Azken hilabeteotan lan istripuetan bizitza galdu duten langile kopuruan eman den igoera salatzeko eta lanean ematen den prekarietateari aurre egiteko neurriak exijituz Iruñeako Nafar Gobernuaren egoitza aurrean elkartu gara gaur sindikatu ezberdinak.
Gaurdaino, 40 dira Euskal Herrian hildako langileak 2018an, Nafarroan 14, 9 azken hilabetean.
Lan istripu guztien atzetik lan baldintza kaskarrak daude (erritmo azkarrak, presioa, autoritarismoa… ) eta egoera guzti horiek gaixotasun ezberdinak sortarazten dizkigute eta hainbatetan heriotzera ere eramaten gaituzte.
LAB sindikatutik argi dugu, bizi eta lan duinak behar ditugu. Lanetik onik eta bizirik bueltatzeko eskubidea dugu, indibidual familiar eta gizarte osoarena den lakra honekin bukatzeko bide bakarra borroka eta antolakuntza dira. Lan harremanen eta joku arauen aldaketa batetik etorriko da aldaketa, eredu berri bat gauzatu behar dugu, langileon bizitza eta osasuna lehenestuko duen eredu batean.