Egun indarrean dagoen euskarafobia salatu dugu Iruñean, eta Administrazioan euskararen erabilera arautuko duen lege berri bat aldarrikatu dugu. Hain zuzen ere, batzar ibiltari bat egin dugu, Vinculo plazatik abiatu eta Nafarroako Jauregian bukatuta. Hitz hartzeak egin ditugu Geroa Bai-ren eta PSNren egoitzen aurrean, baita Parlamentuaren eta Nafarroako Jauregiaren aurrean ere. Azken honetan, Nafarroako LABeko ordezkari Imanol Karrerak hartu du hitza, eta keinu eta jokabide euskarafobo guztiak bertan behera uzteko aldarria egin du.

Aurretik, LAB Osasunbideko arduradun Dabid Mendazak, LAB Irakaskuntzako Saioa Tapiezek eta Nafarroako Administrazioko LABeko arduradun Isabel Artiedak hartu dute hitza, kokaleku desberdinetan. Hain justu, talde parlamentariei, PSN-ri eta Geroa Bai-ri zuzendu zatzaizkie, hurrenez hurren.

Mendazak salatu du legeak eta dekretuak langile euskaldunen eskubideak urratzen ari direla, baita euskaraz artaturik izateko eskubidea duten herritar guztiena ere. Zerrenda bakarra ez ezartzea, D ereduaren aldeko kanpainarik ez egitea, Iruñeko haur eskoletan euskara ia desagerraraztea… Finean, euskararen kontra Navarra Suma-rekin bat egitea leporatu dio Tapizek PSN-ri. Artiedak, berriz, Nafarroako Gobernuaren kide den heinean, euskara administrazioan ezartzeko dekretua martxan jar dezala eskatu dio Geroa Bai-ri.