2024-03-04
HomeEkintza SindikalaOrkoiengo kiroldegian akordio ezin hobea #LortuDugu, Nafarroako Kirol Kudeaketako greba mugagabea hasi...

Orkoiengo kiroldegian akordio ezin hobea #LortuDugu, Nafarroako Kirol Kudeaketako greba mugagabea hasi baino ordu batzuk lehenago

Nafarroa Garaiko Kirol Kudeaketa sektoreko greba mugagabea hasi baino ordu batzuk lehenago, LAB sindikatuko langileen ordezkariek, plantilla osoaren bermearekin, oso akordio ona lortu dute Iturgain enpresa publikoaren zuzendaritzarekin; Iturgainek Orkoiengo kiroldegia kudeatzen du. Akordio horrek, besteak beste, KPIren gaineko soldata igoerak ziurtatzen ditu.

Akordio horren bidez, sektoreko aldarrikapen guztiak lortu dira: soldaten igoera KPIaren gainetik, urteko lanaldia 16 ordu murriztea eta bajen osagarria, gaixotasun arruntagatik edo lanagatik, %100 izatea. Gainera, lanaldi partzialeko langileen lanpostu hutsak arautzeko eta beste lan gai batzuk hobetzeko konpromisoa ere hartu da, sektorea hobetuko duen enpresa hitzarmen bat sinatuz.

LAB sindikatutik berretsi egiten dugu Kirol Kudeaketaren sektoreko greba mugagabearen deialdia. Gaur hasiko da, urriaren 18an. Izan ere, Orkoienen hobekuntzak lortu ahal izan badira, hori izan da bertako langileek grebarekin bat egiteko erakutsi duten asmo irmoarengatik. Gainontzeko kiroldegietan ere posible izanen da.

Hori dela eta, sektoreko langile guztiei dei egiten diegu greba has dezaten behar den jarrera eta indarrarekin, sektoreko patronalak langileak prekarizatzeari utzi eta hitzarmen kolektibo duina sinatu arte.

AZKEN ALBISTEAK | ĂšLTIMAS NOTICIAS

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.

Ertzaintzak Gasteizko Martxoaren 3ko manifestazioan egindako karga bortitza salatzen dugu

LAB, ELA, ESK eta STEILAS sindikatuok eta Martxoak 3 elkarteak salatu nahi dugu ERTZAINTZAk karga polizial bortitz ikaragarria egin duela, zauritu asko utziz eta hainbait persona atxilotu dituela, gutxienez 3, ditugun datuen arabera. Manifestazioan, urtero bezala, adin guztietako milaka eta milaka pertsonak zeharkatu dituzte Gasteizko kaleak, duela 48 urte Espainiako Poliziak egindako sarraskia gogoratuz, Egia, Justizia eta Erreparazioa exijituz, eta pertsona guztientzako etorkizun justua aldarrikatuz.

Erakunde publikoen inplikazio aktiboa funtsezkoa da Mecanerrek etorkizuna izan dezan

Atzo, ehunka pertsonek manifestazioa egin zuten Urdulizen, Stellantisek Mecaner ixteko asmoa erakutsi eta 6 hilabetetara. Bide latza izaten ari da. Bidean topatutako oztopo eta erresistentziek zaildu egiten baitute agertoki berriak zabaltzea.