2026-11-19
InicioSin categorizarOarsoaldeko langileek aldaketaren aldeko apustua egin dute

Oarsoaldeko langileek aldaketaren aldeko apustua egin dute

Oarsobidasoako enpresetako LABeko hainbat ordezkari bildu dira, hauteskunde sindikalen kurtsoaren azkenetan gauden honetan. Hain zuzen ere, eskualdean utzi duten argazkiaren berri emateko egin dute agerraldia. "Harro esan dezakegu, Oarsoaldeko langileok aldaketaren aldeko bozka eman dutela. Sindikalki lau udaletan LABek du gehiengoa, eta politikoki ezker subiranismoa da garaile. Hau balioan jarri eta langileon mesedetara jartzea tokatzen da orain", adierazi dute.

Hauxe da agerraldian egindako hitzartzea:

Gaur hemen, Oarsobidasoako enpresetako LABeko ordezkari batzuk bildu gara. Hauteskunde sindikalen kurtsoaren azkenetan gaude eta horiek eskualdean utzi duten argazkiaren berri emateko agertzen gara.

Langileontzat ez direla garai onenak behin eta berriz entzuten ari gara ahots ezberdinetatik, baina gaur langileok esateko duguna entzunarazi nahi dugu.

Kapitalismoa eta bizitzaren arteko talka bortitza bizitzen ari gara. Ikusi dugu azken urteetan nola sakondu duten inboluzioa sozial, patriarkal eta nazionalean, elite ekonomikoen mesedeetako demokraziaren galeran.

Langileok eskubiderik gabe otzan nahi gaituzte, eta, horretarako, erreformaz erreforma, zentralismoan sakontzen dabiltza estatu menperatzailea. Euskal langileoi prekarietatera kondenatu nahi gaituzte, gure negoziazio eremua lapurtu, emakumea bigarren mailan kokatu…

LABetik “bizitzak erdigunera” aldarrikatu dugu, bazterrak zentrora ekarriz, bizitza sostengatzen duten lanen aitortza exigituz, Euskal Herriaren erabakitze eskubidea galdatu. Finean eredu aldaketaren alde egin dugu lantokietan eta kalean, eskaera konkretuekin: 1200 euroko soldata, 35 orduko jarduna, diskriminazio ororekin bukatzea, lanetik etxera bizirik itzultzea eta gure erabakiak guk hartzeko marko propioa.

Eta horixe da eskualdeko langileok bozkatu duguna. Oarsoaldean, LAB sindikatua lehen indarra da eskualdeko ordezkaritzaren %37,55arekin. Zorionak eta bejondeizuela! Hau txikitasunetik handitasunera egindako lanaren emaitza da, isilean eta lantokiz lantoki garatutako ekintza sindikalaren emaitza.

Ordezkarien lana ez da lan makala. Lantokiko gatazkak kudeatu behar dituzte, nagusikeriei aurre egin, prekarietatearen kontrako neurriak proposatu, soldata arrakalarekin bukatzeko proposamenak garatu, hitzarmenak borrokatu… baina lau urte hauetan egindako lanak bere emaitzak eman dituela esan dezakegu. LAB indartutra atera da hauteskunde hauetatik.

Epealdi honek, gainera, hauteskunde politikoen zikloarekin egin du bat. Harro esan dezakegu, Oarsoaldeko langileok aldaketaren aldeko bozka eman dugula. Sindikalki lau udaletxeetan LABek du gehiengoa, eta politikoki ezker subiranismoa da garaile. Hau balioan jarri eta langileon mesedetara jartzea tokatzen da orain.

Guk eredu publiko berri bat aldarrikatzen dugu, komunitarioa, herriarekin eta langileokin landutakoa. Horrek ezinbestean, zerbitzu publikoen garapenean sakontzea eskatzen du, pribatizazioekin bukatzea, zaintza lanak balioan jartzea.

Erresistentziatik harago, eraikuntzara igarotzeko baldintzak daude. Sistema bidegabe honi hortzak erakutsi eta eraldaketa sozialaren alde indarrak biltzeko garaia da. Klase ikuspegi feminista batetik antolatuz, eta herri ikuspegitik eraginez.

Premiazkoa da langileon ahotsa entzun eta hitza ematea. Gure lan baldintzak hemen negoziatu nahi ditugu, prekarietatearekin amaitu behar dugu, arrakala erabaki politikotzat hartu eta aldaketa estrukturalak behar ditugu, guk sortzen dugun ondasuna berbanatu behar dugu.

Datozen urtean hor jarriko ditugu indarrak, langileon bizitzak erdigunera ekartzeko prozesuan, Euskal Herriak erabakitzeko prozesuan, baita preso eta iheslariak etxeratzeko prozesuan ere.

Kolektibotasunak ematen digun indarretik erabaki eta eraiki nahi dugu bestelako Euskal Herria, elite ekonomikoen eskutik datorren inboluzioaren aurrean beste ortzimuga bat irekitzeko, sinergia berriak landuz.

Gora LAB sozialista independentista eta feminista!

 

 

 

AZKEN ALBISTEAK | ÚLTIMAS NOTICIAS

Denunciamos la precariedad laboral en los Centros Especiales de Empleo de Nafarroa y exigimos un mayor control del dinero público

El sindicato LAB se ha movilizado esta mañana junto al sector de Centros Especiales de Empleo (CEE) de Nafarroa para denunciar públicamente las condiciones de precariedad que sufren las personas trabajadoras de este ámbito en la Comunidad Foral y reclamar un marco regulador propio para Nafarroa que garantice unas condiciones laborales dignas y evite las desigualdades entre las plantillas del sector.

En la primera jornada de huelga de las residencias de Bizkaia hemos exigido a la diputación una partida económica de 481 millones de euros

Hoy, 19 de noviembre, representantes del sindicato se han reunido con todos los partidos políticos de la Diputación Foral de Bizkaia. Frente al actual modelo de residencias privadas, para equiparar salarios, dignificar las condiciones de trabajo y mejorar ratios, se necesitarían 481 millones de euros para ofrecer un servicio residencial digno y de calidad. Mientras tanto, las trabajdoras del sector se han concentrado fuera de las Juntas Generales y han llevado a cabo un corte de carretera.

El Tribunal Supremo dictamina que hubo discriminación de Michelin #LortuDugu

La sentencia corresponde a una prima que se pagó en 2023 denunciamos la exclusión de algunos colectivos de personas trabajadoras.