EAEko Ikastoletako eta Ekimen Sozialeko Ikastetxeetako langileek Iñigo Urkulluren gobernuak Madrildik etortzen diren murrizketen aurrean men egiten duela salatu dute gaur Lakua aurrean.
«EAJ-PNVren Gobernu berriak, auzi honetan erakutsitako jarrerarekin, Madrildik datozen eta etorriko diren murrizketen aurrean izango duen postura erakusten hasi delakoan gaude. Madrilek inposatutako neurriei men eginez ikastoletako eta ekimen sozialeko langileen oinarrizko eskubideak erasotzeko urrats gisa ulertzen dugu jokabide hori.
Berriro ere, hezkuntzako langile guztion aurkako alde bakarreko erabaki baten aurrean gaude.
Gogora ekarri nahi dugu, LAB sindikatuak behin eta berriz eskatu izan diola EAEko gobernuari, azken urteotan ezarri diren murrizketei buelta emateko eta galdutako eskubideak berreskuratzeko bideak aztertzeko bilera. Bien bitartean, Urkulluren Gobernua langileen ekarpenik jaso ez dituen aurrekontuak ixten saiatzea, eta aipatutako neurri antisozialak hartzeko prest agertzea guztiz salagarria iruditzen zaigu.
Hari beretik, ikastoletako eta ekimen sozialeko titularrei tinkotasunez eskatzen diegu murrizketa hauen aurrean erantzukizunez eta arduraz joka dezatela .»
{module[111]}