Krisitik “ateratzeko” aitzakipean aplikatutako errezeta ezberdinak emakumeongan eragin zuzena du. LABek gaur, martxoaren 7an, emakume langilearen egunaren bezperan, hauen eragina ezagutzera eman eta, bereziki emakumeak jasaten ari garen enplegu suntsiketa agerian utzi du eskualdeka egin diren mobilizazioa ezberdinetan.
Enplegu duina emakumeontzat!
Lanuztea martxoaren 8aren bezperan Bizkaiko kontserberetan sektoreko emakumeek pairatzen duten prekarietatea salatzeko
Emakumearen Nazioarteko Eguneko mobilizazioak
Orduerdiko lanuztea SALICA enpresan eta Bizkaiko kontserberetan
Donostiako mobilizazioaren bideoa
LABeko hamarnaka delegatuk giza katea egin dute Bilboko kaleetatik martxoaren 8aren bezperan. Iberdrola dorrearen azpian elkartu dira LABeko hamarnaka delegatu. Telemarketing sektoreko delegatu batek nagusiki emakume langilez osatutako sektore honetan ematen ari den enplegu suntsiketa eta lan baldintzei egindako erasoak salatu ditu.
Marionnaud lurrindegiaren parean egin du kateak bigarren deialdia. Kaleratze indibidualen odolustea salatu dute bertan eta herrialdeko hitzarmenak aldarrikatu. Kutxabanken parean izan da hirugarren geldialdia eta Bizkaiko Aldundiaren parean amaitu dute mobilizazioa. Bertan, zerbitzu publikoen pribatizazioa eta murrizketak salatu dira eta GUFEn ematen ari den enplegu suntsiketa.
Amaieran Zaloa Ibeas Emakume idazkariak hartu du hitza. Emakumeen enplegua suntsitzen ari diren enpresa eta erakundeen jarrera salatu eta genero ikuspegia izango duen benetako enplegu plan bat aldarrikatu du."Zutik emakumeak" kantatuta amaitu dute mobilizazioa.
Donostia
LABeko delegatuek San Martin Merkatuaren aurrean elkarretaratzea egin dute "Enplegu duina emakumeontzat!" lelopean. Mobilizazioari amaiera emateko emakumeok jasan behar dugun zama irudikatzeko lau emakume kateaturik eta hormigoizko bloke bat gainean zutela azaldu dira.
Gasteiz
Gasteizko LABek Aldunditik Udaletxera joan den giza katea osatu dute instituzioek duten ardura erakutsi eta emakumeok jasaten dugun diskriminazioarekin amaitzeko haien konpromisoa eskatzeko.
Durangaldea
Oarso Bidasoa
Busturialdea Lea-Artibai
Bermeoko kontserberetako langileak ordu beteko lanuztea egin dute pairatzen ari diren egoera salatu eta Eusko Jaurlaritzari, eta erakunde zein alderdi guztiei langileen lan baldintzak arautzen dituzten bertoko hitzarmenak babestea eskatzeko eta Lan Harremanetarako Euskal Esparruaren aldeko apostua eta pausoak eman ditzaten exijitzeko.