Gaur, otsailak 9, Aurre-matrikula epea amaitzeko bezperetan, Milagrosa Ikastetxean izena eman dutenen inprimakiak aurkeztu ditugu Eusko Jaurlaritzan. Gaurko mobilizazioaren bidez La milagrosako hezkuntza komunitateak proiektua itxita ez dagoela adierazi nahi izan du, ez dagoela amaituta eta adituek dioten bezala, jarraipena izan behar duela.
Orain arte emandako neurriak ez dira baliagarriak guretzat. Barakaldoko beste puntan aurre-matrikulatzeko aukera emateak ez du ziurtatzen guztiok elkarrekin jarraitzea. Gainera, aurreikuspenik gabe zentroak gainpopulatuz, beste ikastetxe batzuen hezkuntza kalitatea arriskuan jartzen da.
Horregatik, Eusko Jaurlaritzari irtenbide egokia ematea eskatzen diogu eta ez izan dugun bezala, Barakaldoko hezkuntza errealitatea kontuan hartu gabeko bat-bateko erantzun bat.
Familiek horrela eskatuta, gure ikastetxeak aurre-matrikulak paperean jaso ditu eta ezin izan du era digitalean egin horretarako plataforma itxi baitigute. Badakigu dokumentazio honek legalki ez duela baliorik, baina familien nahia adierazten du.
Ikasleek eta beraien familiek ez dute ikastetxetik joan nahi, adituek diote gure hezkuntza proiektua beharrezkoa dela Barakaldon eta langileek gaur egungo ikasleekin jarraitu nahi dute…
Matrikulekin jolastu da etxeetan beldurra sartuz, baina familiek aukeratu egin dute, Milagrosan jarraitu nahi dute eta hau aldarrikatuz jarraituko dugu.
Beraz, ikastetxeko familiok eta langileok afera honetan erantzukizuna daukan agente orori (Eusko Jaurlaritza, karitate Alabak-Kristau Eskola, Barakaldoko Udala eta Miranda Fundazioari) zera eskatzen diegu: Milagrosa Ikastetxeak bere osotasunean aurrera jarrai dezan lan egitea.