ELA, LAB, ESK, ESTEE-EILAS, EHNE, HIRU eta CNT sindikatuek SEGIn lan egitea egozten zaien 40 gazteren aurka eta Herri Batasunako Mahai Nazionaleko, Batasunako eta Euskal Herritarrok koalizioko zuzendarikako kideen aurka Madrilen hasi berri diren epaiketa politikoak salatu dituzte. 

Sindikatuek Madrilgo Gobernuak darabiltzan sumario eta auzibide guztiak prozesu politiko bat direla salatu eta Euskal jendartean pluralismoa errespetatuko duten bizikidetza esparruak eraki nahi duten guztientzako eraso bat dela esan dute. Honen aurrean 5 eskakizun luzatu dituzte:

– Beste epaiketa politikorik ez izatea
– Instrukzio judizial arbitrarioetan oinarria duten auzibide guztiak bertan behera geratzea
– Prozesu judizialetan bazter dadila etsaiaren zuzenbide penala aplikatzeko joera
– Errespeta daitezela, baldintzarik gabe, pluralismo politikoa eta elkartzeko, askatasun ideologikoa izateko eta adierazteko oinarrizko eskubideak
– Eta bizikidetza demokratikorako oinarri sendoak ezartzea.

Honekin batera, datorren urriaren 26an epaiketa politikoak salatzeko Bilbon deitutako manifestazioan parte hartzeko deia luzatu dute.

 

LAB sarean
{module[111]}

Ainhoa Etxaide:
"Arrazoi asko daude epaiketa hauen kontra egoteko eta egiteko"