2024-06-25
HomeEkintza SindikalaEroslea bat hala beste izan Fagor Etxetresnak enpresan negoziazio kolektiboaren erreformari mugak...

Eroslea bat hala beste izan Fagor Etxetresnak enpresan negoziazio kolektiboaren erreformari mugak jartzen dizkioten akordioak lortu behar direla adierazi du LABek


Fagor Etxetresnak enpresaren salmentaren inguruan LABen iritzia

CEVITAL zein CATA enpresen eskaintzen aurrean, inoren alde egin gabe, prozesu guztian zehar LABen eskaera berbera izan da: Besterentzako lana egiten dutenen eta orain arte bazkide izan direnen enpleguaren aldeko konpromiso sendo eta eraginkorra, Euskal Herrian jarduera produktiboa mantentzea eta lan baldintzak arautuko dituen akordio bat egitea ordezkaritza sindikalarekin.

Eskaintzak baloratzerakoan parametro hori hartu dugu kontuan, interes partikularrez haratago, beharrezkoa baita Euskal Herrian produkzio ahalmena eta enplegua bermatzeko, lantoki guztiak irekitzea ahalbideratuz. LABek (beste sindikatuekin batera) akordioak erdietsi ditu lan baldintzen inguruan CEVITAL eta CATArekin, negoziazio kolektiboaren erreformari mugak jartzen dizkioten akordioak, eta hauek bere osotasunean bete behar dira.

Hau esanda, Fagor Etxetresnaken itxierak arrazoia ematen digu 2 zentzutan, euskal produkzio sarearen inguruan:

Fagor Etxetresnak-ek, itxi diren hainbat enpresak bezala, aurrera egiteko aukera zuen, eskaintzak erakutsi dutelako enpresaren bideragarritasuna posible zela.

Euskal Instituzioak ez dira egoerak eskatzen duen erantzunkizunez aritu, eta gure lehen prentsa oharrean esaten genuen bezala Herri porrot baten erakusgarri da bere sinbolismoagatik.

Administrazio publikoak ezin dira autokritika sakon bat egin gabe geratu. Behin eta berriz salatu dugu kapital finantzieroari botere guztia ematen dioten politikak, irabaziak lehenesten dituztenak, egiteak ondorio larriak dakartzala gizarte, ekonomia eta langileriarentzat.

Kalitatezko enpleguaren aldeko apustua berresten dugu gure sare produktiboa garatu ahal izateko, eta sektore publikoak gure eredu sozio-produktiboa bermoldatzeko paper aktiboagoa hartzea eskatzen dugu. Hori egungo instituzioen erronka garrantzitsua da.

Benetako politika industriala eta berrikuntzakoa garatzeko euskal instituzioei proiektu propio bat proposatzeko eskatzen diegu, estrukturala den krisi honi aurre egiteko.

Ezin dugu itxaroten jarraitu, EAEko Gobernuak egiten duen moduan, iniziatiba pribatuak gure arazoak konpontzeko. Inbertsio publiko zuzena, gizarte ordezkaritza eta sindikatuekin adostua bultzatzeko plana behar dugu. Zeren zain daude?

Egun hauetan kezka handiz ikusten ari gara Kutxabank moduko ezinbesteko tresna finantzieroa pribatizatzen ari direla, Espainiar Estatuan erabakitzen duten berberen interesen arabera, EAE eta Nafarroako Gobernuen, bankaren eta espekulatzaileen bidez. Euskal finantza sistema publikoa beharrezkoa da Fagorren moduko egoerak ez errepikatzeko. Baina PNV, PP eta PSOE ahal dutena egiten ari dira hori ekiditeko.

Azkenik, azken hilabeteetan lanpostuen alde borrokan aritu diren langileak zoriondu nahi ditugu, neurri handi baten euren ekimenez lortu baita lortu den guztia. Aurrerantzean ere lortuko dena langileen borrokarako gaitasunaren araberakoa izango da.
 

 

 

AZKEN ALBISTEAK | ĂšLTIMAS NOTICIAS

Ilundain gizarteratze eta laneratze enpresarekin adostu dugu bigarren hitzarmenak erosteko ahalmena bermatzea eta atxikimendu sozioafektiboa barne hartzea

Hilabete batzuetako negoziazioen ondoren, LAB sindikatuan —ordezkaritza sindikal osoa baitugu— akordioa lortu dugu Nafarroako Ilundain gizarteratze eta laneratze enpresarekin, bere bigarren hitzarmena sinatzeko. Hitzarmen horrek nabarmen hobetzen du aurrekoa, soldata taula osoan KPIaren igoera ziurtatzen du, eta, lehenbiziko aldiz, aukera ematen du langile bakoitzak ordaindutako baimenak lor ditzan ahaidetasunik gabeko pertsonen zaintzarako.

Zerbitzu publikoak indartzeko hitzetatik ekintzetara pasatzeko eskatu diegu EAEko erakunde eta alderdiei

Sindikatuok elkarretaratzea egin dugu gaur Espainiako Gobernuak Gasteizen duen ordezkariordetzaren aurrean, enplegua eta langile publikoen soldatak hemen erabakitzea aldarrikatzeko.

Duela hamar urte eroritako Nafarroako Industria Grafikoaren hitzarmen kolektiboa berreskuratzearen alde gaude

Gaur goizean Iruñean eman dugun prentsaurrekoan azaldu dugu Nafarroako Industria Grafikoaren hitzarmena 2014an erori zela, eta ordutik sektoreko langileen lan baldintzek nabarmen egin dutela okerrera. LABen uste dugu badela garaia tresna hura berreskuratzeko eta langileen baldintzak duintzeko; horregatik, udaren bueltan sektoreko intersindikala deituko dugu.