Mundu mailako pandemia deklaratu zenetik urtebete baino gehiago igaro ondoren, pixkanaka, covid-19ren ondorio berri eta gogorrak aurkitu ditugu. Horietako bat COVID Iraunkorra edo Long COVID izenekoa da. Estatuko osasun-agintariek aitortzen duten bezala, birusaren sintomak dira, eta luzaroan iraun dezakete.

Long Covidaren inguruko ebidentzia zientifikoa egon arren, eta Osasunaren Mundu Erakundeak berak patologia hori onartu arren Gaixotasunaren Nazioarteko Kodea emanez (CIE 11), autoritate sanitarioek gaur gaurkoz ez dute pausu erabakigarririk eman gaixotasun honen aitortzan.

Horren guztiaren ondorioz, urte bateko baja izatera iristen diren kasuak aurkitzen ari gara, eta beraz, baja hori Gizarte Segurantzako Institutu Nazionalaren (GSIN) mende dago. Erakunde horrek erabakitzen du zer egin baja horrekin. Egoera honek sortzen duen babesgabetasunaren eta ziurgabetasunaren aurrean, ezinbestekoa egiten da ekintza sindikal eta sozialean sakontzea; gaixotasunaren onarpena, ikerketa gehiago garatzea, tratamenduan aurrepausoak ematea… funtsezkoak dira.

Bide horretan, LAB Sindikatuak Long COVID edo COVID Iraunkorra sufritzen duten pertsonentzat bideratutako gida bat prestatu du. Zentzu horretan, sindikatuaren eta gidaren bokazioa gaixotasun hau pairatzen duten langileentzat tresna eraginkor bat izatea da.