Denbora daramagu Gipuzkoako Kale Garbitzaileen hitzarmena berritu nahian, pandemia erdian, lehen lerroan egon diren langileontzat eskubideak gaurkotu nahian.

Orain arte negoziaketa motel joan da eta, bat batean, plegu batzuk aterako direla aitzakia hartuta, pasa den apirilaren 26ko bileran (egin den azkena) patronalak estrategia guztiz aldatu eta ultimatuma aurkeztu zuen. Gogor salatzen dugu patronalaren jarrera, azken proposamena ultimatum eta mehatxuekin mahaigaineratu baitu. Adierazi du maiatzaren 7an egingo den hurrengo bilerarako euren proposamena onartu ezean, ez direla azalduko.

Egia da edukietan aurreratu dela, egia da azken proposamen hau nahiko egokia dela. Baina egia da ere, kolektibo honek askoz gehiago merezi duela.

Kale garbitzaileek borrokarako duten ahalmenean sinisten dugu. Bai eta patronalak egindako azken eskaintza hau hobetzeko tartea dagoela oraindik ere. Horregatik, ultimatumei muzin egin eta borrokaren bideari eutsi behar zaiola uste dugu, beti ere orain arteko batasun sindikalari eutsiz.