Gure susmoak bete dira. Gehiengoa duen sindikatuak patronalaren ultimatuma onartzearen alde agertu da. Aipatu genuen bezala, edukiak ez dira txarrak, baina, gure ustez, hobetzeko tartea zegoen, kolektibo honek borrokarako duen gaitasunean sinisten dugulako.
Asteartean, maiatzaren 4ean egindako interesindikalean, hala proposatu genien gainontzeko sindikatuei, ultimatumei muzin egin eta borrokaren eta mobilizazioen bideari elkarrekin eustea.
Ezin izan dugu konprobatu ordea, bide horrek zein aurrera pauso izan zitzakeen. Izan ere, borrokarik gabeko eskaintzaren alde agertu baita gehiengoa. Hau ikusirik, dagokigun arduraz jokatu eta kolektiboari lan baldintzak gaurkotzearen alde agertuko gara hitzarmena sinatuz. Esan bezala, edukiak onak direlako eta hurrengoetarako posizio hobean kokatzen gaituelako.