2024-05-20
HomeEkintza SindikalaKale garbiketa eta zabor bilketaren negoziazioaren paralisia salatzeko manifestazioa deitu dugu

Kale garbiketa eta zabor bilketaren negoziazioaren paralisia salatzeko manifestazioa deitu dugu

Larunbat honetan izango da, hilak 17, Donostian.

Ekainaren 12an egindako azken bileran, Gipuzkoako kale-garbiketako hitzarmenaren negoziazio-mahaian egiaztatu da patronala blokeo egoera sustatzen dabilela, eta horrek negoziazioetan aurrera egitea oztopatzen du. Blokeo horren balorazio oso negatiboa egiten dugu LAB, ELA, CCOO eta UGT sindikatuok.

Ez dugu ahaztu behar sektore honetan 1.500 pertsona baino gehiago ari direla lanean: kale-garbiketa, zabor-bilketa, zabortegiak, erraustegiak, hondartzen garbiketa, gaikako bilketa, birziklatze-plantak, estolderia, etab.

Urtarrilean sindikatuek 28 puntu eta landu beharreko gaiak biltzen zituen plataforma aurkeztu zuten, sektoreko lan-baldintzak hobetzeko asmoz. Hala ere, lau hilabetez zain egon ondoren, patronalak ia proposamen guztiak baztertu ditu. Hitzarmenaren idazketan aldaketa puntual bat eta lizentziekin lotutako lege-egokitzapenak baino ez dituzte onartu. Gainerako proposamenak erabat baztertu dira, eta murrizketak ere planteatu dira, hala nola baja-osagarrietan eta txanda-kontratuetan.

Negoziazioaren eta langileen erosteko ahalmenaren galeraren testuinguruan, sindikatuok manifestazio jendetsua deitu dugu ekainaren 17rako, 12:00etan, Donostian.

Manifestazio honen helburua hitzarmen duin bat eskatzea da, kale-garbiketako sektoreko langile guztientzat lan-baldintza bidezkoak eta duinak bermatuko dituena.

Era berean, argi utzi nahi dugu ez dugula etorkizunean mobilizazioak egiteko aukera baztertzen, baldin eta patronalaren jarrera aldatzen ez bada.

Plantilla guztiei eskatzen diegu bat egin eta Donostiako kaleak betetzeko, hitzarmen duin baten aldeko borrokan dugun batasuna eta erabakitasuna erakutsiz.

AZKEN ALBISTEAK | ÚLTIMAS NOTICIAS

00:01:52

Rafahko sarraskiaren eta palestinar herriaren aurkako genozidioaren aurka atera gara kalera

Eguerdian elkarretaratze jendetsuak egin ditugu Hego Euskal Herriko hiriburuetan, S.O.S. Rafah. Genozidioa STOP lelopean, gehiengo sindikal zabalak deituta.

Lantegiz lantegi zabaldu dugu Palestinan genozidioa geldiarazteko aldarria

S.O.S. Rafah, genozidioa STOP lelopean gaurko deitutako ekimenen baitan, Euskal Herriko hainbat eta hainbat lan-zentrotan palestinar herritarrekiko elkartasuna zabaldu eta Israelek aurrera daraman genozidio ankerra berehala geldiarazteko exijitu dugu.

Langileek baztertu egin dute Bilbobusen UGTk, CCOOk eta USOk babestutako aurreakordio eskasa eta borrokari berrekin diogu

Aldarrikapen funtsezkoetakoa zena ere ez zuen jasotzen asteon iragarritako aurreakordioak, hau da, soldatak KPIari lotzearena. Hala, erabakia atzo langileen asanbladara eraman ostean, aurreakordioari ezezkoa eman zioten langileek (287 boto ezezkoaren alde; 249 baiezkoaren alde). Hala, batzordearen gehiengoaren iruzurrari gailendu gatzaizkio langileok.