Pasa den ostiralean, uztailaren 6an, Bilboko Ingeniaritza Eskolan maiatzaren 21ean istripua izan zuen langilearen heriotza jakinarazi zitzaigun. UPV/EHUn ordezkaritza dugun sindikatuok, unibertsitateko langileek bizitza galtzerainoko istripuak gertatzen jarraitzea salatzeko, ordubete lanuztea egin dugu UPV/EHUn 12etatik 13etara.
Horretaz aparte, mobilizazioak egin ditugu Leioa (Mikel Laboa plazan), Bilbo (Torres Quevedo plazan), Gasteiz (Errektoreordetzaren aurrean) eta Donostiako campusetan (Carlos Santamaria Liburutegiaren aurrean).
Azken honekin, gutxienez 25 dira urte hasieratik Euskal Herrian istripuz hildako langileak.
