2024-03-19
InicioIndustriaFederacionesLABek ekarpenak aurkeztu dizkio Jaurlaritzaren industria planari

LABek ekarpenak aurkeztu dizkio Jaurlaritzaren industria planari

LABek Jaurlaritzak industria plana aurkeztu zuenean ekarpenak egingo zizkiolaren konpromisoa betez, Legebiltzarrean izan da gaur. Incoesako langileak ondoan zituela, Asier Imaz LABeko Industria federazioko idazkariak, LAB irakurketarekin ados egonik, hartutako neurriak aurreko planen jarraipen hutsa direla adierazi du. Hala ere, borondate politikoa badago LAB eztabaidan ekarpenak egiteko prest dagoela esan du.

INDUSTRIA PLANARI LABen EKARPENAK:

LABek konpromisoa hartu zuen plana aurkeztu zenean, ekarpenak egingo zituela. Zergatik? Irakurketarekin ados gaudelako, arazoa neurrietan kokatzen dugu, neurriak ez diotelako arazoari erantzuten, neurriak aurreko planen jarraipen hutsa direlako.

Baina borondate politikoa badago egiten den irakurketaren gainean eragiteko LAB prest dago eztabaidarako eta eztabaidan ekarpen argiak egiteko.

LABek balio erantsiaren aldeko apustua egiten du, hobekuntza iraunkorraren aldeko apustua, internazionalizazioaren aldeko apustua egiten du, eta LABek uste du EHak badituela ezaugarri nahiko apustu hori burutzeko aberastasunaren eta enpleguaren banaketaren bidez.

Badaukagu sare industriala, kualifikatua, munduan ezaguna, badaukagu langile kualifikatuak balio eman ahal izateko egiten dugunari eta badaukagu inoiz eduki dugun gazteriarik prestatuenak.

Badauzkagu oinarriak, behar ditugu tresnak, erabaki politiko berriak indarguneak indartzeko eta ahulguneak neutralizatzeko. Eta erabaki horietan eragin nahian egiten ditugu ekarpenak.

LABentzat hauek dira ahulguneak mundu globalizatuan parte hartzeko:
-Enpresek duten kreditua kanpoko beste enpresek duten kreditu aukera baino askoz garestiagoa da.
-Gure enpresek ordaintzen dutena energia kostuetan kanpoko enpresek ordaintzen dutena baino garestiagoa da.
-Lan harremanak aurreko bi kostuek enpresen irabazietan inpaktua neutralizatzeko erabiltzen ari dira.

Honen atzean estatuak egindako erreforma ziklo bat dago, estatuak elite ekonomikoari egiten dion eskaintza bat dago: desregulazio laborala erabiliko dugu irabaziak bermatu ahal izateko, bitartean elite finantziero eta energetikoen interesak babestuko ditugu.

Baldintza hauekin Urkulluk argi eduki behar du ez dagoela “Modelo Euskadi”. Edo erabaki propioak hartzen ditugu, edo bide propio bati hasiera ematen diogu, edo enpresen suntsiketa, enplegu suntsiketa eta langile pobreen hedapenak ez dauka alternatibarik politika hauek medio.

Guretzako eztabaida zentralak hauek dira:
-Finantza sistema propio baten aldekoa. Hau da, kutxabankekin egiten ari den ariketa baina kontrako norabidean.
-Energia sistema propio baten aldekoa.
-Subentzio politika enplegua eta ehun produktiboaren mesedetan kokatu behar dugu, ez dibidendoaren mesedetan.
-Politika fiskal ekitatiboa.
-Euskal Herriko langileek duten eskubidea beraien eredu ekonomikoa zein izan behar den erabakitzeko.

Eta gaur hona etorri gara Incoesako hainbat langileekin argi eta garbi esateko hau dela erabaki propioak ez hartzearen ondorioa:
-Balio erantsian oinarritutako enpresa. Produktua duena
-Enplegu kualifikatua duena.
-Subentzio handiak jaso dituena politika industrialeko aurrekontuetatik.
-Deslokalizatzen erreformak horrela uzten diolako. Sistemak uzten diolako.

Orain dela bi aste Urkullu eta Erregeak Mercedeseko akordio soziala goraipatu zuten Mercedeseko planta irekita mantendu zedin. Lan kostuen %10 jeitsi ziren akordio horri esker. Baina guk galdetzen diogu gure buruari: eta Mercedeseko multinazionalak kredituak hemengo kostuetara ordaindu beharko bazituen hemen geratuko zen? Guk esaten dugu ezetz.

Adibide hauekin zer adierazi nahi dugu. Bi aukera daude:
• Hemen adostasun berriak eraiki aberastasunaren eta enpleguaren banaketan oinarritzen den eskaintza bat egiteko herriari.
• Edo espainar mailan inposatutako tresnekin pobrezian oinarritutako fase ekonomiko batera goaz. Barne konpetentzian oinarritutako fase batetara goaz. Ehun produktiboa zalantzan jartzen duen fase batetara goaz.

Urkulluk hautu egin behar du, edo bata edo bestea. Edo herriarekin eta herriari begirako eskaintza bat egiten du edo jarraituko du Euskal Herriko langileen aurrean posizio barik enpresa bakoitza ixten denean. Urkullu jarraituko du multinazional gutxi batzuen menpe.

Tapiari Incoesako langileekin gertatzen zaiona. Ez da inoiz bildu, egiten duen politika oinarri deslokalizazioa babestu behar duelako. Babesten ari direlako.

Confebaskek argi dauka zein den fase honetarako lehentasuna: dibidendoak eta enplegu eta baldintzen suntsiketa subentzio politikarekin konpatiblea egitea.

Beraz eta berriro ere,borondate politikoa badago egiten den irakurketaren gainean eragiteko LAB prest dago eztabaidarako eta eztabaidan ekarpen argiak egiteko.

 

 

 

AZKEN ALBISTEAK | ÚLTIMAS NOTICIAS

Pedimos a la dirección de Sidenor que abandone el ERTE de su centro de trabajo de Azkoitia

El pasado 8 de marzo, la dirección de Sidenor nos comunicó su intención de poner en marcha un ERTE por motivos productivos y organizativos en los centros de trabajo de Azkoitia y Reinosa. El 14 de marzo tuvimos la reunión para crear la comisión negociadora y recoger la documentación.
00:02:19

LAB reivindica unas condiciones laborales y de vida dignas para las y los trabajadores de Ezkerraldea y Meatzaldea

Hoy, convocadas por LAB, cientos de personas han tomado las calles de Sestao para reivindicar un futuro digno para las y los trabajadores de Ezkerraldea y Meatzaldea. Y es que hace tiempo que el PNV y el PSOE pusieron en marcha una estrategia de desindustrialización en Ezkerraldea y Meatzaldea, destruyendo el tejido industrial y, a cambio, implantando el sector de los servicios en beneficio de la logística y el almacenamiento.

Es el momento de las alianzas, la activación y la lucha en el sector de artes gráficas de Bizkaia

Han pasado diez meses desde que la mesa negociadora del convenio de artes gráficas de Bizkaia se reunió por primera vez. Desde ese 23 de mayo hasta ahora hemos mantenido 10 reuniones, la última de ellas ayer 14 de marzo, y no podemos decir que estemos más cerca de un acuerdo de lo que estábamos en ese momento.