Estatuak Baionako Herriko Etxeari 50.000 euroko isuna jarri zion 2022ko abenduan, bere zerbitzuetako zuzendaritza-postuetan emazterik ez egoteagatik. Erakunde publiko honek, emazteak erantzukizuneko postuetan integratzeko...

Zaintza krisiaren ondorioak geroz eta agerikoagoak dira, eta ikusarazten ari da sistemaren gabeziak eta hutsegiteak; sistema hau ez da gai bizitzak sustengatzeko inor zapaldu gabe. Zalantzarik gabe esan dezakegu zaintzen egungo antolaketa soziala jasangaitza dela.

Gizon eta emakumeen* arteko soldata arrakalaren kontrako egunean, mobilizazioak egin ditugu Bilbon, Jaurlaritzatik Confebask patronalaren egoitzaraino, eta Iruñean, Parlamentuaren aurrean “Lan berdina, soldata (des)berdina” lemarekin. Bilbon, 9 minutuz blokeatu dugu Confebask-en sarrera, soldata arrakala %90eraino iristen dela salatzeko. Iruñean, pankarta bat zintzilikatu dugu.

Gazte Euskaltzaleen Sareak Ikamarekin eta unibertsitateko euskara taldeekin batera deituta, manifestazioak egingo dira hilabete barru Bilbon, Gasteizen, Iruñean eta Donostian, Euskal Herrian hezkuntza euskalduna aldarrikatzeko asmoz. Bada, LAB sindikatuak deialdiarekin bat egin du, eta gaur atxikimendu hori erakutsi dugu beste hainbat eragilerekin batera egindako agerraldian.

Gipuzkoako Foru Aldundiaren Uliazpi Fundazioan hamalau zaintzaile plaza betetzeko oposizioetan euskara eskatzea zilegi dela zioen Donostiako Administrazioarekiko Auzien 3. Epaitegiaren ebazpenari CCOOk jarritako helegitea onartu du EAEko Auzitegi Nagusiak. Lehen instantzian Donostiako Epaitegiak ebatzi zuen EAEn euskara hizkuntza koofiziala izanik berau erabiltzeko herritarrek duten eskubidea bermatzeko langile publikoei euskara eskatzea zilegi dela.

Hemen da Euskaraldia. LABek arduraz, gogoz eta emozioz ekin dio ariketari. Sindikatuan ere lan munduan hizkuntzarekin ditugun inertziak astindu nahi ditugu eta etxe barruko prozesuetan eta lan munduan euskararen erabilera areagotzeko ahalegin kolektiboa egingo dugu.

Zipren da Igor Arroyo LABeko Koordinatzaile Orokorra, eta gaur bilera egin du Pambis Kyritsis Munduko Sindikatuen Federazioko idazkari nagusiarekin. Kyritsis 2022ko maiatzean eginiko 18. Kongresuan aukeratu zuten Munduko Sindikatuen Federazioko idazkari nagusi.

Kide garen Munduko Sindikatuen Federazioko Europako bulegoak lan saioa antolatu du Bilboko Bizkaia Aretoan, "Grebarako eskubidea erasopean Europan" goiburupean. Bertan, hainbat herrialdetako ordezkariek hartu dute parte, hala nola Austria, Herrialde Katalanak, Galiza, Portugal, Italia, Zipre eta Grezia.

Bihar, otsailaren 15ean, betetzen dira 24 urte Abdullah Ocalan, Kurdistango Langileen Alderdiko (PKK) liderra atxilotu zutenetik. Ordutik kartzelan dago eta LAB, CCOO, ELA, ESK, STEILAS eta UGT sindikatuok manifestua plazaratu dugu bere eta gainerako preso politiko kurduen askatasuna eta, besteak beste, gatazkari irtenbide demokratiko bat bermatuko dion bake prozesu bat eskatzeko.

2000ko hamarkadaren hasieratik abian dagoen laneko ezbeharren inguruko akordio intersindikalak bere horretan jarraitzen du. Berriki ELAk jakinarazi du bere burua akordiotik kanpo kokatzen duela eta bide berri bat arakatuko omen duela, oraindik ezagutzen ez duguna.

LAB, FSU, CGT Eraikuntza eta Solidaires Euskal Herria sindikatuek eta 22 Bergeret Biztanleen kolektiboak deituta, omenaldia egin diogu gaur eguerdian duela urtebete lanean zendutako Mohamed Kichouiri. Kidea gogoan izateaz gain, halako ezbeharrekin behin betiko bukatzeko ordua dela azpimarratu dugu ekitaldian.

Ipar Euskal Herrian ere, odol isuriak ez du etenik. Larunbatean langile bat hil zen Baionan eta beste bat zauritu zen altuerako erorketa baten ondorioz. Atzo, berriz, Ziburuko 27 urteko M.D. langilea Landetan hil zen enpresa batean azpikontrata bezala lanean ziharduela, arrisku handikojarduera batean. 2023 honetan Ipar Euskal Herrian lan istripuz gertatutako 3. heriotza da azken hori, eta 11. nazio mailan.