Incoesako langileak atzo estintzioko Enplegu Erregulazio Espedientearen bideragarritasunari buruzko txostena egin behar duten Eusko Jaurlaritzako kideekin batzartu zen. Langileek txostena egiterakoan erantzunkizunez jokatzeko eskatu zioten Jaurlaritzari.
Bileran, langileek exijitu diete Eusko Jaurlaritzako kideei, behingoz inplika daitezela gatazka honetan eta erantzunkizunez jokatu, hilabete guzti hauetan argi geratu baita ez dagoela Bediako lantegia ixteko arrazoi justifikaturik.
Hilabete guzti hauetan, epailea enpresak martxan jarritako prozedura guztiei ezetz esaten ibili den bitartean, Eusko Jaurlaritzak, beste alde batera begiratzeaz gain, enpresaren erabakia balioztatu du langileen kontrako txostenak eginez.
Orain, eta berandu izan arren, ordua da Eusko Jaurlaritzak pauso bat aurrera egin eta EEEa arbuiatu dezan.