2024-07-22
InicioAcción SocialEkintza egin dugu Medef patronalaren Baionako bulegoetan, erretreten erreformaren kontra ekainaren 6an...

Ekintza egin dugu Medef patronalaren Baionako bulegoetan, erretreten erreformaren kontra ekainaren 6an kalera ateratzeko deia eginez

Gaur ekintza bat egin dugu Baionako Medef patronalaren bulegoetan, FSU eta Solidaires sindikatuekin batera. Afitxak kolatu ditugu atean eta banderola zintzilikatu dugu bertatik, “Hilabete bukaera, karrera bukaera, borroka bera!” lemarekin, ekainaren 6an erretreten erreformaren aurka egingo dugun mobilizaziorako deia eginez.

Argitxu Dufau Ipar Euskal Herriko bozeramaileak Macronen erretreten erreformaren aurkako borrokaren baitan kokatu du gaurko ekimena, honek langile eta herritar gehienen sustengua duela nabarmenduz. Frantses estatuko presidentearen jarrera ere gaitzetsi du LABeko ordezkariak:  “Erretreta sistema duina denontzat eta oro har justizia sozialaren aldeko borrokaren parean, Macron tematzen da, demokrazia eta askatasun printzipioak larriki suntsitzeraino”.

Medef patronala Macroni ematen ari zaion babesa ere salatu du Dufauk: “Geoffroy Roux de Bézieux bere lehendakariak erreforma hau babesten eta defendatzen du, beharrezkoa, finantziarioa eta kontablea dela esanez. Gure erretretako bi urte hoberenek haien irabaziek baino gehiago balio dute”.

Salaketa egiteaz aparte, gure aldarrikapen bideragarritasuna azpimarratu du LABeko ordezkariak: “Gure soldatak igotzea eta guztiontzako pentsio-sistema publiko eta duina diruztatzea posible da. Dirua bada, har dezagun dagoen lekuan eta justuki banatu dezagun. Borondate politikoa kontu bat besterik ez da”.

Erretreten erreformaren kontra eta jendarte-proiektu eta lan-mundu bidezkoagoak lortzeko konpromisoa berretsi du Dufauk, datorren ekainaren 6ko mobilizazioan parte hartzeko deialdia eginez. 10:30ean abiatuko da, Baionako Santa Ursula plazatik.

AZKEN ALBISTEAK | ÚLTIMAS NOTICIAS

Alcanzado un acuerdo de Pacto en la empresa PIMESA #LortuDugu

Desde LAB valoramos muy positivamente el acuerdo, el cual se ha conseguido gracias a la iniciativa movilizadora de la plantilla.

Preacuerdo en el comercio de metal de Gipuzkoa

Hace un año nuestros representantes del sector comenzaron a desarrollar una ambiciosa propuesta de renovación del convenio con dos objetivos principales: impulsar al sindicato mayoritario para que convocara la mesa negociadora y obligar a las patronales a sentarse a negociar.

Urge un convenio digno en las residencias de Araba

Hoy es jornada de huelga en el sector y por la mañana hemos realizado una kalejira por Gasteiz para exigir a la patronal que se mueva y pedir que la diputación también intervenga. Por la tarde, a las 18:00 horas, tenemos otra cita desde la plaza Desamparadas.