Mikel Zuloaga eta Begoña Huarteren euskaldunak atxilotuak izan dira Grezian, errefuxiatuekiko elkartasun lanetan ari zirela. Euskal Herrira bidean ziren, zortzi errefuxiaturekin batera. Ekimen solidarioa egitea zuten helburu, Europako migrazio legeak salatuz. Gertaera honen harira eragile sozial, sindikal eta politiko ugarik bat egin dugu Bilbon, agerraldi jendetsu batean, bi aktibista euskaldunen ekimen solidarioarekin bat egin eta lehenbailehen aske utz ditzatela eskatzeko.
Komunikatu bateratu batean gogoratu dugu eskubide sozialak direla gure iparrorratza, ez lege injustuak. Horregatik, Europak migranteei ematen dieten tratu krudelaren aurrean, Zuloagak eta Huartek egin bezala, desobedientzia zibila aldarrikatzen dugu.