2024-05-28
HomeZerbitzu PublikoakOsasungintzaBizkaiko Osasun Mentaleko langileak Osakidetzaren aurrean azaldu dira ohe itxiera salatzeko eta...

Bizkaiko Osasun Mentaleko langileak Osakidetzaren aurrean azaldu dira ohe itxiera salatzeko eta zerbitzu publikoaren defentsan

Bizkaiko Osasun Mentaleko langileek aurrera jarraitzen dute abiaturiko mobilizazioekin. Osasun mentaleko egoera penagarria salatu nahi dute: Osakidetza ospitaleak desmantelatzen ari da (Zaldibarkoa da adibiderik argiena) eta zentroetako egoera gero eta prekariagoa da.

Ez da baztertzen hainbat zerbitzu pribatizatzeko helburua, adibidez ospitaleetatik ateratako hainbat erabiltzaile mini-residentzietara bidaltzea, zeinak pribatuak diren noski (negozioa). Gainera, burutzen ari diren aldaketa guztien gainetik ez dago inolako informazioarik eta langile zein sindikatuoi bizkar emanda eramaten ari dira aurrera.

Egoera ez bada aldatzen, mobilizazio egutegiak aurrera jarraituko du.
 

 

 

AZKEN ALBISTEAK | ƚLTIMAS NOTICIAS

Indarkeria matxista lantokietako prebentzio planetan sartzeko eskatu dugu

Lan Osasuneko ebaluazioetan arrisku bezala identifikatu eta landua izan dadin, Osalan zein NOPLOIra eramango dugu proposamena.

CCC: 85 urteetako bilakaera zaborretara eta, ondorioz, 50 langile kalera

Urrutiko formakuntza eskaintzen duen CCC Donostia enpresan haserrea agerikoa da. Duela hiru urte, 1939an Donostian sortu eta 85 urteetan zehar Gipuzkoan errotuta egon den gure enpresa Grupo Crescendo deituriko inbertsio-funtsak xurgatu zuen. Geroztik, Donostiako lan-zentroaren hustutzea bizi izan dugu, oinarrizko sailak (ikasleari arreta, informatika, kontabilitatea, marketing-a eta arlo komertziala) Madrilera eraman baitituzte: 2020an bertan lan-zentro bat ireki zuten; hori bai, Donostiako CCC-ko lan esperientzia baliatuz eta irabaziak lortuz, hemen gauzatzen genituen gestioei esker.

Bizkaiko ostalaritzan akordioa #LortuDugu: erronda hau beraien kontu!

Soldatak desizozteaz gain, sektoreko urraketak, iruzurrak eta gehiegikeriak oztopatzen dituen akordioa lortu du LABek. Sektore gutxitan gertatzen dira honetan adina irregulartasun eta iruzur; hori dela eta, hitzarmena baldintzak erregularizatzeko tresna izan behar da, eta hori izan da bere lehentasuna negoziazio honetan.