara deitu dituzte langileak.
ELA-LAB-CCOO
Gipuzkoako kirol instalakuntza publikoen lan hitzarmenaren indarraldia 2012ko abenduaren 31n bukatu zen. Azken hilabeteetan ezinezkoa izan da negoziaketan aurrerapausoak ematea eta patronalak idatzi baten bitartez jakinarazi zuen azaroaren 4an ospatu behar zen negoziazio bilerara ez zela azalduko, negoziaketa bertan behera utziz.
Gipuzkoako Udalak azpikontratatutako sektorea da honakoa eta hauek dira, hain zuzen ere, hitzartutako hitzarmen kolektiboaren aplikazioa eta subrogaziorako eskubidea bermatu behar dutenak.
ELA, LAB eta CCOOk adostutako mobilizazioen bitartez, bai enpresei eta bai udaletxeei dei egiten diegu babes gabeko egoera honen aurrean hitzartutako soluzioa aurki dezaten, 2013ko abenduaren 31n hitzarmenaren ultraktibitate legala bukatu daiteke eta.
2013ko azaroaren 20an kiroldegietako langileak beraien lan zentroetan elkartaratuko dira hitzarmenaren defentsan eta azaroaren 22an udaletxeen parean, zerbitzuaren arduradun direnez, inplikazioa eskatuz. Abendutik aurrera egoera berdin jarraitzen badu, mobilizazioak gogortu egingo dira.
{module[111]}