LABeko koordinatzaile nagusiari elkarrizketa egin diote gaur goizean Bilboko Radio Popular Herri Irratian. Metalgintzaren sektorean gatazka luze baten ondoren lortutako lorpenez hitz egiteaz gain, besteak beste, erakundeen azpikontratazioari buruz aritu da. Hala, joera hori kritikatu egin du, lana prekarizatzen duelako eta batez ere emakumeei eragiten dielako. Adibide gisa aipatu ditu Osakidetzako garbiketa, adinekoen egoitzak edo GUFEren kasuak, eta zerbitzuen publifikazioa defendatu du beste behin ere.
Ildo horretan, azpimarratu du biztanleria aktiboari eragiten dioten osasun-zerbitzuak mutualitateetara bideratzeko proposamenak, LABek azaleratu duenak, aurrekaririk gabeko pribatizaziorako urratsa ekarriko lukeela.
Estatuko pentsioen erreformari buruz LABek egiten duen irakurketa ere aletu ahal izan du koordinatzaile nagusiak. Azkenik, Aranburuk euskal zaintza sistema komunitario baten beharra aldarrikatu du.
Elkarrizketa esteka honetan entzun daiteke osorik: https://radiopopular.com/podcast/lab-achaca-a-la-patronal-el-bloqueo-de-la-negociacion-colectiva/