LABeko idazkari nagusi Garbiñe Aranburu Euskadi Irratiko "Faktoria" saioan izan da, eta bertan galdetu diote Zaldibarreko aferari buruz. Zaldibarrekoa "eredu baten porrotaren isla" dela adierazi du, eredu bat non ikuspegi ekonozimista lehenesten den, publikoa izan beharko lukeena enpresa pribatuen esku uzten den. Lur azpian dauden bi langileak aurkitzeak lehentasuna izan behar duela berretsi du, eta erantzukizunak eskatu ditu, baita istripua gertatzeko inolako neurririk hartu ez dituen Eusko Jaurlaritzari ere. Iñigo Urkullu lehendakariarekin ere oso kritikoa izan da, Bilbon atzo egindako agerraldian egin bezala: "Inoiz ez du minutu bakar bat bera ere langileekin egoteko eta langileen kezkak entzuteko; eta egunero, oso sarri, patronalaren ondoan ikusten dugu. Patronalaren bozermaile bilakatu da".