Gaur uztailak 8, Negoziazio Kolektiboan irekitzen den eskenatokia berriaren aurrean eta pasadan ostiralean LHKn izandako bileran patronalak lehendakaritzatik etorritako proposamenari ateak itxi ostean, LABek prentsaurrekoa eskaini du bere posizioa eta aurrera begirako bidea aurkeztera.
Ainhoa Etxaide, LABeko idazkari nagusiak, bizi dugun egoera gutxi batzuen irabaziak bermatzeko inposatu zaigun eredu baten emaitza dela salatu du eta honen aurrean, gehiengo batek kontrakoa esan ezean, LABek hitzarmenak indarrean jarraitzen dutela aldarrikatuko duela esan du.
Negoziazio Kolektiboaren defentsan LABek emango dituen urratsak
Negoziazio Kolektiboaren defentsan LABek emango dituen urratsak
- Enpresa batzordeetara joko du gaur arte indarrean zegoen hitzarmena berrestera
- Hitzarmenak ez betetzea eraso izanik, erantzun dinamika jarriko du martxan bai lantoki baita lantokietatik kanpo. Honetarako protokolo bat adostea proposatuko die beste sindikatu eta herri eragileei.
- Lan Harremetarako Euskal Esparrua eraikitzeko estrategia adosteko iniziatibak hartuko ditu. Bide horretan, jaurlaritzari bilera eskatuko dio egoera aztertzeko, iniziatibak hartuko ditu sindikalgintza eta langileei begira gaur egun ez dagoen gehiengo sozial eta sindikala osatzeko eta enpresariei interlokuzio berriak sortzera deitzen die eztabaida estrategikoak eta herri akordio sendoak osatze bidean.
LAB SAREAN
{module[111]}
{module[111]}