2024-03-29
InicioPrimero de Mayo 2014Krisitik ateratzeko erabakitzeko eskubidea aldarrikatuko du LABek Maiatzaren Lehenean

Krisitik ateratzeko erabakitzeko eskubidea aldarrikatuko du LABek Maiatzaren Lehenean


LABek Maiatzaren Lehenean kalera aterako dituen mezu, salaketa eta aldarrikapenak iragartzeko agerraldia eskaini du gaur Donostian. "Langileok erabaki, Euskal Herriak erabaki dezan" lelopean eskualdeka mobilizatuko da aurtengoan LAB, eskualde bakoitzeko errealitate ezberdinak mahaigaineratzeko nahiarekin. Ainhoa Etxaide, idazkari nagusiak, Maiatzaren Lehenaren protagonista langilegoa dela azpimarratu du, justizia sozialerako giltza burujabetza den bezala, langilegoa baita hori aurrera eramango duen ezinbesteko sujetua.

Maiatzaren Leheneko aurkezpen prentsaurrekoan Igor Arroyo, Garbiñe Aranburu, Gorka Berasategi eta Ainhoa Etxaide exekutibako kideek parte hartu dute. Igor Arroyok M1eko diseinua aurkeztu du, non beste inor ez bezala, LAB Euskal Herriko zazpi herrialdetan mobilizatuko dela azpimarratu duen. Honekin batera egunean zehar "Langileok erabaki, Euskal Herriak erabaki dezan" lelopean 28 mobilizazio ezberdin iragarrita daudela azaldu du.

Ainhoa Etxaide, LABeko idazkari nagusiak, Maiatzaren Lehenera sindikatuak kalera aterako dituen mezu, salaketa eta aldarrikapenak plazaratu ditu. Mezua, egunaren iragarpen kartelak dioen bezala, langileak direla esan du, haiek baitira, Etxaideren hitzetan, krisiaren aitzakipean botere finantziero eta politikoek ezarritako neurriak pairatzen dituztenak eta baita ere Euskal Herriak justizia soziala lortzea ahalbideratuko duen sujetua.

Krisia irizur handi bat dela salatu du Etxaidek, inork ez baitu ardurarik bereganatu eta hori gutxi balitz, espekulatzaileek negozioa egiten jarraitzeko erabili dute; aberatsak gero eta aberatsago, eta pobreak gero eta pobreagoak bilakatuz. Zentzu honetan, momentuko egoera gainditzeko saldu nahi izan dizkiguten erreformen atzean erreforma estrukturalak daudela salatu du.

Darabilkiten gezurren artean, LABeko idazkari nagusiak, hazkunde ekonomikoarena eta erabakitzeko eskubidearena azpimarratu ditu. Hazkunde ekonomikoaren inguruan esan du ezin dela haiek dioten bezala hazkunderik izan Euskal Herrian enplegua suntsitzen ari denean, espakulazioaren mesedetan produkzio ehuna eta ekonomia erreala suntsitzen ari denean eta zerbitzu publikoak murrizten eta pribatizatzen ari direnean.

Garamatzaten amildegitik ateratzeko LABek Maiatzaren Lehenean burujabetza prozesu bat aurrera eramateko beharra aldarrikatuko duela adierazi du. Euskal Herriari interbide propioa bat, España markatik eta gaurko politiketatik haustura ekarriko duena, emateko. Aldarrikapen honen atzean ez du etorkizunari begirako planteamenduarekin azaldu nahi izan, egun bizi dugun egoera larriari buelta ematea ekarriko duen giltza bezala aurkeztu du. Burujabetza prozesu hori gainera, Euskal Herriko langileoi dagokigula erabakitzea aldarrikatu du Etxaidek, eta hor kokatu du aurtengo M1eko leloaren zergaitia.

Amaitzeko, Euskal Herriak behar duen justizia sozialerako giltza erabakitzeko eskubidean oinarritzen dela azpimarratu nahi izan du Etxaidek, eta prozesuaren berma langilegoaren protagonismoan jarri du.

 

 

AZKEN ALBISTEAK | ÚLTIMAS NOTICIAS

Los sindicatos del 0-3 se vuelven a movilizar para pedir al Departamento de Educación que se haga cargo de una vez por todas de...

Todos los sindicatos del ciclo educativo 0-3 (LAB, ELA, STEILAS, AFAPNA, UGT y CCOO) de Nafarroa se han vuelto a concentrar hoy en Iruñea, junto a la sede del Departamento de Educación, para denunciar, una vez más, la actitud negligente que el Gobierno está demostrando con respecto a este ciclo. Además, han anunciado que realizarán una manifestación el día 11 de abril, que partirá desde la sede del departamento a las 17:30.

Huelgas en el sector de ocio educativo y animación sociocultural de Araba los días 2 y 4 de abril ante la falta de acuerdo...

Trabajadoras y trabajadores del sector han comparecido en Gasteiz para anunciar los dos días de huelga. Han señalado que si no hay convenio digno no habrá servicios.

La actividad de la zona azul de Iruñea ha estado prácticamente parada durante los tres días de huelga

El Comité de Empresa (LAB, ELA, UGT y CCOO) hace una valoración positiva de la huelga que se está llevando a cabo desde el lunes, y advierte que si no hay avances por parte de Dornier en la negociación del convenio para mejorar las condiciones laborales, seguirán las movilizaciones.