Atzo eguerdian Igorreko Ormazabal enpresan lan hitzarmenaren gaineko aurreakordioari baiezkoa eman ala ez bozkatu zuten langileek, eta baiezkoa estu gailendu zitzaion ezezkoari: 98 langile alde eta 78 kontra. Aurreakordioak 2011-2012ko iraupena eta KPI gehi 0,2ko igoera ekarriko du. ELAren babesa duen aurreakordio hau eskasa iruditzen zaio LABi eta hori baino gehiago merezi eta lortu zitekeela pentsatzen dugu.
Uda aurretik abian ziren negoziazioak blokeo egoeran izan dira geroztik. Ondorioz, mobilizazioak hasiak zituzten langileek. Enpresa honek 300 langile ditu eta 2010ko urtean, esaterako, 12 miloi euroko etekin garbiak izan zituen, hau da, langile bakoitzak 40.000 euroko irabaziak sortu zizkion enpresari. Ormazabal mundu mailako enpresa eredugarria baldin bada, langileen baldintza eredugarriak ere izan beharko lituzke.