2024-06-25
HomeZerbitzu PublikoakOsasungintzaOsakidetzak mahai sektoriala deitzeri uko egin diola salatu dute sindikatuek

Osakidetzak mahai sektoriala deitzeri uko egin diola salatu dute sindikatuek

Duela ia bi hilabete Osakidetzako Zuzendaritzari Mahaia Sektoriala deitzeko eskatu arren, oraindik zai daudela salatu dute sindikatuek.

Sindikatuen irakurketa (SATSE, ELA, LAB, SME, FFHE, CCOO, UGT eta ESK)

OSAKIDETZAK MAHAI SEKTORIALA DEITZEARI UKO EGIN DIO 

Osakidetzako ordezkariek sindikatuekin negoziatzeko borondatea dutela non- nahi zabaldu arren eta sindikatuok orain ia bi hilabete Zuzendaritzari Mahai Sektoriala deitzeko eskatu arren, oraindik ez gaituzte deitu. 

2014ko ekainaren 3an Mahai Sektorialean ordezkaritza dugun sindikatu guztiok Mahai Sektoriala deitzeko eskatu genuen. Ia bi hilabete igaro ondoren Osakidetzak oraindik ere sindikatuak deitu gabe jarraitzen du eta ez du negoziaketarako inolako proposamenik burutu. 

Osakidetzak erakusten duen interes falta ikusita sindikatuok deitu dugu Zuzendaritza Mahai Sektorialera. Lotsagarria da Osakidetzak Mahai deialdirik ez burutzea, sindikatu guztiok aho-batez eskatuta ere. Egoera honek erakusten du bere benetako negoziaketa borondatea. 

Osakidetzaren itxikeriaren aurrean sindikatuok ekainaren 26an manifestazioa deitu genuen, bertan 5.000 pertsonek parte hartu zuten. Hala ere, Osakidetzak enplegua sortzeko, berau egonkortzeko eta 2011ko Garapen Profesionaleko deialdiak berehala ordaintzeko proposamenik egin gabe jarraitzen du. Horregatik, langileon ordezkariok mobilizazio egutegiarekin aurrera jarraitzeko gure borondatea berresten dugu, aurten 34 orduko greba deialdia burutzea barne. 

Era berean, Osakidetzako Zuzendaritzak guztion diruarekin ordaindutako propaganda kanpaina eta Osasun Sailburuak udako murrizketen harira egindako burlen aurrean gure haserrea azaldu nahi dugu. Zuzendaritza honek ez ditu langileak ordezkatzen, udan oheen ia laurdena ixten du, hainbat zerbitzuren kolapsoa eragin du, ospitaleetako larrialdiak barne, itxaron zerrendak handitu ditu edo zerbitzuak pribatizatzen ari da, eta erabaki hauek guztiak propagandarekin estali nahi ditu. 

Honengatik guztiarengatik, Osakidetzari negoziatzera eser dadin eta bai lan-baldintzak bai osasun zerbitzu publikoa hobe ditzan dei egiten diogu. Horrez gain, langileei antolatuko ditugun mobilizazioetan parte hartzera deitzen ditugu. Gure eskuetan dago kalitatezko osasun publikoa mantentzea. 
  

 

 

AZKEN ALBISTEAK | ĂšLTIMAS NOTICIAS

Ilundain gizarteratze eta laneratze enpresarekin adostu dugu bigarren hitzarmenak erosteko ahalmena bermatzea eta atxikimendu sozioafektiboa barne hartzea

Hilabete batzuetako negoziazioen ondoren, LAB sindikatuan —ordezkaritza sindikal osoa baitugu— akordioa lortu dugu Nafarroako Ilundain gizarteratze eta laneratze enpresarekin, bere bigarren hitzarmena sinatzeko. Hitzarmen horrek nabarmen hobetzen du aurrekoa, soldata taula osoan KPIaren igoera ziurtatzen du, eta, lehenbiziko aldiz, aukera ematen du langile bakoitzak ordaindutako baimenak lor ditzan ahaidetasunik gabeko pertsonen zaintzarako.

Zerbitzu publikoak indartzeko hitzetatik ekintzetara pasatzeko eskatu diegu EAEko erakunde eta alderdiei

Sindikatuok elkarretaratzea egin dugu gaur Espainiako Gobernuak Gasteizen duen ordezkariordetzaren aurrean, enplegua eta langile publikoen soldatak hemen erabakitzea aldarrikatzeko.

Duela hamar urte eroritako Nafarroako Industria Grafikoaren hitzarmen kolektiboa berreskuratzearen alde gaude

Gaur goizean Iruñean eman dugun prentsaurrekoan azaldu dugu Nafarroako Industria Grafikoaren hitzarmena 2014an erori zela, eta ordutik sektoreko langileen lan baldintzek nabarmen egin dutela okerrera. LABen uste dugu badela garaia tresna hura berreskuratzeko eta langileen baldintzak duintzeko; horregatik, udaren bueltan sektoreko intersindikala deituko dugu.